هنا

[عطر الياسمين]

ينشدوني على حالي بعدك
اكولهم زين . . . مرتاح . . .
تفز جروحي تصرخ والله جذاب

[هــاجــر]

چنه آنه وياك نوصـــــل للغــــــيــوم
عالگمر چــــانت تطيـــر احـــــلامنه
هسه وين انته صرت لو آنه ويــــن؟
بس دمع شاهد بقه على ايامنه !!

[هــاجــر]

المفارك محب بعيونه تقره الشوك
بملامح وجهه ركز واضحه الفرگـــه
لتگله اشجره وشنهو الحصل وياك
من يحجي اخاف يموت بالحرگـــه
لا تجرح لهفته تمس امل بالـــروح
خلي عيونه تنطر ساعه المــلگه
عوفه بنص حلـم لتگله طيفك راح
ولتفزز مشاعر حالــمه بشـــــبگه
اتركه متاني ابد لتصيح ميرجعـون
ما يسمع كلامك بي يحس خنگه
المخبله العشك ميفيد تحجي وياي
شنو نفع الهوه للمشتهي الغرگــه

[هــاجــر]

گبـل لـو مـر زعـل كلــــك تصــير أعـــذار
هســــه إشغيــرك وشغـيـــــر ظنـونــك
عفتـني و درت وجـهـك و الذنـوب ويـــاك
و أنــا العـايــف الدنيـــا لخـاطــر عيونــك
إذا غيـري رهـــــم بدلنـي بـي و إرتــاح
أعيـش وداعـتـك مــا أمـوت مــن دونــك
مرسومة إعلى وجهـك كلمـــة الـ مليت
كـافـي بـمستـحـاك تـكحـــل جـفـونــك

[هــاجــر]

ﺭﺍﺡ ﺍﻋﻴـﺪ ﺣﺴﺎﺑﻲ ﻭﺍﺑـﺪﻱ ﻣﻦ الجديد
ﻭﺭﺍﺡ ﺍﻗﻴـــﻢ ﻛـــﻞ ﺻــــﺪﺍﻗـــﺎﺕ ﺍﻟﻌـــﻤﺮ
ﺭﺍﺡ ﺍﺑﺴــﻂ ﺑﺎﻟﺮﺑﻊ ﻣﻮ ﺣﺘـــﻰ ﺍﺑــــــﻴﻊ
ﺍﺭﺩ ﺍﺷــﻮﻑ ﺷﻜﺜــﺮ ﻳﻨﻄــﻮﻧﻲ ﺳــــﻌﺮ
ﻭﺭﺍﺡ ﺍﺣﻄــﻬﻢ ﻛﻠـــﻬﻢ ﺑﻤﻨﺨﻞ ﺟﺒﻴـــﺮ
ﺍﺭﺩ ﺍﺷــﻮﻑ ﺍﻟﻴـــﺒﻘﻪ ﻣﻨﻬﻢ ﻭﺍﻟﻌـــﺒـــﺮ
ﻭﺭﺍﺡ ﺍﺟﺘﻒ ﻟﺴﺎﻧﻲ ﺑﺤﺒــﺎﻝ ﺍﻟﺴﻜﻮﺕ
ﺣﺘـــﻪ ﻣﺎ ﺍﺗــــﻨـــﺪﻡ ﻭﺍﻗﺒـــﻞ ﻋــــــــﺬﺭ
ﻋﻠﻤﺘـــﻨﻲ ﺍﻟﺪﻧﻴـــﺎ ﺧــــﺪﺍﻋﻪ ﺍﻟﻌﻴــﻮﻥ
ﺣﺘـــﻪ ﻟﻮ ﻣﻴـــﺰِﺕ ﺑﻴـــﺾ ﻣﻦ ﺍﻟﺴــﻤﺮ
ﺗﺮﻳـــﺪ ﺍﺛﺒـــﺘﻠﻚ ﻭﺍﺑﺮﻫـــﻦ ﻫﺎﻟﻜــــﻼﻡ؟؟
ﻫــــﺎﻙ ﻃﻠﻌـــﻠﻲ ﺍﻟﻤﻠـــﺢ ﻣﻦ ﺍﻟﺸــكر ..~

[هــاجــر]

جذب ننسى الغوالي اشما تمر ايام
وشما طال الفراك العــــــشك يتجدد
لان بينة طبع يختلف عن النـــــــاس
ببعاد الحبايب حبنـــــــــه يتــــــــمدد .~

[هــاجــر]

خلـص وكـت الوفـه وبدلنـه الگلـوب
وصفـت بس الخيـانه انت الك عاده
دلينـي اعلـه واحــد عمـره ماخــان
حتى اوصـل لبـابه واطلـب مـــراده

[هــاجــر]

يون گــلبي عليكم حيل مشتاك
وابد ما فارگــت عيني صوركــــم
صبرنه اهواي ملينه من الفـــراك
الگــلب مجروح مايحمل هجـركم ღ

[هــاجــر]

يالناسي العشك بالجذب ما حنيت؟
ولا مر اعله بالك طيف تـــــــــذكاري؟
ايامي المضت ماهزتك فد يــــــــوم ؟
ولا هزك ضميرك تسمع اخبـــــــاري؟
بغيابك صرت شاعر منكسر مهضوم
بيا شعر الاذكرك تشتعـــــــــــل ناري
صرت كلي جمر واحلامي شبت نار
واذا ما صدكت بس اسمع اشعاري

[هــاجــر]

لان من درسك صرت كلش خبـــير
وصرت بالاهات والون محـــــــــترف
علمتني القسوه في نزف الجروح
وصرت اقوى انسان في فن النزف
انزف الدمعه عليك بلايه صـــــــوت
وانته تعرف زين بس ما تعتـــــــرف
طبعي نخله محمله انواع التــمور
وانته مدري شبيك عينك عالسعف