شما ردت انه اعوفك
الكه روحي طايره وفوكك تحوم
وشما ردت اهرب واتركك
الكه كلبي على الهجربي يلوم
وشما ردت انه اكرهك
الكه حبك بحر بيه انه اعوم
وشما ردت انساك انه
ذكرك ابالي ابد ما غاب يوم
شرد اوصفك وانت حسنك
منه غار الكمر وياه النجوم
عل شفافك عسل صافي
ولو تمر بي بشهر رمضان
افطر ما اصوم
انت طاووس الحسن منك يغار
كل حلو صدك اكبالك جنه بوم
يا بو جلمات التذوب كل حجر
بلبل يغرد يزيح من الكلب
كل الهموم
حطني بعيونك كحل بلجي انام
عذباني السهر بفراكك ابد
ما شفت نوم
اه من عمري الخلص وانت بعيد
نار بعدك تحرك وكلها سموم
يمته اشوف اهلال عيدك بالسما
حته افك حزني وابدلهه الهدوم
ويمته كحل انه عيني بشوفتك
يا غزال اتمنى لو مره تجي
بكاعي تسوم
فدوه خليني ازورن حضرتك
شلني بعدك بلجي يمك انه اكوم
يا حلم ليله على ليله مناطره
مصحيه دنيانه ابد ماكوا غيوم
مر ولك بي نهر يرويني ماي
قطره من مايك بكومه وماي غيرك
كله كوم
رد مع اقتباس
