هنا

[عادل الابراهيمي]

السلام عليكم ورحمة الله ..
حزورتنه اليوم تگول ..
اكو مرية تبيع حليب وچان عدهه مكيالات 3 وسعة كل واحد منهن :
الكبير .. 10 لتر
الوسط .. 7 لتر
الصغير ..3 لتر
اجه واحد مثل حضرة جنابي يتفلسف واصر ان يشتري 5 لتر ..
يابه اخذ 6 لترات ولتشلع گلب الحجية ابدا.. راسة والف سيف اصر والح الا يشتري 5 لترات ..
ما اطولهه عليكم وحتى لتصير رطينه (( على اساس ماصارت ))
شلون تچيله الحجية5 لترات من المعطيات التالية ..(( وهنا مربط الفرس ))
1. مكيال 10 لتر ملآن حليب.
2. مكيال 7 لتر فارغ.
3. مكيال 3 لتر فارغ.
يمكن مو صعبة اشوفكم من تحلوهه..
بااااااااااااااااااي.

[QuRsAn Al7OoB]

ننطي نص ابو 10
صح

[عادل الابراهيمي]

ابو زنوبة عيوني ..
هو اكيد نص ال10 = 5 هاي مايختلفون عليهه واحد ويه نفسه .. بس شلون ننطيه 5 لترات حسب المكاييل اعلاه..
ودي واحترامي..

[عادل الابراهيمي]

ننتظر بلكن احد يمر منا وينطينه خبر ..
الله كريم.

[qas!m]

شوف استاذ عادل راح انطيك حل محد مفكر بيه
ومن مرة وحدة

نسكب من ابو العشرة بابو السبعة ببطأ
ونستمر بذلك حتى يصل مستوى الحليب بابو العشرة الى الحالة الاتية

مستوى الحليب يقف عند حافة قاعدة الاناء العليا وحافة فتحته السفلى

وبهذا يكون المتبقي بالاناء هو نصف ما فيه تماما يعني 5 لترات

اما ابو ال3 لترات نترسة ماي وثلج ونشرب منه
ههههههههههههه
شنو رايك ....بلا دوخة الحل الاول الطويل
عود ما اريد تقييم !!!!!!!!!!!!

[عادل الابراهيمي]

شوف استاذ عادل راح انطيك حل محد مفكر بيه
ومن مرة وحدة

نسكب من ابو العشرة بابو السبعة ببطأ
ونستمر بذلك حتى يصل مستوى الحليب بابو العشرة الى الحالة الاتية

مستوى الحليب يقف عند حافة قاعدة الاناء العليا وحافة فتحته السفلى

وبهذا يكون المتبقي بالاناء هو نصف ما فيه تماما يعني 5 لترات

اما ابو ال3 لترات نترسة ماي وثلج ونشرب منه
ههههههههههههه
شنو رايك ....بلا دوخة الحل الاول الطويل
عود ما اريد تقييم !!!!!!!!!!!!

ههههههههههه ههههههههههه
باااااااااااااااات !!!!

[شمس الشموس]

اني عرفت الحل وان شاء الله صح
اول شي نفرغ من العشره بالثلاثه ونفرغ من الثلاثه بالسبعه ونرجع نكرر العمليه من العشره للثلاثه ومن الثلاثه للسبعه
هسه لحد الان عدنه 6 لتر بالسبعه و4 لتر بالعشره والثلاثه فارغ
نرجع نفرغ من العشره بالثلاثه ومن الثلاثه بالسبعه الي هو باقي بيه بس مقدار لتر وينترس
هسه عدنا لترين بالثلاثه وسبع لترات بالسبعه ولتر بالعشره
هسه نفرغ السبعه بالعشره
ونفرغ الثلاثه الي بيها لترين بالسبعه
هسه عدنا 8 لتر بالعشره ولترين بالسبعه والثلاثه فارغ
نفرغ من العشره بالثلاثه ونرجع نفرغه بالسبعه يصير عدنه 5 لترات حليب بالسبعه
الحل صار طويل بس ميخالف ردت اوضحه مو تدعي عليه
شكرااااااا عمو عاشت ايدك

[عادل الابراهيمي]

اني عرفت الحل وان شاء الله صح
اول شي نفرغ من العشره بالثلاثه ونفرغ من الثلاثه بالسبعه ونرجع نكرر العمليه من العشره للثلاثه ومن الثلاثه للسبعه
هسه لحد الان عدنه 6 لتر بالسبعه و4 لتر بالعشره والثلاثه فارغ
نرجع نفرغ من العشره بالثلاثه ومن الثلاثه بالسبعه الي هو باقي بيه بس مقدار لتر وينترس
هسه عدنا لترين بالثلاثه وسبع لترات بالسبعه ولتر بالعشره
هسه نفرغ السبعه بالعشره
ونفرغ الثلاثه الي بيها لترين بالسبعه
هسه عدنا 8 لتر بالعشره ولترين بالسبعه والثلاثه فارغ
نفرغ من العشره بالثلاثه ونرجع نفرغه بالسبعه يصير عدنه 5 لترات حليب بالسبعه
الحل صار طويل بس ميخالف ردت اوضحه مو تدعي عليه
شكرااااااا عمو عاشت ايدك

عاشت ايدچ شموسة
..هاي وين چنتي يمعودة صار اسبوع ننتظر..
اصلا راح ادعيلچ مو ادعي عليچ ..
صح هو الحل طويل بس لو كاتبة الارقام كرقم مو كتابة چان شوية يكون الحل اوضح..
رعاك الله وحفظك من كل سوء..