عن الله بشبر بالوصف لاتوصلوه
الريس ضحية والشعب غلطانين
واحد أذه دولة شلون معقولة
كلناله خضار وخير يتبع خير
وعيونك صحاح وعيونه الحولة
وانته المنتظر والشرف والتاريخ
صدك وانفخ وتحولة جوله
نفخنا شكد نفخنا شفاد وي ذولاك
أقل شي على ألاقل لا ننفخ بذوله
لابد ذوله انه ولانه من ذولاك
بس خايف نعيد المهزلة الأوله
لاتسمونه ذيب الذيب ياكل ناس
رعية أنتم اله مو غنم تصفوله
عن الله بشبر بالوصف لاتوصلوه
يتوحش علينه وينغر بطوله
ومو عالرايحة وعالجاية تصفكون
ترى الكبله تسوداً جي صفكتوله
أحجوله الصدك كلوله محتاجيك
أنتخبتو موغصب هالمرة كلوله
مو ترحوله فدوه لو كعدتو وياه
وبس يجفي عشر عبوات ترحوله
أذا منكم وبيكم ماكو داعي الخوف
الحليم الي يفتهمكم بس تلمحوله
الي تفزع سلف مو اله صرخه بليل
أبو الغيرة وشهم يفزع لهلهولة
وغنو لكاعكم تستـــاهل تغنون
وأذا نفذ وعــد لاضيــر غنــولة
على الي صار بينه وبعد راح يصير
ما مسؤول واحد كولها مسؤولة
رد مع اقتباس
المشاركة الأصلية كتبت بواسطة حيدر الغديري
