انـــــي .... واصبعـــــــي....!!!
اليوم ومع اقتراب موعد الانتخابات دار بيني وبين اصبعي هذه الحواريه ..
-اصبعي : ها خويه الله يساعدك..!!
-اني: شنو خويه جا انته اخوي لو اصبعي..؟؟
-اصبعي : ادري اصبعك بس هاي بيها قصد..!
-اني : وشنو قصدك عيني ..؟؟؟؟
-اصبعي:اني اصبعك مو عينك..!!
اني: اووووووه... انته هم صاير حشاش عليه ..سولف شعندك.؟؟
- اصبعي :اكلك هم راح تنتخب عووووود..؟؟؟
-اني: وليش تسأل ..؟؟
-اصبعي :لا لا صدك الله عليك ..؟؟
-اني: والله حسب الضروف ومنو عايش منا للانتخابات..؟
-اصبعي: بداعتي عليك هل مره لا تغطني بالمحبره اني ...غط الي بصفي..!!
-اني:ليش ؟؟؟ مو انته الاصبع المناسب ..يعني يصير اغط الاصبع الي بنص ..؟؟؟ شتكَول عليه الوادم..؟؟؟
-اصبعي: جا انته شحصلت من غطيتني ذيج المره وصخمت وجهي وشهر يله وكع الحبر مني.؟؟؟
-اني : والله كلامك يرادله صفنه..!
-اصبعي : اي اي فكر زين واصفن زين ..انتم مو تردون تغيير .؟؟؟ شو بس بالحجي وتاليها اتذبون اللوم علينه وتجيبونهم نفسهم ...
-اني : طيرت واهسي ولك... بس كلامك صحيح ......
رد مع اقتباس
المشاركة الأصلية كتبت بواسطة The Snow Queen
