من كلبي انتهه ومن عقلي هم شلته.. ودرب اللي جمعنه وبيه اثر ذكراك
من كلبي انتهه ومن عقلي هم شلته..
ودرب اللي جمعنه وبيه اثر ذكراك
كرهته وبعدت ولهالدرب عفته..
انطاك اليحبك وفه وصدق احساس
وانت بكل جساره لهالمحب خنته...
غدار انت خاين مايفيدعتاب
اذا حتى الوفالك انت ماصنته!!!
ماهمك دموعه وزيدتله جروح
أشو جنه عدوك تفتخر هنته!!
ولك حتى العواذل البيه يتشمتون
على حاله بجوا حنّوا على ونته...
ومن كد مانذل انت وبلايا احساس
هم موبالوجه مغدور طعنته..
ماعاتب بعد بيك وابد مالوم
انت بلاثمن واغرب بشر شفته..
موحاقد تره آني وانسه كلشي بساع
واظن حجيي ثبت مرات وعرفته..
بس حالي تغير راح اصير انسان
يحب الناس كلهه ويكرهك انــــتــــه
رد مع اقتباس
