يمتى تمر عليه ياسلوى البيت بغيابك ذبلنه وركه وركه
يمتى تمر عليه ياسلوى البيت بغيابك ذبلنه وركه وركه
والله اشعل الروح شموع لو جيت تدري انته شكثر تكتل الفركه
احرك عمري الك لو يوم رديت واليابس والاخضر كله احركه
محبتنه لبن ميغيره الماي اللبن يبقى لبن كل ماتطركه
ممكن تلكه بلغربه الي يسليك بس مثل لمت اخوتك لامتلكه
محتاجك نفس مربيه خطار محتاجك بقت بلروح شهكه
اذا كلبك حجر وتحب الفراك انه من الشيب شعري شلون افركه
مر بلطيف مره وشوفنه شلون نتلكاك ملكه شلون ملكه
هلهوله نطك بكل الاركان والجفوف اتعارك على الصفكه
احنه من نحب مثل المجانين وتدري لنحبه نصير لزكه
الك حنت الروح ودمعت العين فاركتني ليش يازين
مو انته الكلتلي مسافر اسبوع اذا مسه المسه انطي الوجه وين
وانته اكبالي تحجي بصوت مسموع الشجر يذبل اذا مايحضن الطين
وانته منين من هلروح مشلعوع عكب عينك تصير الضحكه بلدين وتدري به لزمان ممنوع....وتدري به لزمان الدين ممنوع
رد مع اقتباس
