الرايد من صدك يحب حسين ** لازم ياخذ من صفاته
خادم ابقة اووالي ** ودمعتي اجاوب سؤالي
............*******.................
حسين بسمه بوجه دمعه ** شوفة من تنزل تريده
بسمه واصفه الدمع ** مولوده من دم العقيده
تدري لحسين القضية ** وياهدف دمعة التعيده
تريد بينه نقتدي ** وبدين طه نهتدي ** وتنادي بحسين وعضيده
وافي ابقة اووالي *** ودمعتي اجاوب سؤالي
..........*******.............
كل فرد يحب يوالي ** تظهر بوجهه العلامه
منور بغيره ومحنه ** يوج من طيبه وشهامه
يوالي ابدمعه الزجيه ** ويحضر بمجلس امامه
وبهالمدارس لو حضر ** ياخذ دروس وعبر ** بالحشر يضمن سلامه
احبه وابقة اووالي *** ودمعتي اجاوب سؤالي
.........******.........
كلت عدنه حسين عبره ** للمحب اصبح هويه
نخدم ونبجي ونواسي** وكعبه عدنه القضيه
نبقه وفايه بعهدنه ** نبقه خدام الزجيه
بكربله انصب عزائي ** وابقه خادم ولائي** خادم الحد المنيه
ثابت ابقة اووالي *** ودمعتي اجاوب سؤالي
............. *******..............
واليحب يسألني عني ** انّه اخبره بكل جوابي
باقي كل عمري حسيني ** وكربله ارضي ودياري
ويبقه دمعي بهالعقيده ** وللفرج يبقه انتظاري
ماعوف هذا الدين ** للدوم دمعي حسين ** والحزن بردلي ناري
الرايد من صدك يحب حسين ** لازم ياخذ من صفاته
خادم ابقة اووالي ** ودمعتي اجاوب سؤالي
رد مع اقتباس
