بَكّاني الزَّمن
عيوني للدمع تذرف
و گلبي يدگ و يرجف
والليل طويل و مسرف
بكاني و ربچ يلطف
بكاني الزمن نيران
حسسني بقهر و حرمان
مريت و شفت نسوان
أسماء وصلن للألف
أسماء كثيرة و حلوة
گلتلهن عيني و فدوة
كل وحدة بيهن بلوة
تغويني ب آه و نصف
لكن انتي غير كلهن
حقيقة مو طيف و جن
خيالي مَن صَنعهن
ابشعري ياء و ألف
ياااا من غربة فؤادي
ابليلي و طول سهادي
حطني زماني بوادي
حتى الليل ما ينتصف
عجبي !! انچ ما تدرين
لو تدرين و ما تصدگين
ابعاشگ مخلص أمين
بالله والقرآن أحلف
احلف انچ حياتي
واغلى من ذكرياتي
ويومي والغد الآتي
افديچ بعمري وأردف
أردف اگول احبچ
واظل أعيش بحبچ
حرام يظلمني گلبچ
يبعدني و ما هو ينصف
عجبي ! يبعدني عنها
چا شلون اعيش بدونها
اتمنى اوصل يمها
واموت گبل ما تطرف
عيونها، اجمل عيون
منها ما تصير وما تكون
ملاك ... و آني مجنون
مجروح و دمي ينزف
وحدها اللي ببالي
اسهر طول الليالي
عجبي!! على حالي
مهموم بحبي و مكلف
عجبي ! اللي أحبها
واعيش و اموت لاجلها
وما عندي أغلى منها
باشتياقي ما تعرف
ابصدري نار مولعة
تحرگني و تحرگ سبعة
والدمعة تجرّ الدمعة
و دموعاتي ما تجف
نگضيها من العام للعام
فرگه وبعاد و خصام
عجبي !! اشبيها الايام
يوم عن يوم ما يختلف
رد مع اقتباس
المشاركة الأصلية كتبت بواسطة اميرة بكلمتي
