والنعم وفيت باللطف بقلمي انا واخي الشاعر موسى الموسوي وبصوت المنشدنمير الفهداوي وانا
ضغط على الرابط للاستماع الى القصيدة
http://www.dorar-aliraq.net/mp3/?p=17031
انتة ابن حامي الحمية انتة ابن ام البنين
والنعم وفيت باالطف والله وفيت الحسين
ـــــــــــــــــــــــــ ـــــــــــــــــــــــــ ـــــــــــــــــــــــ
يضوي ياعباس نورك وانتة عباس الكمر
فاطمة امك تراها ولدتك هذا الشهر
الرابع ابشعبان عيدك حقك انتة وتفتخر
صرت بعد حسين انتة وكبلة تفديه العمر
الجفوف اليوم تشهد اتكطعت يسرة ويمين
والنعم وفيت بالطف والله وفيت الحسين
""""""""""""""""""""""""""""""""""""
اكماطك الرايه يغيره وانته ليث الموزمات
باسك بجفك ابوك علي راعي المكرمات
وزينب الفرحت تراها ابطلعتك رسمت حيات
مابقت حره اله فرحت يا سند المخدرات
انته غيره وانته ثوره احنه نبقه العاشكين
والنعم وفيت بالطف والله وفيت الحسين
""""""""""""""""""""""""""""""""""
سيف ذو الفقار بيدك واضح ابيين السيوف
صلت والسيف ابيمينك في وسط ارض الطفوف
ياكمر هاشم يهيبة يمك احنة انضل ضيوف
هاالملايين التزورك عبرت ابزودك الوف
ابلهفة هاي الناس تمشي كلها الاجلك سائرين
والنعم وفيت بالطف والله وفيت الحسين
"""""""""""""""""""""""""""""""""""""
انته عنوان الكرامه انته ياراعي الفضل
الدنيه كلها الي تعنت يم حضرتك تحتفل
نمشي كلنا انزورك احنه يا ابن ذاك الفحل
ياكمرنه التام بسمك والكمر بيك اكتمل
انته نورك شاع واشرق يا ابن ليث العرين
والنعم وفيت بالطف والله وفيت الحسين
""""""""""""""""""""""""""""""""""""
تمت بعون الله ونسالكم الدعاء
بصوت المنشد الحسيني نمير الفهداوي
ومشاركتي انا اخوكم علي البدري
بااقلامنا
الشاعر سيد موسى الموسوي
الشاعر علي البدري الكيتاوي
رد مع اقتباس
