يا رخص السوالف كون اسولف بيك
و يا ذله من اذكرك بين اليذكرون
ما نادم عليك و روح لا رديت
شلتك من خيالي و روحت اليرحون
راحت ناس كبلك و اجت عكبك ناس
مدري شلون راحوا و اجو مدري شلون
مرور الطيف مروا و انتهى الموضوع
ما لكطو بذهني و كلشي ما يعنون
انه واضح تماما بالشته و بالكيض
ما اصلي ويه موسى و اركص الفرعون
انه اسنيني رحى و طاكين عمري ادور
و ايمر من خلالي و يوكع المطحون
معقوله الاذبه انوب اردله اردود
و اصير اشعب و اركض ويه اليركضون
انه غريبل و اصحاب النوايا ادنان
مجرد ما اهزهم كلشي ما يصفون
بس حركت اديه بهزت الغربيل
واحد تل و الاخر كامو ايصكطون
رد مع اقتباس
المشاركة الأصلية كتبت بواسطة ابو العبدالله المبارك
