الكـــــــاتبة الله أيصير ما بيها اختلاف
بس أريـد انا اختلف لأجل الوطن
ليـــــــش بـس دم العـــــراقي مستبـاح
وليــش بـس يمنا وحـوالينا الحزن
عشـــــــنـا كضينة العمــر ما نــستراح
من سجـن نطلع نـرد ندخل سجــن
انــــــــدفن هذا الشعــب فــــوك التراب
كبل ما جوة الارض هـــم يندفـــن
كبــــــــل محتاج الوطن وكت الحصار
هسة ما محتاج بس ضــاع الأمــن
هســــــــة نحلم يــوم ما بيه انفجــــار
عطــلة من الموت ما تحصل اذن
مـــــوت بالجملة الحصد روح الشباب
يعني كل عشــــرة اليلمهم بس جفن
عـــــــدنا زحمة المــوت صاير بالعراق
يمنة ملك االموت ع الحـــالة صفن
حـــــــقه ما شايف بشــر هيجي تمـــوت
وما خطر ع البال لا ما ســامـــــع
راح مـــــــرة يأخـــــــــــــذ اروح لــشباب
اتخيل المنظـــر علية وبـــــــــاوع
الـــــــي اخذهم عــــــادي ما تو بأنفجــار
بس) صعبة من يوكــــع عليهم جامع
اتــــــــــرملت نســـوان ما الها معيــــــن
اليتامـــا ابـــــــــــلا ذنـب بالشــــارع
وعد الامير
رد مع اقتباس
المشاركة الأصلية كتبت بواسطة ابو العبدالله المبارك
