عندي رساله محضره
عندي رساله محضره
مكتوبه فوكي تمعنوا وشويه بس صفنولهه
حفظوا الملامح والشكل
وشبيه روحوا احجولهه
وكلولهه
من البعد صاير رساله ابلا حجي
والضحكه مدكوره اصبحت بس الدموع شطولهه
وكلولهه
العوز السبب
ياعلي الجن انته اكتلت
العوز مالحته شعجب
حبيتهه اني بوكت جان الوكت من شغل
بس ماكو اي فرصة عمل
بس اسئله
ومبيوكه كل احلولهه
وكلولهه
صح منجفي ومتبدي حيله لجن مجروح لتكلولهه
والله اخافن تنسبي
الدنيا لوغيمت بجت
يتصنت اعليهه الورد وياي لو مره حجت
يتسودن اعليهه الشجر
كل ظنته هايه النهر
ترفه مثل خيط الضوه
ومرات احسنه وكح لو اقيسه ويه ريولهه
وكلولهه
كصرج حلو
جي ظهري بالفركه انحنه وكمت احس روحي بطولهه
وكلولهه
ذاك الترف
والله بغيابج منجرف
منجرف عن العافيه
طايح ولابس فركتج بس الملامح حافيه
وحجولهه شعدهه حجي
وحجايه لتخلولهه
وكالولي
اذا رادت الك صوره تدل انك جرح
انكلهه ولفج منتهي
انكلهه تعبان اوكع من من البجي
انكلهه طوله من التعب ميفيد بي من يرتجي
.
.
هيه خلصانه بعد جا يلله متكلولهه
وكلولهه
فراكج اكل مني الضوه
وبيه كطف ليل ابوكت عندي الظهر
وبيه الج شوك شكثر
ما يكتمل ويه الكمر هذا عمر
ليكمله بس شيلة جتف من تصبح الدنيه كبر
رد مع اقتباس
