هنا

[سودانى عاشق للعراق]

اللى فى الصورة دا طبيب أسنان أسمه وسام العطل . ... كان مقيم بمخيم جباليا بغزة ويملك عيادة بها .... يعنى بينه وبين أقرب جندى أسرائيلى ما لا يزيد عن اربعة كيلومتر !!! السيد وسام العطل قرر يبيع الدنيا ويشترى الجنة

... بس عن طريق رأس الرجاء الصالح .. يعنى بدل ما يلبس حزام ناسف ويمشى اربعة كيلو ويخش فى اول جندى اسرائيلى ( اللى هو محتل بلده ومغتصب ارضه وبيته وبالتأكيد ساجن حد من اقربائة الخ الخ ) ويفجر نفسه معاه ... لا قرر يهرب من غزة عبر الانفاق ويخش مصر ... ومنها يتسلل الى احد الموانئ المصرية ويستخبى فى مركب لحد تركيا ... و يتنقل فى تركيا حتى يصل الى حدود تركيا مع سوريا .... ثم يتسلل الى داخل سوريا ...، وهناك فى سوريا وبعد ما قطع مايقارب الالف كيلومتر يلبس حزامه الناسف ويفجر نفسه فى افراد من الجيش السورى !!!!!!!!! تقدر تحط الف علامة تعجب ... وتقدر كمان تخبط رأسك فى الحيط ... عجزا عن فهم ذلك !!! اى منطق .. واى عقل .. واى دين !!! ازاى ممكن تمسح مخ انسان يفترض انه مثقف ويفترض انه بيفهم وعاقل ورشيد !!!! ازاى تقدر تقنعه ان الخسة والندالة والجبن تخليه شهيد !!!!! ازاى تقدر تخليه يصدق انه لما يقتل من هو من دمه ودينه .. تاركا عدوه الحقيقى اللى استحل دمه ودينه .. هايخش الجنة