درر العراق

Lionel Ali · 20/March/2014

مامرتاح .

جن ذاك الغريب المادرو لمن مات ..

جن شايب تحسر من لفاه الشيب ..

ويبقه ابيض شعر شما يجر حسرات
..
وعشت مثله بندم اتحسر اللي فات
..
وعساني اگطع درب الخدود…

بلكت من يذيع الخبر عالوجنات…

تبطل ماتصب العين ..

بلكت تحبس الدمعات
..
وبلكي لصورتك اوصل واجر الشوك
. .
واهددها وبعد مو عالرموش تبات
..
وبلكي بريتي نقلد عطر طاريك ..

وتصدگ بالهوه وتتنفس الريات
..
وبلكي بخاطري مصباحك انطفيه ..

واكسر خاطري من اكسر المصباح ..

بلكي ارتاح ..

لن بفركتك كل لحظه ما مرتاح ..

شتظن مرتاح ..ما مرتاح ..