عزيزتي ام سجاد :
اذا كانت الحالة كما تقولين والامر يضر بحياة الام ..وهو على هذه الدرجة من الخطورة ..فبالتأكيد سيكون مثل هذا الامر جلياً للطبيبات الاختصاص (النسائية والتوليد)..و لن يكون اتخاذ قرار الاجهاض صعباً ..و يمكن للام مراجعة اي من المستشفيات المختصة للحصول على الرأي النهائي والذي تصدره عادة لجنة من طبيبات الاختصاص ...و يتم اجراء الاجهاض في مستشفى حكومي وتحت اشراف طبي ...
كل التمنيات بالموفقية .
شكرا اخت فيري
مساء الخير دكتورة
كثيرا ما اصاب بفقدان الحرارة بشكل مفاجئ عندما اتعرض لهواء بارد او برودة الجو بالخارج ولو قليلا
وتصيبني حمى وصداع شديد , يا ترى كيف اسيطر على حالتي وماذا استخدم ؟
مع الشكر مقدما
ابو عبد الله ما فهمت سؤالك ...تقصد انه انت تصاب بالانفلونزا بسرعة بمجرد انه تتعرض للبرد لو الاعراض اللي وصفتها هي شي آخر؟
مرحبا دكتورة فيري
انشا الله تكونين بخير , شكرا لك على الجهد المبذول في خدمة اعضاء المنتدى
بالحقيقة ابو عبد الله يعاني من هاي الاعراض بس ما ينصاب بالانفلونزا
يعني من يضربه الهوا لو شوية برد يصير عنده ارتفاع بدرجة الحرارة وصداع شديد
واني اغطيه بالبطانيات واسويله جود مي حار والا يتعرق بشدة يلا يفك
بس يبقى يوم كامل تعبان واعراض المرض تبين عليه
يعني عيونه تصير حولها هالات سوداء ووجهه مبين علي التعب
وقليل الحركة
اني جاوبت لانه اني اصير الممرضة مالته بينما تروح الاعراض عنه واريد اعرف شاسوي لمن ينصاب بيها
طيب هذي الحالة متكررة وقديمة ؟..لو شئ جديد ؟
متكرره وقديمة قبل ما نتزوج
الحقيقة حتى اكون صريحة ...ماكو هيج مرض بهالاعراض ...
اكو ناس يتحسسون من البرد يتهيج عندهم الصداع النصفي
اكو ناس يتحسسون تنقبض الاوعية الدموية بأصابعهم و منطقة الانف (raynaud's disease)
بس انه ترتفع الحرارة ويصير عنده وهن لساعات محدودة ...فالحقيقة ما عندي جواب ...و ترا هواية اشياء لسة الطب ما ملتفت الها لأن قليلة الحدوث ...و ما مدونة اعراضها بطريقة علمية ...
وان شالله ما عندك ابو عبدالله الا العافية ...و توقى البرد ...و الله كريم .
و اعتذر عن التقصير بالاجابة الشافية
ما تقصرين دكتورة
شكرا عالمبادرة الحلوة
رد مع اقتباس