الصهيلأســــــــــمـر الــســــــــــــــودان
إنتي البُشارة وياكي مزيج السُعد البِرُد الَرُوح
جل الأبدع فيكي الحيا وأودع فيكي حَنُون ناغاي
يا السَاكنة ومتجذره شتلة محنة في جواي
وآه مِن طريفاً سَحَايبو هَمْتَ عِينة خَريف بكاي
آآآآآآآآآآي يا حِلم العُمُر .. الْطَّلة وغَمر دُنياي
بَحِبك يا بَهِيجة الرُوح يا الخَلَقُوكِ ليا ما لي ِسواي
فيكي لباقة السمح وَنْاس وخُلقُ الصَبوح َشاشَاي
يا كرنفال من عفة و منارة للنهج السليم والراي
آآآآآآآآآآي من صَراحة الُزول الصُدوق رساي
وآه من حِنو الدوام ناغاي
آآآآه منك يا العلمتي قلبي الصيهل والقوق
وإحترافي للعِشق الجَسُور وشَفُوق
وكيف الروح تناسل الروح وتهدهد شَبُوب الشُوق
شوفي صَبَّري كيف في غِيابك صَبح لجُوج مَمَحُوق
وآآآآآه منك يا الحاصراني في ِسرك وضُحى جَهرك
بحبك يا نفحة من حُضن أُمِي وحَنَان أُمِك
وتمام كيفي الألهم نَظمي وعَزف لَحنِك
قسماً بي خَاطَرِك المَجرُوح على عَهدي وبَبِر وعَـدِك
جَميل غرسك ثمار نخلك وإخلاص نيتك بيشهدلك
يوم قِيثارِك سكب عشقك والنيل هَدرمَوجُوُ بِدُورقُربِك
قال يوم سَعدو المُقِيم لحظة أُنسِ في حُضَنِك
وآه من قَليباً غرس فيني بِذوُر المَحَنة أسَاس
وعَزف مَواوِيل الفداء البوحد لي شجون الناس
يا مُجنُونة والله رايَدِنك وحابِنِك وجُوه القلب َشايلنك
بعيدة إنتي وأرواحنا وقلوبنا معاك وبخَيالنا شَايفِنك
شَايلنِك مَعزة وفي ولِيد الَعِين مِخَبِنك
يا مَجنُون يَا هَا نَار الهَوي البِضنِي
حريرة زَفَافنَا مجدولة بالَهيبة والإخِلاص
مَلهُوفة عَليكا يا مكنون روحي وحقَّ الحقَّ
أنا المَمَكُونة بي رِيدتك مِتين ألحَقَّ
كِمِل صَبرِي وأتمَحقَّ تعال من قبُلَ أُم الحُنان تغرق
رد مع اقتباس
