وحــيات عينيك
يا الشــموخ الزان نخيلنا
هون عليك وسامح عليلنا
وحات عينيك
أنت زادنا وأنت نورنا وكل مرادنا
يا الفنار البضوي ليلنا ويا ظلال دوحة مقيلنا
مهما غراب البين يكيدنا يا صراح نزف هميلنا
حا نفضل ليكا مشتاقين وحاتك
وبرضـو صابرين حتى لو بالصدود والنار تقيدنا
ومهما الزمن يستبيح كل حلوة مقسومة لينا
وحا نفضل برضو صابرين
لو بالسهاد تتفصد عينينا وبالأشواق تتفطر كبيدنا
ما نحنا بنحبك إنته وما بنساوم أو نسارر فيكا غيرنا
عليشان عارفنك يا حياتنا من كل قلبك بتشتهينا
وسابع المحال الفينا ينضب معينها
ياكا زولنا البصد حردان ويرجع تاني يناغمنا ويكيدنا
آه منك
يا البتسري أشفَّ من همسة ود حنينها من وريدنا لوريدنا
وبي فـد ضحكة يزلزل مشاعرنا
ويسكب سلاف الروح يِنشرَّ فينا
بيهو يذوب المجمد في الوريد ونار الشوق تقيدنا
وحيات عينيك
يا أعظم من حرك مشاعرنا وأعـزِّ ريدنا
إنته نطاس وآس وإنته خلاصة نضيدنا
وبرضو بنسأل نحنا ما يانا ناسك ومشتهاك
من ثمارك وين نصيبنا
أســـــــمر الســــــودانِ
رد مع اقتباس
