والله بنريدك .. وبنحبك ..
حتى لو جار وقسى علينا الزمان ..
يا واهباني الرقة والخفقة
تعويذة توقيني ..
ضد التشظي والخصام
وأبقى من صناع سلام العالم
وأبقى منارة للتوادد والتخاصر ..
ونبقى منــارة للســلام .. للســلام
أحبــك .. من قلبي من ضميرى
فدا لكي العمر .. يا قينة البوح والسلم ..
يا بــدر التمام
حــتى آخــر قـطر من نبيذ العمر ..
يا قنية العطف والحنان ...
يســلمو الناس الحنان
__________________________________________________ ________________
ســــــمَاح
آخـر مُرة نَقول بِنرِيدك .. وأعَذُرينا ..
هي كِلمة صِيد العِيُون بترفّ بيها وما بتَصُونها
كيف الخلاص ..
مِن ريدها مخَفِية في نُونَات عِيونها
والقِلوب الصافية مَرسَاها وسِكُونها
كلِمِيها ياعُيونها وعِلِميها كيف تَكُونها
والرِيدة مشتل العَافية ما بتفارِق حِصُونها
والله هي قَدر مَكتُوب علىّ
أتَّقلى ما بين نار هَواهَا وشِجُونها
آه ِمنك يا ضَنِينة
ياعِيوُن تَواها وبِتأسِر كُلْ مشاعِرالناس رهِينة
ما زمان عَاهدِتي قُلبك كُلَ الرِيدها مدخُورها لينا
بي حنَانِك وبي نِفُورِك كَم سِعِدنا وكَم شِقِينَا
ومِن سْرَابك يا ما أتَرعنا كاسَاتنا وإرتَوِينا
دي آخِـرمَـرة نَقول بنرِيدك أعذُرينا
نحناغلطانين وحِاتك كُنا قايلِنك حَنِينها
كُنا قايلين نبضِ خَطوِك ببقى لينا خَفقَاتنا ومشِينا
هي كِلمة والعِيوُن مَحقُونة بِالدمعة السخِينة
لا لقينَاك برِ آمِن رِسينا ولا حَتى مِن رِيدتك شِفِينا
أعــذُرِينا ..... أعــذُرينا
يا جذور المحنة المغروزة فينا صدقينا
جوانا من نَزفِـك بعَاني وبين ضِلوعك بِتِتنزَف رهِـينة
أرحمينا وأرحمي قلوبنا الحَزِينة
الياما بْكَيتيها بالدَمعة الَسخِينة
لاراعِيتى حَقَّ الرِيدة فِـينا
ولا العِيد السَعِيد البجِيب الناس دلاك علينا
ونحنا سَلوَتنا السماح .. المعُتقة ريِحتُو فِينا
وياسماح مِن عُلاكي طِلي مرة وعـدِي بينا
وأرضِعِينا مِن حَلمَات الشُوق لبينة وشبعِينا
وعُودي تاني لي عُلاكي كان قِدرتي وأعذُرِينا
وأعذُرينا .. أصَلُو رِيدك كان قَدر مَكتُوب يجِينا
وأصَلوُ رِيدك في الأزَلْ كان أحَلى قِسمة مَكتُوبة لينا
أســـــــــــــمــر الـســـــــــــــودان
رد مع اقتباس
