قلبي رادكاســــــمر الســـــــــــــــودان
قلبي رادك بي إرادتي وجسارة إرادتك
كيف يوادعِـك ويهدم سعادتك ويستكين
الحِنَين ما أظن يلين يرضى ويسامحك
يخون عُشرة سِنين وإنتي العرفة الباقية ليا
محال تهوني عليا يا المجرتقة بالحنين
وكيف يخاصمك وجرحك لسه ما أندمل
كيف أسامح قلبي وأبقى عايش مِن غير أمـل
وإحتضن إحتراف حرقة الأشُواق والأنين
****
يا خوفي لو مَشاعرِك خَانْت إرادتِك
وفارقت شِفاهِك إبتسامتِك
مُستحِيل يُمه أخاصمك على كل حال
محال تهوني عليا يا مجرتقة بالوِصال
لو تِتعَدِي عليا من صميم القلب مسامحك
ولا لا ما بقدر يتَحَملْ يِوادعِك
وبغِير عَليك حتى مِن .. خُصلة شَعر
لامِن تَرِف وبي هُيام تغازلِـك أوتَهِيم تَقبِل وجَنتيِك
****
وبخاف كمان ضِي القمرة لو داعب عِينيك
وبحاف كتير لو النسيم يسبُقني
ويِشعل فيكي ريدو ويستبيك
ومن شوقي ليك بخاف أنا وبرجِف كتير
لمن أقابِل نُون عِينيك وأنثلم أصبِح أسير
كيف أوادعك وأنا بيني ما بينك حبي الكبير
رد مع اقتباس