مكتبــــــة الدارميـــات
لاتگطع اترجاك
سمعني كلمة
والله الهوه بلياك
مايسوه اشمه
==============
لاتظن يوم انساك
يالمني بية
ماي انته ومباريك
بثنين ادية
==============
سهران افكر بيك
ماشايف النوم
وتخيلت مرسوم
وجهك بالنجوم
==============
ينراد اخلي اعيون
بعيوني ذني
حته اگدر ابچي اعليك
من تمشي عني
==============
هدني التعب يفلان
والهم أكلني
من غيبتك لليوم
محد فگدني
==============
نمت آنه عالتبريد
حسبالي أغفه
نار المحب بحشاي
ماترضه تطفه
==============
أصفن واعد انجوم
وايدي اعله خدي
هم غربة هم افراگ
هم ولفي ضدي
==============
للدوم اظل وياك
يالطيبك ايفوح
ولخوتك ماعوف
لو تطلع الروح
==============
غيرة وكرم واخلاص
كلهن صفاتك
واتعب شوصف بيك
يالطيبة ذاتك
==============
صدگني آنه اوياك
روح بوسط روح
گبلك أحس بالآه
لو إنته مجروح
==============
تدري شوكت أنساك
وبگلبي اتهون
من تسمع آنه هناك
بالنجف مدفون
==============
حسبالك آنه انساك
يالتسوه كلشي
تسوه العدل والمات
والتوه يمشي
==============
عبوة وزرعني الشوگ
صرت اعله دربك
واعذرني لو طگيت
فجرني حبك
==============
تدري شوكت أنساك
ياأغله الاحباب
لمن يجيني الموت
واتغطه بتراب
==============
لجلك أصك الناس
واصعد البطة
واليحچي حته اوياك
بالجنطة احطه
==============
لعيونك الحلوات
صدگني أشتاگ
ماأصبر بلياك
واتحمل افراگ
==============
كون الجمال البيك
أتمنه بية
حته آنه من اشتاگ
أصفن علية
==============
غالي وعزيز اهواي
وفراگك اهموم
وعيوني لو تنساك
أعميها للدوم
==============
حاير شحط للعين
وامنعها منكم
صبح وعصر وغروب
تسألني عنكم
==============
عيون البشر حلوات
بس عينك احله
خظرة وتسلب اعقول
لو تحط كحله
==============
ظلمة وتريد الناس
توصل للبيوت
بس آنه اريد الگاك
هالساعة لو موت
==============
گالولي اجاك العيد
چا ليمته اتهيد
عيد اليمر بجفاك
ماينحسب عيد
==============
تدري آنه گبل العيد
عاشورك اوياي
حاسمها لو مو عيد
ماتضحك اشفاي
==============
يم بيتي بيتك كون
واشمرلك العين
تشبعها منك شوف
وتردها بعدين
==============
صايم على فرگاك
غيرك فلا اريد
أفطر أنه بملگاك
وك شوفتك عيد
==============
أتعارك اوية النوم
بلكي اغفه وانساك
تاليها صورة وصوت
إبحلمي الگاك
==============
باخر نفس مخنوگ
واتمنه اشوفك
واعذرني بس الموت
يجبرني اعوفك
==============
نامت اگلوب الناس
بس گلبي گاعد
والضغط من فرگاك
كل ساعة صاعد
==============
للموت اضل وياك
ماابدل الراي
وافدي الجسد والروح
لليوفي وياي
==============
بالگلب ساكن دوم
مايمكن انساك
يهجرني حته النوم
من يمر ذكراك
==============
إرهابي ليش اتصير
مو إنته حباب
فجرت گلبي اشبيك
سويته عطاب
==============
الخوة شحت حيل
صارت قليلة
لكن وحگ عيناك
خوتنه اصيلة
==============
ليل وشتى وبردان
ماتدري حگك
ماأدفه حته بنار
أدفه امن اشبگك
==============
أصفن واحاچي الروح
وين احنه چنه
هم ترجع الأيام
ويلتم شملنه
==============
ناذر نذر لو جيت
وتشوفك العين
أگعد أجدي اسبوع
اباب الحسين
==============
سيطرة بدرب اهواي
وهمية أنصب
حته امن اشوفه ايفوت
أخطفه وأهرب
==============
شريان الك بالروح
يمشي بغزارة
وحبك بگلبي دوم
ماتطفه ناره
==============
مل مني حته الليل
والگمر شاهد
بس بيك افكر دوم
للفجر گاعد
==============
مذنب أظل بهواك
كون انته قاضي
تحكمني بالإعدام
صدگني راضي
==============
اتريله الك بوسات
تحملها العيون
حضر خمس عمال
بس اليفرغون
==============
أخطب بنص الناس
والساحة تشهد
وافرض حضر تجوال
لو غثك احد
==============
صدگوني مامرتاح
يالروحي عدكم
لو أدري هيچ اشتاگ
ماعاشرتكم
==============
الروح اذا تنساك
ميتة اعتبرها
وبيسرتي ويمناي
أحفر گبرها
==============
مسكنك روح الروح
ياشمعة العين
ومن كل خطر يحميك
مولاي الحسين
==============
للصحبة أهدي الروح
وعيوني الاثنين
والعمر فدوة ايروح
للصاحب الزين
==============
دايخ وافكر بيك
وعن بالي متروح
أمشي وردمني الباب
حسبالي مفتوح
==============
صابر على فرگاك
گلبي اليريدك
والصبر يالمحبوب
مفتاحه بيدك
==============
لاتسأل اعله الحال
خليها سكتة
تسأل على المكتول
والكاتل انته
==============
لو ممشة عشر اسنين
أمشيها واكثر
ماأتعب وماجوز
من حب الاسمر
==============
روحي بسرير الموت
تنشدني عنك
وتگلي ليش اهواك
متبري منك
==============
يالبلگلب مشتول
وبروحي مزروع
فراشك النبضات
واغطاك الظلوع
==============
ياجوري يانعناع
يانبع صافي
لاخر نفس بالروح
ليك ابقه وافي
==============
غير الوفه يهواي
ماعندي غاية
وآنه اعله عهدي اوياك
حد النهاية
==============
كون الفرح ينباع
واشريلك العيد
يالشوفتك عيدين
عيد احله من عيد
==============
أسأل أضل اعليك
حد گطع الانفاس
غالي وتضل بالروح
تاج انته عالراس
==============
تبقه انته تاج الراس
تبقه انته راقي
يالريحتك بغداد
واسمك عراقي
==============
كون الحبيب ايصير
بالحمزة دنگة
وبحجة الزوار
كل ساعة اشبگة
==============
صح البشر حلوين
بس الك ميزة
تدخل گلب تهريب
وبلية فيزة
==============
أتمنه هالطلاب
كلهم ينجحون
چيفن حبيب الروح
وية اليدرسون
==============
گتلك تفضل فوت
كل قصدي للبيت
رأسا دفعت الباب
وبگلبي طبيت
==============
تمثال الك بالعين
شايلته الجفون
نافورة منه وبيه
دمعات العيون
==============
من غبتوا ولهاليوم
أحلامي بيكم
وصدگوا مثل هوار
أبچي عليكم
==============
ظلمة ودرب عاثور
والدنيه تمطر
لغيرك فلا تانيت
بس الك أنطر
==============
طيفك نبض بالعين
كل ليلة ضيفي
بعيونك الحلوات
هم يمر طيفي
==============
أهلا وسهلا بيك
صارت قديمة
أفرشلك العينين
والگلب خيمة
==============
اشما تگول الناس
عندي انته الاول
سو كلشي بالدلال
ياحلو مخول
==============
دم الگلب بجفاك
فاض من العيون
مو حب طبيعي اهواك
بيك آنه مجنون
==============
أنشد عليك الروح
مدري اشتگلي
مدري انته نص الروح
مدري انته كلي
==============
لاتظن يوم انساك
لو يوم اعوفك
صدگني ابيع الروح
بس كون اشوفك
==============
كون المحبة اتصير
مثل السياسة
حته اليخون ابساع
ينگطع راسه
==============
كلمن يگول انساك
گله انته مجنون
هو الگمر ينشاف
من غير العيون
==============
كلمن ينام الليل
مايعرف ايحب
آنه بحلات النوم
وعيوني اتصب
==============
لو گلبي عافك يوم
سويته تكه
وللمكتب استدعاء
بالبطة اصكه
==============
يهتز يريد ايطيح
گلبي اعله فرگاك
لايرضه جرحي ايطيب
لايرضه ينساك
==============
دورت بالصفنات
وحده انته منهن
لمن صفنت النوب
صرت انته كلهن
==============
دورت كل الناس
ماكوا بحلاتك
والعسل كله ايروح
فدوة لصفاتك
==============
ريت الأصابع هاي
إيصيرن اشموع
مشعولة لجلك دوم
للأبد متموع
==============
حط حرس حط اسلاح
حط قوة يمك
لازم أجيك اليوم
أوصل واشمك
==============
الصحبة صحبة موت
لتظن اعوفك
ماتدري آنه اشلون
مشتاگ اشوفك
==============
كون انگلب صمون
واسكن فرنكم
وكل ماتمسني النار
أصرخ أحبكم
==============
بالحلم شفتك طيف
چذبت العيون
نايم وافكر بيك
من اگعد اشلون
==============
كلمن يگول انساك
صدگني چذاب
حبك جرح بالروح
ينزف ولاطاب
==============
مفخخ صرت بهواك
صرت انتحاري
تفجيري بالريموت
بيدك قراري
==============
بدلالي اضمك حيل
وبوسط الضلوع
من عنده تاكل زين
لو مسك الجوع
==============
لاتظن حي وانساك
وانسه الليالي
جثه آنه بالتابوت
وانته اعله بالي
==============
أقره وافكر بيچ
وانسه امتحاني
وبيچ انتي مدري اشلون
الله ابتلاني
==============
گصصني ذبني بطين
واسحگ علية
تصرخ تصيح اهواك
كل وصلة بية
==============
أتمنه عندي اجناح
وكل ساعة امر بيك
معذبتني هاي الروح
بس تسأل اعليك
==============
كون الدمع ينشال
وبعيني اخليك
وكل ماأحن واشتاگ
أبچي وأحاچيك
==============
أخسر عليك الروح
ماضني خسران
للخوة كلشي ايهون
ياأغله إنسان
==============
كون آنه ابيعن غاز
بس للأحبه
وكل ماأمر اعليه
أترسله دبة
==============
لوغبت عن العين
أحسبها شدة
واحرگ بدمع العين
وجه المخدة
==============
مشتاگ الك مشتاگ
وبگلبي حسرة
بية كسر يهواي
وانته التجبره
==============
بالليل افز فزات
وابچي اعله حالي
كله بسبب فرگاك
اشگد انته غالي
==============
من كثر مامشتاگ
تيهت نفسي
أجرت الامريكان
حسبالي تكسي
==============
من كثر مامشتاگ
واشتهي الجية
أجرت الامريكان
حسبالي كية
==============
تدري شكثر تشتاگ
لطيوفك العين
ابكثر ماتشتاگ
زينب للحسين
==============
تبقه بوسط هالروح
تبقه انته ظلعي
ولو أحسب الغالين
إنته اغله ربعي
==============
والحجر واهل البيت
والكفل أخته
والله امن اعد اعزاز
أولهم انته
==============
رمش برمش شديت
مانامت العين
تسهر والك تشتاگ
مطلوبة الك دين
==============
الولد لوفطموه
يبچيله يومين
بس انته من اتغيب
أبچيلك اسنين
==============
الدهر لو وازاك
طگلك اجگيره
شتگدر تسوي اليوم
شنهو التغيره
==============
الدهر لو وازاك
إزرع طماطة
وازرع بصفها اخيار
واشبع زلاطة
==============
كونك امراية اصير
ومعلگينك
وكل ماأمر اعليك
عيني بعينك
==============
نوم المخدة ايلوگ
للباله خالي
ومنين اجيب النوم
وانته اعله بالي
==============
بجاه الله والعباس
وبجاه الحسين
يحفضك رب الكون
من نظرة العين
==============
صح انته عني ابعيد
من تحسب امتار
لاچن وسط هالروح
مبنية الك دار
==============
وحدك سكنت الروح
وحدك معشش
بگليبي دور زين
دور وفتش
==============
بالگلب بالشريان
بنص روحي اخليك
حزب الله يرضون
نصر الله اسميك
==============
ضلمة ودرب عاثور
وهم حظر تجوال
أوصل واجيك ازحوف
واشكيلك الحال
==============
إنته التضل بالروح
والباقي فلسين
حبك نبت بحشاي
أقسم بالحسين
==============
كون الگلب ينصاغ
محبس ودزه
يبقه إلك تذكار
لجل المعزة
==============
فخخت روحي اليوم
كل هذا لجلك
ولو مارضوا ينطوك
أنفجر بهلك
==============
كون انته هسه اهنا
كون انته يمي
كون انته بالشريان
توزعلي دمي
==============
متعجبه النسوان
براغب علامة
داخل حسن يسواه
ويسوه عمامة
==============
أهمس بإسمك دوم
فضحتني الاحلام
بطلت حته النوم
وبليلي مانام
==============
آسف يبعد الروح
تعذرني ريتك
عندي ظروف اهواي
بس مانسيتك
==============
الگلب ماينساك
بس هذا عيبه
صدگني من فرگاك
طلعتله شيبه
==============
هاك اخذ كلشي اتريد
شتريد اخذ هاك
هوه العمر فلسين
يسوه ابلياك
==============
أهلا وسهلا بيك
حيل الگلب صاح
لو ماتلزمه اضلوع
من فرگتك طاح
==============
وينك حبيب الروح
مشتاگ اضمك
صح امشي بين الناس
بس روحي يمك
==============
إنته احله كل الناس
ياهو احله منك
حته الجمال اليوم
يسألني عنك
==============
صبح وعصر وغروب
وبهدوة الليل
وبكل دقيقة الروح
تشتاگلك حيل
==============
كون انگلب طلقات
وادخل بگلبك
واكتب على الشريان
دمرني حبك
==============
ظلمة وحظر تجوال
وامريكي بالباب
ولو تنگلب طلقات
أتعنه الاحباب
==============
ظلمة وحظر تجوال
واليطلع ايموت
بس اليحب اهواه
يتحده ويفوت
==============
ظلمة ودرب عاثور
والمطر حالوب
كل هذا واتعناك
عنك فلا توب
==============
ظلمة وحظر تجوال
والبطة تفتر
واليطلع ايصكوه
لو جده يحظر
==============
ظلمة وحظر تجوال
والشرطة تفتر
أوصل واجيك ازحوف
يالمعدنك در
==============
كون الگلب بي باب
تگدر تشوفه
ولو شفت غيرك بيه
حگك تعوفه
==============
ثاري البنات اهواي
مثل الچفافي
بيهن تخون ابساع
وبيهن توافي
==============
ثاري البنات اهواي
مثل الطماطة
بيهن تخيس ابساع
وبيهن زلاطة
==============
أگعد بتالي الليل
وادعي بصلاتي
ياربي بعد اهواي
شلي بحياتي
==============
من گلبي اخذ لحمات
خافنك اجوع
ولو مالگيت اشياش
شيش بالضلوع
==============
صح انته عني ابعيد
بس على بالي
واقرب إلي من الروح
حبك يغالي
==============
للموت اضل اوياك
مايوم املك
مابية حيل افراگ
من هسه اگلك
==============
تمرضت عشر امراض
واسهلهن السل
ولو بعد عشر امراض
منك فلا مل
==============
گلبي اللي چان بخير
وبخير نبضه
من فرگتك سكراب
بالسوگ اعرضه
==============
بين الگلب والروح
إهنا أخليك
واكتب خطر ممنوع
محد يمر بيك
==============
ناسي ونسيت الناس
بس مانسيتك
ولوغبت عن العين
بالدم لگيتك
==============
روحي وعيوني اوياك
والگلب يمك
يمشن سوه بشريان
دمي اوية دمك
==============
لوتدري هاي العين
شمسوية بية
كل نظرة بيها اليوم
شفت المنية
==============
من الصبر مليت
والصبر ملني
ماأگدر بلياك
يمك دخلني
==============
الگمر من وجناك
شع وتنور
وحته الورد والياس
منك تعطر
==============
مو مشكلة النفطات
ولا مشكلة الماي
مشكلتي ياهالناس
ماشايف اهواي
==============
أسأل عليك الناس
وين انته غايب
الگلب من فرگاك
شاف المصايب
==============
أتمنه اصيرن طيف
بالليل اجيكم
حته ابقه طول الليل
حارس عليكم
==============
كلما يمر الليل
والنجم يظهر
أذكرك واشتاگ
واتمنه تحظر
==============
روحي اوية روحك دوم
شذرة اوية محبس
مصيوغة الك مخصوص
الچفك وبس
==============
بالجنة من طبيت
الحور اجني
صحت آنه اريد اهواي
شلي بهذني
==============
عطشان اظل عطشان
واروه اعله شوفك
بطرانه هاي الناس
يردوني اعوفك
==============
أهلا وسهلا بيك
واكثر بشوفك
ولتفكر آنه بيوم
أگدر أعوفك
==============
أهلا وسهلا بيك
واكثر بملگاك
والگعده تحله اهواي
من نگعد اوياك
==============
أهلا وسهلا بيك
واكثر بالوياك
والگلب گبل العين
فز وتلگاك
==============
روحي سفينة شوگ
وانته هواها
ولو فكرت تنساك
تغرگ عساها
==============
مرتبط گلبي اوياك
والنبض منك
هم تظن يوم انساك
واتخله عنك
==============
حسبالك آنه انساك
والكعبة غلطان
جوه الجلد موجود
يعني انته شريان
==============
إشتعل گلبي بنار
چي ماأشوفك
أنعل أبو الينساك
لابو اليعوفك
==============
كلما أريد انساك
تاخذني سكته
بالدنيه احب اثنين
بس الله وانته
==============
لاتظن مثل الناس
بس تبعد انساك
صح انته عني ابعيد
بس روحي وياك
==============
لاتظن واحد يوم
غيرك عشگته
ولو يوم احب اثنين
هم انته وانته
==============
لتصدگ آنه انساك
دوم انته عالبال
هم شفت واحد عاش
لوگلبه ينشال
==============
تيزاب احط بالعين
واعدم نظرها
والروح اذا تنساك
أگطع خبرها
==============
كل عقلك آنه انساك
يوم من الايام
مو عالجلد دگيت
إسمك عالعظام
==============
لو فكرت تنساك
وتعوفك الروح
چا صحت عزرايين
ياخذها وايروح
==============
لتصدگ آنه انساك
وانسه الليالي
شما غبت يالمحبوب
تبقه انته غالي
==============
كلما أريد انساك
أرجع واحبك
مثل الزرع والماي
گلبي اوية گلبك
==============
أنسه الگلب لو راد
فد لحظة ينساك
شنهو الگلب والعين
كلهن فداياك
==============
كلمن يگول انساك
ينهجم بيته
يضحك عليك الگال
إسمك نسيته
==============
يسألني البطران
إعربلي كان
حسباله مثل العام
عقلي بمكانه
==============
حط روحك اعله الروح
خليني احس بيك
وحدي اوية ملچ الموت
لو باعك اشريك
==============
عيوني واشوفن بيك
يالتسوه العيون
لا والله ماأنساك
لو ينتهي الكون
==============
عاتبني لو حسيت
لحظة آنه ناسيك
يالتسري بالشريان
چاوين اخليك
==============
چتفت گلبي اچتاف
كل ضني ينساك
هزني وكسر ضلعين
خله ومشه اوياك
==============
اعنودي حد الموت
وانسى النسوني
بس انته خارج قوس
ساكن عيوني
==============
دمع المحب لوطاح
ماينحسب عيب
ومن كثر دمعي اعليك
رمشي انگلب شيب
==============
كون انگلب عصفور
واسكن شجركم
وكلما أصيحن ويص
يعني أحبكم
==============
مثل الجسد يهواي
صدگ أحس بيك
وصدگني كلي ايموت
لو ماأحاچيك
==============
أتمنه آنه اوياك
بين الحضرتين
نشتم هوه العباس
ونزور الحسين
==============
كون الگلب بي باب
وينحطله كيلون
وبس انته تسكن بيه
ياضي العيون
==============
أهلا وسهلا بيك
يالجيتك كيف
وانته بغلات الماي
من يشح بالصيف
==============
لاخرزه لاكشاف
من الله احبكم
روح وگلب وعيون
ناذرهن الكم
==============
لو بالوفه والطيب
نمنح شهادات
چان انته ماجستير
بالطيبه والذات
==============
وردة اصبحت هالروح
تذبل بدونك
شنهو الحياة بغير
شوفت عيونك
==============
لو فد سباق ايصير
ياهو اجمل الناس
وانذب عليك اتراب
هم تاخذ الكاس
==============
بكل حلو لوله اتصير
بس شحچي عنك
صارت اللوله البيك
حته احله منك
==============
فرغته گلبي وصار
بس الك وحدك
يعني امن اعد اعزاز
بس انته اعدك
==============
مانگدر انصد ليك
نتكهرب انموت
تكتل حلاة البيك
خن غمض وفوت
==============
أشكثر عندي اعزاز
بعيوني ذني
وانته اعز من كل ذول
حته اعز مني
==============
راح اخبر السلطات
واهلي وعمامي
من عندي گلبي انباگ
وانته الحرامي
==============
تدري الحلاة البيك
وصلت إلى حد
چن گمر تالي الليل
من تلبس اسود
==============
إسمك طبع بالروح
وبدمي يجري
غيرك فلا حبيت
بس الله يدري
==============
روحي قصيدة شوگ
واكتبها بيدك
واشعل اسنيني اشموع
من يمر عيدك
==============
بالعيد اشوفك وين
يالشوفتك عيد
مشتاگه روحي اليوم
وتشوفك اتريد
==============
هاك العمر واختار
من عنده شتريد
بس كون اگضي اوياك
صبحية العيد
==============
العيد اجانه العيد
اشلون اهنيك
أهديلك آنه العين
لوبيها اخليك؟
==============
إنتي الذهب والماس
والجوهر انتي
والدنيه تصبح عيد
كل ماضحكتي
==============
بالسنه ثنين اعياد
أسمع يگولون
وكل ضحكة منك عيد
ياحلو العيون
==============
گالولي باچر عيد
إلمن تعايد
مادروا إنته العيد
وبگلبي گاعد
==============
الگلب گبل الناس
إتعنه دارك
ملهوف اجاك ايگول
عيدك امبارك
==============
فرحة وسعادة انطيك
بس گلي شتريد
ومني اخذ بوسات
من هسه للعيد
==============
عيدية الك بوسات
ما منها موجود
تطبع على الدلال
لامو عالخدود
==============
خلني بعذاب الشوگ
مارايد العيد
چي لنك انته اليوم
عن عيني ابعيد
==============
لو اريد اعد اعزاز
لاترفع ايدك
هيه المعزة اتگوم
واتگول اريدك
==============
بعمري اشتري الطيبين
واطلب رضاهم
واتمنه روحي اصير
نجمة بسماهم
==============
رقة وترافة وطيب
شايلها گلبك
كلهن جمعهن بيك
سبحانه ربك
==============
لو ضايج ومخنوگ
وتريد احاچيك
دگلي انته بس مسكول
وآنه اتصل بيك
==============
لك هذا يامجنون
ناقلك اخبار
عندي رصيد اهواي
ومطشرة طشار
==============
عيوني إلك دولار
وارموشي سنتات
ولو هم رصيد اتريد
آنه اشتري الكارت
==============
لامسج لامسكول
لاتذكرونه
يمكن شحن مابيه
لو نسيتونه
==============
مو صوچك انته الصوچ
كله امن ادية
سويتلك مسكول
تفتح علية
==============
كافي جفه يحباب
سمعوني حسكم
كلما تدگ نغمات
حسبالي إنتم
==============
أرسل وادگ مسكول
ميردلي اشبيه
صامت ومو هزاز
يمكن مسويه
==============
لمن تدگ مسكول
يابوية شيصير
يرگص رگص ماصار
الگلب وايطير
==============
ياشمعة لاتطفين
ماعندي لالة
لازم لولف الروح
أكتب رسالة
==============
كلما أدگ اعليك
مترد على طول
لو حجتك سنتات
سويلي مسكول
==============
وين الرسايل وين
مدز الية
هنه خمس سنتات
تعزهن علية
==============
من الله طاح اليوم
رقمك بإيدي
واعليك اخلص الروح
مو بس رصيدي
==============
تستاهل انته الروح
شنهو الرسالة
ولو خلصيت الكارت
دمي ابداله
==============
ظلن خمس سنتات
ماريد اعزهن
بيهن رسالة شوگ
لهواي ادزهن
==============
مارمش النقال
گلبي اللي رمش
يلهج بإسمك دوم
خجلني كلش
==============
فرمتت هاي الروح
من كل الاوهام
واول إسم حطيت
إسمك على الرام
==============
جيتك غفل يهواي
ناوشني بوسة
دزها برسالة بساع
لاسوي هوسة
==============
يمك تريد الروح
تسكن وترتاح
معذبني هالنقال
مايرسل ارواح
==============
لامسج لامسكول
چاشنهي فلمك
دزلي رسالة بساع
لاأمسح اسمك
==============
سرحان بالحسبات
مسكول اجاني
من شفته منك جاي
رأسا حياني
==============
كل ساعة اسو مسكول
ماترد يفلان
گلي شحن مابيه
لو مني زعلان
==============
خلص رصيدي اليوم
واسمك حمسحه
كل ماأسو مسكول
بيدك تفتحه
==============
ناذر نذر للناس
لمن اترمش
أگعد بنص السوگ
وبراسي املش
==============
خاطر إلية اوياك
لو مالي خاطر
منك رسالة انريد
ماگلنه خابر
==============
الشحن عندي اهواي
والتغطية فول
بس من ادگ اعليك
يطلعلي مشغول
==============
فايخ حبيب الروح
نايم على الريش
خايف على السنتات
گاضيها ترميش
==============
مخلص رصيدي چان
وهسه اشتريته
واول مسج دزيت
بسمك بديته
==============
غالي وعزيز اهواي
وافراگك ايهون
وهاي الخمس سنتات
فدوة لهالعيون
==============
من گلبي اسوي ارسال
وارسلك الروح
واگلب الدم سنتات
واتحدى الجروح
==============
أشحن واعبي الكارت
واصرفه بيومين
خلص الراتب بيك
وحگضيها بالدين
==============
مو خوفي عالسنتات
فدوة الك الفلوس
بس صاير النقال
مايرسل البوس
==============
لارنه لاترميش
لامنك اخبار
ردنه خمس سنتات
ماردنه دولار
==============
دگ گلبي ست دگات
وانگلب هزاز
نقالي هم شيطان
يعرفهم اعزاز
==============
صح آنه گاطع بيك
صوت ورسايل
بس اشكثر بالروح
شوگ الك شايل
==============
أنشد عليك الطير
وانشد هوه الهاب
صدگني ماأنساك
ياأغله الاحباب
==============
لاتظن حي وانساك
وبعيني رسمك
إسمي الثلاثي انساه
وماانسه إسمك
==============
لاتظن وانته بعيد
تنساك الگلوب
رسمك بنص العين
وبگلبي مكتوب
==============
ثاري الگلب بالشوف
أقوى من العيون
يعني التضيعه العين
بالگلب مدفون
==============
متوسد انته الروح
وبنصها غافي
كل البشر مغشوش
بس انته صافي
==============
حته الگمر بالليل
بعيوني شفته
صارت گباله وغاب
واتخيل انته
==============
وردة وعطرها ايفوح
واتمنه اشمها
كل البنات اضيع
من تمشي يمها
==============
أعتب عليك اهواي
ياضي الشموع
ليش المسج وياي
من فترة مگطوع
==============
گلبج وگلبي اثنين
واحد دربنه
هم وتعب واشواك
عذبنه حبنه
==============
أشلع اهدوب العين
وخيط جروحك
ونتبادل آنه اوياك
روحي اوية روحك
==============
گلب الوفي صندوگ
وبيدك المفتاح
أمن اسرارك بيه
وبنومك ارتاح
==============
أحلم واسولف بيك
واحلف براسك
النجم لو مر بيك
دنگ وباسك
==============
أهديلك البوسات
كلهن فرد نوب
لو غاروا العذال
طبهم ألف طوب
==============
ردتك تجيني اليوم
وبعيني اشوفك
وشلون اصبر الروح
من گتلي اعوفك
==============
صح من انام الليل
واتغمض العيون
بس الگلب والروح
بيكم يفكرون
==============
انخاني شوف اشلون
راح انتخيلك
اتعكز اعله اضلوع
صدري وأجيلك
==============
گطعني ذبني بنار
واحرگني بيدك
ألتم وارد اردود
بس گول اريدك
==============
شدني بجذع من نار
وارميني چيلات
يدفنوني اجيك بليل
بالگبر مابات
==============
الگلب تالي الليل
فز فرد فزه
لو للحبيب اتروح
لو نحري احزه
==============
لا تعتقد ناسيك
دوم بخيالي
من دگت النقال
أعرف الغالي
==============
أعذرني نص الليل
لتضن زعجتك
تعرف بأني أهواك
وتعرف معزتك
==============
بالدمع غرگانات
ظلن يالعيون
الفارگ الخلان
يتبسم اشلون
==============
هنيالك انته اتنام
ليلك بلا هموم
صدگني من فرگاك
من نومي محروم
==============
شوف شكثر ولهان
وتعبان بالي
بس إلك روحي اتهيد
والله يغالي
==============
هاك الگلب يفلان
أخذه برسالة
گعدني نص الليل
يشكيلي حاله
==============
لو تدري بية شصار
من غبت عني
مثل اليهيم بليل
وبراسه جني
==============
إحنه بجسد روحين
والدم فرد دم
والگلب واحد صار
بالفرح والهم
==============
مرهم دواها الروح
وانته الها مرهم
ماأرهم بلياك
گلي انته ترهم
==============
نار الدمع بجفاك
عالوجنه طايح
من عندي راح الشوف
من گتلي رايح
==============
إسمك طبع بالعين
كل لحضة اشوفه
وحبك سلك بالروح
مو هينه اعوفه
==============
علمت روحي اعليك
وتريد اعوفك
مجدي أدگ الباب
بس كون اشوفك
==============
نبته وغصن مكسور
وبشحت الماي
هذا آنه حالي اعليك
من تگطع اوياي
==============
يسألني ملك الموت
روحك شجاها
گتله حبيب الروح
گبلك خذاها
==============
موبيدي هاي الروح
سلمت أمرها
حاير شسوي اشلون
والحب دمرها
==============
عين الك روحي اصير
والدمعة دمي
وريت الهموم البيك
تنقلها يمي
==============
من علو سبع جبال
روحي أذبها
واكتب على التابوت
حبكم سببها
==============
صدگني ما ناسيك
وبدمي تجري
شنهي المعزة البيك
بس الله يدري
==============
صدگ إلك حنيت
واليحن بلوة
مابية حيل أنساك
چاهيه گوة
==============
من أرسل الكلمات
ماتشفى الجروح
كون من ادوس ارسال
أرسلك الروح
==============
گالولي روح بعيد
وانسه التريده
گلت البعد شيفيد
مو گلبي بيده
==============
ريت الگلب بستان
وانته الورد بيه
لو نشف منه الماي
بدموعي اسگيه
==============
ريت الگلب نقال
منك فلا جوز
الدم رصيد ايصير
بس الك محجوز
==============
هاك الگلب والعين
تبقالي بس عين
لو هم بعد تحتاج
أگسمها نصين
==============
شگد انته عني بعيد
بس روحي تهواك
أدفنها عدله الروح
لو مرة تنساك
==============
الخوه بس وياك
تنحسب خوه
من راسك لرجليك
تنگط مروه
==============
بالحلم چنك جيت
من ذاك الغياب
گبل ايدي شفت الروح
فتحتلك الباب
==============
هجرك سهم چتال
بالهم رمانه
وشوف آنه من فرگاك
ماچني آنه
==============
هم حلو هم سبورت
فوگاها كشخة
حگه الگمر لو راد
لصورتك نسخة
==============
تدري شعمل فرگاك
من رحت عني
جثه على التربان
محد دفني
==============
صاير مترسل ليش
ميهمك امري
هنه خمس سنتات
چنك متدري
==============
روحي امنهد فرگاك
ماتقبل تنام
أذكرها نامت يوم
قبل أول العام
==============
للدوم اسولف بيك
يارفعة الراس
الدنيه كلها بخير
لو مثلك الناس
==============
شگ عيني واشرب ماي
واترس چفوفك
بس وحدة خلها ارجوك
بيها ارد اشوفك
==============
بالعتبة شفت دموع
من طول جفاك
ثاريها حته الباب
تبچي اعله فرگاك
==============
لو متت من الشوگ
عن موتي مسؤول
متولعة بيك الروح
بس تستحي تگول
==============
فراش امد الروح
وايدي المخدة
وگلبي إلك يهواي
سبلت أشده
==============
لا تهجر اليهواك
حاسب ظميرك
صدگني يالمحبوب
ماعندي غيرك
==============
بالليل ادگ اعليك
واگطع منامك
مو بيدي روحي اتريد
تسمع كلامك
==============
لاتظن راح انساك
ياأحله مخلوق
والينسه هيچ إنسان
ماعنده أي ذوق
==============
بسك حبيب الروح
كافي بواري
خلعت كل بغداد
مي ومجاري
==============
عود ابتعد وانساك
كل هذا ظنك
والله الگلب كالساع
يسألني عنك
==============
سبحانه من سواك
نص وجهك اعيون
زغير سبيت الناس
من تكبر اشلون
==============
من تصفن انته الروح
تاخذها وياك
شنهو انته ملك الموت
بارينه خلاك
==============
سود العيون اكبار
والشامه حلوه
شايل جمال الكون
باليني بلوه
==============
كل فرگه من اصير
أنساها وتهون
بس فرگتك تيزاب
ويطش بالعيون
==============
اشلون انام الليل
وانته اعله بالي
حته السمچ بالماي
يبچي اعله حالي
==============
تدري انته ساكن وين
ابنص العيون
من حگها هاي الناس
يگولولي مجنون
==============
حسبالك آنه انساك
من ما أخابر
ماأحتمل فرگاك
بس گوه صابر
==============
تسألني دوم الناس
عن أمنياتي
أتمنى بس وياچ
تخلص حياتي
==============
عايش چذب بجفاك
وايامي بس نوح
صح الجسد موجود
بس يمك الروح
==============
أطلب وگولن صار
تامرني انته
عمري من اول يوم
باسمك رهنته
==============
عاشرت كل الكون
ماكو بغلاتك
وهذا الحنان البيك
أجمل صفاتك
==============
إسمك نقشته بنار
وبگلبي اخليه
حتى الحرگ لوطاب
يبقه الأثر بيه
==============
كل من يگول أنساك
گله انته أعمه
وأستلمه دگ كلات
وأكسرله خشمه
==============
إنته شمس بغداد
وانته گمرها
وانته أغلى كل الناس
واحله بشرها
==============
شنهو الجمال البيك
عمي انته بلوة
هم أدب هم اخلاق
هم ضحكة حلوة
==============
دايخ واسولف بيك
صبح ومسية
إكسب ثواب اشبيك
واسأل علية
==============
دارين الك بالروح
دار اعله من دار
وبالعين الك تصوير
وبالگلب تذكار
==============
اعيونك انته القوس
ورموشك اسهام
كلمن يصد ترميه
وتحكمه بعدام
==============
ياريت الچ هالروح
ياسمره فدوه
مثلچ أبد بالكون
ماشفت حلوه
==============
هذا الجمال امنين
شو عمي بلوه
هم خضر هم اخدود
هم شفه حلوه
==============
بعدك حبيب الروح
سودة الليالي
حته اليضدني گام
يبچي اعله حالي
==============
ليش آنه افكر بيك
ليش انته ناسي
مثل الشمع ضليت
ناري اعله راسي
==============
خابر ولو لحظات
واسأل علية
شنهي العشر سنتات
يغلن علية
==============
دم ينترس ويفيض
گلبي من الفراگ
إرحم بحالي اشبيك
صدگني مشتاگ
==============
هم حلو هم مزيون
وچماله راقي
وفوك الجمال البيك
أصلك عراقي
==============
تدري شكثر عطشان
گلبي على ملگاك
والله ارتوي بلا ماي
بس اگعد اوياك
==============
لو تدري بالنقال
من ارسل اشگال
تم انتقال الروح
مو تم الارسال
==============
بوسة واشدها بخيط
واشمرها عدكم
وين الله والقرآن
يلگفها خدكم
==============
بيك احچي بيك ارتاح
بيك انسه الهموم
كل ساعة من فرگاك
عندي بألف يوم
==============
بدموعي امد افراش
بجفوني اغطيك
وانخه علي الكرار
يالغالي يحميك
==============
حبك سكن بالروح
دمر كياني
من كثر ماأهواك
صرتي انتي آني
==============
بگلبي ارد اشب النار
لجلك وادوي
واستنگي بالجمرات
ياهي التچوي
==============
أنسه الگلب لو راد
فد لحظة ينساك
شنهو الگلب والعين
كلهن فداياك
==============
لتصدگ آنه انساك
وانسه الليالي
شما غبت يالمحبوب
تبقه انته غالي
==============
ولفي يبعد الروح
سويلي چارة
والگلب تدري اعليك
ملتهبه ناره
==============
دايخ وافكر بيك
ومشوش البال
خابرت بالريموت
حسبالي نقال
==============
لو مارسلك يوم
نقالي شفته
فايروس اضربه بساع
واشعل صفحته
==============
إنته الگلب والروح
وانته المحنة
للنار اطب وياك
واحسبها جنة
==============
عالراس أحطك تاج
وابقه افتخر بيك
وانصب إلك تمثال
وبروحي اخليك
==============
أقسم قسم ياناس
واليدري الله
إنته بغلاة الروح
وشوية أغله
==============
مشتل إلك بالروح
كل وردة تهواك
أگطع وريدي بموس
لو لحضة ينساك
==============
أتمنه اصير اگلاص
وانزل على اشفاك
وبحجة العطشان
أتباوس اوياك
==============
لا لاتضن انساك
مهمى جره وصار
وحدك سكنت الروح
والباقي خطار
==============
كلما أحن واشتاگ
أذكر هواكم
ناقص وفه وبذات
كلمن نساكم
==============
لعيونك الحلوات
بس اكتب اشعار
حته الگمر بالليل
من عندك ايغار
==============
روحي اوية روحك دوم
شذرة اوية محبس
مصيوغة الك مخصوص
الچفك وبس
==============
حبك شجر مغروس
وبگلبي خظر
وبكل غصن مكتوب
إسمك يالاسمر
==============
محتار اريد احروف
للي سألني
شحچي وشگول اعليك
وانته احله مني
==============
خلصت تراها الروح
ودواها عدكم
يتعذب بدنياه
ليش اليحبكم
==============
بظلوعي احط عبوات
واتعنه بيتك
وانتحر يم الباب
لو مالگيتك
==============
فخخت روحي اليوم
كل هذا لجلك
ولو مارضوا ينطوك
أنفجر بهلك
==============
كون الصداقة اصير
روح بوسط روح
بالضحكة شركة انصير
وهم شركة بالنوح
==============
أعمه وادور اعليك
حسبالي الگاك
ولو گطعوا الرجلين
لا تظن أنساك
==============
لو ردت عني تروح
خليلي صبرين
واحد يصبر الروح
والثاني للعين
==============
كل يوم أگول اليوم
باچر يمرون
ومن كثر دمعي السال
ماظلت عيون
==============
كل لحظة افكر بيك
كل ساعة كل يوم
حته من اغمض العين
تطلعلي بالنوم
==============
ارد انشد العشاگ
والگلبه مجروح
الجسد هم يعيش
لو عافته الروح
==============
كونك تجيني بطيف
وتمر علية
حتى الفراش يگوم
ياخذ تحية
==============
طگ گلبي والعباس
كلش عليكم
مو مشي يمكن راح
دقلات اجيكم
==============
ياروحي يادنياي
ياحبي الأول
بسك هجر وفراگ
البعد طول
==============
كل ساعة احسن بيك
چنك نبض دم
تسري انته بالشريان
وبگلبي تلتم
==============
هاك الگلب والروح
هاك اخذ العيون
واخذ العقل وياك
خليني مجنون
==============
لو تحسب النجمات
واشگد عددهن
والله وعلي الكرار
حبك بگدهن
==============
أتمنه دوم اوياك
أگضي العمر دوم
أدفنها عدلة الروح
لوعافتك يوم
==============
حسبالك انه انساك
لو طال الفراگ
بالعكس كل ما طال
آنه اكثر اشتاگ
==============
أبدع تفنن بيك
واتقنك ربك
ياعمي اموت عليك
ياعمي احبك
==============
كون آني نجم بليل
وانطر واتاني
تطلعلي بالشباچ
وانزلك آني
==============
شتلة بوسط هالروح
حبك زرعته
كل همك آنه انساك
امخبل انته
==============
حبك عماني بساع
خلاني ماشوف
أرجف بنص تموز
ومگبع بصوف
==============
شنهو العسل وياك
مايسوه فلسين
العسل ظاگك گال
هذا الحلو منين
==============
تدري الله من سواك
ما دزك بساع
خاف انقلاب يصير
من توصل الگاع
==============
حبك يبعد الروح
عاش بكياني
تقبلها إنته اشلون
آني انسه آني
==============
مو من مرض ونيت
من شوگي إلكم
لو بيدي احط الروح
يم باب اهلكم
==============
هاك اخذ نص الروح
وانطيني بس نص
حتى من اغص بالزاد
من يمك اتغص
==============
ليل ورمي وطلقات
والشرطة هوسة
لزموني گالوا وين
گلت ارد ابوسه
==============
جار البيوت يشيل
ويمكن يسافر
بس انته جار الروح
وبالگلب صاير
==============
صدگ مريضة الروح
وادواها عدكم
تشفه وتطيب ابساع
لو رنة منكم
==============
مو بالگلب بالروح
آنه ارد اضمك
شحده اليگول اهواك
لو حته أمك
==============
بسمك أسجل الروح
طابو وعقاري
غيرك أخو ماريد
هذا قراري
==============
أسمر وسيع العين
يكتل سماره
بس رمشه يسوه الكوت
واهل العمارة
==============
كون الگلب بي رام
واحفضلك جروح
وافتحلك بلوتوث
وارسلك الروح
==============
تدري شوكت أنساك
كلش فرد نوب
من تسمع الشيطان
تاب من الذنوب
==============
بگلبي أفكر بيك
مو بس دماغي
حبك ربطته اوياي
بدرزن براغي
==============
كون الدرب شبرين
واوصل ولاگيك
وبحضني اضمك حيل
واشبع شبگ بيك
==============
فوگ اسمچ الجذاب
نازوكي وجهچ
كل لحظة افكر بيچ
والكعبة احبچ
==============
صح الگمر بي نور
بس انته نورين
نور العيون اوساع
والثاني خدين
==============
كاكه ارد اصير اليوم
وارد احچي كردي
خاف احچي بالمگلوب
واتسمعه هندي
==============
يالعشت بين الروح
لاتظن ناسيك
بالگلب رجفة اصير
من يمر طاريك
==============
كون آنه اصير اعيون
وابچي اعله خدك
حتى انته تعرف زين
ياهو اليودك
==============
إنته اول الحلوين
متصدر الكل
حته المرورة البيك
هم حلوة تكتل
==============
كل مرض لا مابيك
ياخوية محسود
حگه اليحسدك داخ
بعيونك السود
==============
مفتوحة بس متشوف
غيرك عزيزين
ومغمظة وتحس بيك
وتشوفك العين
==============
والحسن أحلف دوم
ما بعد اجيكم
واوصل لحرف النون
وارجع عليكم
==============
الصايم يتاني العيد
لهلاله ينطر
بس آنه اصوم اعليك
وبجيتك افطر
==============
أفرش عيوني فراش
وبرمشي اغطيك
والگلب يصبح بيت
وبنصه اخليك
==============
ظلمة وخطية الناس
تعثر بالدروب
بس انته كلشي اتشوف
چي وجهك اگلوب
==============
غيمت روحي عليك
وتزخ مطرهها
ماتصحه ابد فد يوم
حبك سطرها
==============
غالي وتظل محبوب
حد النهاية
والزرع بيك ايعيش
من يجف مايه
==============
كل عمري اضل مشتاگ
للعاشروني
أبچي واسيل ادموع
لو فارگوني
==============
اسمع سمع بالعيد
چي لنك بعيد
لاباوست خدين
لاصافحت إيد
==============
كل لحظة مو كل عام
إنته بألف خير
ياربي كلها اعياد
أيامك اصير
==============
أخذ الگلب والروح
وانطيني العيون
خافن تمر بالعيد
ماشوفك اشلون
==============
كون بسلام وخير
عيد اليمر بيك
وشما تحب وتريد
ريت الله ينطيك
==============
أحلف وحگ عيناك
وبكل معانيك
ياخذني ملك الموت
لو لحظة ناسيك
==============
عاشرت ماخليت
مذهب ولادين
مثل الحنان البيك
ماشافته العين
==============
تربطني بيك اثنين
خوة وصداقة
واعتقد بس الموت
ينهي العلاقة
==============
لوما اگولن عيب
كلساع اسبك
ناسيني خايب ليش
لك والله احبك
==============
من عيني اطلع ماي
واكتب على الروح
اجمل بطاقة عيد
لعيونك اتروح
==============
گالوا إجاك العيد
مااريده رديت
چي لنك إنته إبعيد
مو يمي بالبيت
==============
كلك حلو يهواي
والأحلى مرك
شادهني ليل انهار
من فلك طرك
==============
تدري شكثر أهواك
يابعد العيون
بگد السمه والگاع
وهم مايكفون
==============
دربك علية ابعيد
وتريدك الروح
والكلمة بالنقال
ماتشفي الجروح
==============
أفطر وافكر بيك
واسحر اوياك
شوفتك شربة ماي
وافراگك امساك
==============
بيك اشكثر طيبات
منهو اليعدهن
حاير شسوي اوياك
واشلون اردهن
==============
تغفه وتفز العين
مشتاگه تلگاك
وتصب دمع بسكوت
ماترضه تنساك
==============
ماتشكي روحي الظيم
بس تشكي الفراگ
گلبي يسولف بيك
مايرضه ينساك
==============
نقالي من دگيت
مادگلي هزاز
دگ بدليلي وصاح
ذكروك الاعزاز
==============
صح اليغيب هواي
يتسمه مفقود
بس انته مهما اتغيب
ابروحي موجود
==============
خل يكتب النقال
كل كلمة بشفاي
مثلك أبد ماشوف
للخوة وفاي
==============
ماناسي والينساك
ماعندة خوة
بس الزمن مرات
يلهينه گوة
==============
يهل الوفه والطيب
ياماي العيون
أعمه ويردلي الشوف
لمن ترسلون
==============
صح ملتهي بدنياي
بس مانسيتك
بين الرمش والعين
ياغالي بيتك
==============
حيل الكم اشتاگيت
يالماتنشدون
ذنب الگلب يشتاگ
مو ذنب العيون
==============
حبك يبعد الروح
خلاني ساهي
گمت آكل الصمون
حسبالي كاهي
==============
جمر وثلج فد كاس
ينجمعن اشلون
الجمر لون اشفاك
والثلج السنون
==============
بسمك أسمي الناس
صارتلي سوله
وحتى اسمي أغلط بيه
واسمك أگوله
==============
كل اليگول انساك
گله انته مجنون
أذكر نسيتك يوم
ماظلن اعيون
==============
بعيوني لو ماشوف
شكلك يمفتون
صدگني بالتيزاب
أعميها العيون
==============
والكعبة والعباس
والخالق الكون
ماأنسه حبك يوم
لمن يدفنون
==============
اتمنه حبك ماي
واغرگ مثل جاك
وبحجت الغرگان
أتحاضن اوياك
==============
صح ربع عندي اهواي
وصح ما أملهم
بس انته افكر بيك
يعني انته كلهم
==============
حبك يبعد الروح
غير كياني
أشرب عرگ بگلاص
حسبالي راني
==============
حبك يبعد الروح
حيرني حيرة
أشرب نفط بگلاص
حسبالي بيرة
==============
اجرحني انته وشوف
عاين علية
مايمشي دم بحشاي
تمشي انته بية
==============
مو من مرض ونيت
من كثر الفراگ
صدگني گلبي اعليك
كل لحظة يشتاگ
==============
مو من مرض ونيت
من كثر الهموم
صدگني گلبي اعليك
كل ساعة ملچوم
==============
إنته الرمش والعين
والفص والجفون
والينسه شخصك يوم
ريته بعمه اعيون
==============
صح ماتصح اخوان
يوم اليصح ضيج
بس انته ماي اصير
من ينشف الريج
==============
أرد انشد اهل الشوگ
عن حالتي اوياك
لاأگدر بلياك
لاأگدر انساك
==============
مو بالگلب والروح
بالدم أخليك
خاطر تمر بعظاي
واشعر واحس بيك
==============
متروسة روحي اهموم
محد حملها
مدري من اشوفك ليش
أنساها كلها
==============
مو بيدي حته انساك
ولا هيه بيدك
الأمر بيد الروح
هي التريدك
==============
من راسك لرجليك
شي أحله من شي
تنگلب جنة الگاع
من بيها تمشي
==============
تجرحني واتعناك
تلچمني وارجع
مابية حيل انساك
خل كلها تسمع
==============
بيت الك بالدلال
وسياجه الاضلوع
وعيوني الك بالليل
أشعلهن اشموع
==============
طيب واعرفك دوم
للخوة تهتم
الخوة بس اوياك
أسگيها بالدم
==============
غلطان اذا ظنيت
أجزع واملك
انته اعز ما بالروح
تسمحلي اگلك
==============
بخدودي من فرگاك
صارت نياشين
هم سامع انته اعيون
يبچن سچاچين
==============
أگطع واجافي احباب
بس انته هيهات
وسط الگلب موجود
تحسبلي دگات
==============
صافي وبعدني اوياك
أصفه من الاول
ولاتظن گلبي بيوم
خان وتبدل
==============
طلقات اسوي الروح
ولفراگك احزن
وكلما تمر عالبال
أرميلي مخزن
==============
مو بس قهر وهموم
حته النظر راح
بس ادعي رب الكون
كون انته مرتاح
==============
ماأدري ليش اوياك
ترتاح الگلوب
شايل خرز للناس
لو إنته محبوب
==============
تسألني عيني اشبيك
كل ليلة متنام
گتلها گلبي هواي
متحمل آلآم
==============
برسمك أصبر العين
لو هزهها الفراگ
بس بيش اصبر الروح
من روحي تشتاگ
==============
لو جرح بيك ايصير
گلبي اليداويك
صاحب تظل للدوم
بعيوني اخليك
==============
ترعد قهر واحزان
تمطر مصايب
الدنيا هيچ اوياي
من انته غايب
==============
الگلب محبس صار
والحب شذرته
صغته بلهيب الروح
وبسمك نقشته
==============
الأخص والمخصوص
والكلش ايخص
كلهم بطرف العين
بس انته بالنص
==============
ناس اشكثر خاويت
واشگد عفت ناس
بس انته وسط الروح
دگيت الك ساس
==============
باقة ورد أهديك
يالگلبي دارك
واكتب على الورگات
عيدك مبارك
==============
گلبي الصرخ اهواچ
ماغيرچ ايريد
شفتچ ورد رمان
وبضحكتچ عيد
==============
عيدية هاي الروح
لهواي اودي
ومن عنده كون اليوم
بوسة اعله خدي
==============
بس الك هذا العيد
وده التهاني
ننجمع كون اليوم
بس انته وآني
==============
هم شفت حزن وعيد
يصفن سوية
بس انته من هنيت
هانن علية
==============
تدري من اجاني العيد
حرت آنه شهدي
عيدية الك وديت
روحي اويه چبدي
==============
هاك اخذ مني الروح
عيدية اخذها
صدگني هسه تموت
كونك تردها
==============
روحي اشتهت ملگاك
يالدومك ابعيد
مر بيها تترجاك
يالشوفتك عيد
==============
بيك احس طعم العيد
بيك احس لونه
واليگظي عمره اوياك
يا ألف عونه
==============
صح ثبت باچر عيد
وانطوه بالاعلان
بس انته لو ماجيت
أعتبره ماحان
==============
اشعندي ويه العيد
ماعرفه ياعيد
حالف فرح ماشوف
مادامك ابعيد
==============
روحي بسرير الموت
وتگول اريدك
ماترضه بالدكتور
بس لمسة ايدك
==============
كلمن يگول انساك
هز ايدك وروح
الجسد هم ايعيش
لو فارگ الروح
==============
هم انته من تشتاگ
نومك يجافيك
أتمنه يمك دوم
كل ساعة احاچيك
==============
أحول وافكر بيك
لتظن اعوفك
شفت شحلاها العين
عشرة تشوفك
==============
كل لحظة اسولف بيك
انته احله موضوع
إسمك طعم چكليت
بشفافي مطبوع
==============
كل ما أگول انساك
يبرالي رسمك
مسودن صرت للناس
بس احچي بسمك
==============
الگلب لو ينساك
للموت ادزه
واكتب عليه بذات
خان اليعزه
==============
لو عمري مية ايصير
وامشي اعله عصة
الگلب لو ينساك
صدگني اگصه
==============
مسودن صرت بجفاك
واليمشي اسبه
والگلب حيل ايصيح
ياناس احبه
==============
كلما أريد انساك
إسمك أسمعه
گلبي انهزم وياك
ياهو اليرجعه
==============
إنته الگلب يهواي
تنبض بالضلوع
والعشرة لو هليت
أعلگهن اشموع
==============
مقدر ظروفك زين
أدري انته مشغول
بس بالچذب يفلان
سويلي مسكول
==============
أشجب وادين اليوم
موقف حضرتك
بالگلب گاعد ليش
قابل غرفتك
==============
لا طب ولا عراف
يلحگلي بجفاك
منك نفسها الروح
تتنفس اوياك
==============
أتنفسك بالروح
واشهگ وشم بيك
كل عمري تربي العين
يمدلل اعليك
==============
حر وانتخاب ايصير
وابصم بدية
أنتخبك انته اليوم
ريس علية
==============
عيد وإجاني العيد
وانتم بعيدين
تبچي ابصباح العيد
مجبورة هالعين
==============
أحلف واگول انساك
وانطيها وارجع
گلي بعد چمدوب
كفارة أدفع
==============
غيرك أبد ماريد
ياروحي إنته
طب لاتدگ الباب
گلبي ملكته
==============
ياگلب يامعلاگ
آآ ياچلاوي
إنته التموت الروح
وانته التدواي
==============
أمطرلك اسبوعين
بس لو تمر طيف
ولو بالصدگ مريت
أمطر شته وصيف
==============
جربنه مرة وشوف
لو بينه مريت
إحنه النظل خطار
وانتم أهل بيت
==============
شوف شكثر ميزات
الباري منطيك
هم حسن هم اخلاق
هم الوفه البيك
==============
للنار اروح اوياك
لو رحت تمشي
دنيه وعگب عيناك
ماتسوه كلشي
==============
چيمني بالتنور
واحرگني بيدك
بس لاتلوحه النار
گلبي اليريدك
==============
طبع الجمال البيك
من تكبر يزيد
وامك عجيب شلون
ماسمتك عيد
==============
تستاهل انته الروح
مو بس رسالة
والگلب دوم اوياك
جاري اتصاله
==============
تمشي اويه غيري شلون
ماأقبل بهاي
وك آنه اغار اعليك
من تمشي وياي
==============
مامرة وحدي مشيت
من امشي ثنين
لو إنته تمشي اوياي
لو دمعة العين
==============
شو ماكو شو ماجيت
شو مختلف ليش
ماتدري بالحسرات
هدت علي جيش
==============
من عندي مدري شطاح
من گتلي رايح
من دوروا وياي
ثاري آنه طايح
==============
شطلعك تكتل هيد
رد عمي للبيت
شايب شمر العگال
من انته مريت
==============
هالگد حلاة حط بيك
سبحانة ربك
خلانه مزدحمين
دوم اعله دربك
==============
هالگد حلاة حط بيك
سبحانه باريك
دورلك احله اوصاف
حطهن شلع بيك
==============
هالگد حلاة حط بيك
سبحانه داراك
يمكن گبل هابيل
ربك بده اوياك
==============
هالگد حلاة حط بيك
سبحانه قادر
بس الحلگ موضوع
يترس دفاتر
==============
هالگد حلاة حط بيك
سبحانه قدوس
ليبوسك المفروض
يتوضه ويبوس
==============
تكتل حلاة البيك
چفينه شرك
خليت الاعمه ايشوف
من فلك طرك
==============
ماأطلع اعله الناس
لو إنته بيه
سرداب اسوي الروح
واقفل عليه
==============
دم تجري بالشريان
وبروحي منحوت
رية ونفس وياك
بس تگطع نموت
==============
شنهي الجمال البيك
ياهو اليفسرة
الشمس احطها اوياك
والگاها سمرة
==============
شنهي الجمال البيك
متنوع انواع
الگمر من لاگاك
طگ روحه بالگاع
==============
يالتسحگ اعله الروح
عمي ارد اوصيك
اسحگها بس عالكيف
حته استلذ بيك
==============
غيب شكثر متغيب
عن بالي متروح
تدري شوكت أنساك
من تطلع الروح
==============
دم انته كون اتصير
يمشي بوريدي
حتة من احن واشتاگ
بس اجرح ايدي
==============
أصفن واجر حسرات
والدمع ينساب
والفرگة مثل الموت
مابين الاحباب
==============
لاتضن يوم انساك
واعشگ بدالك
حتى من احب اثنين
انته وخيالك
==============
يسالني ملك الموت
روحك شجاها
گتله حبيب الروح
گبلك خذاها
==============
كل يوم اسولف بيك
آنه وجروحي
تزعل تغار اعليك
من عندي روحي
==============
تدري شعمل فرگاك
من رحت عني
جثة وعلى التربان
محد دفني
==============
إنته النبض والروح
وشوية أكثر
إنته الخلايا البيض
وبجسمي تفتر
==============
دگ بالعظم فرگاك
واثر بالعيون
من كثر نوحي اعليك
سموني مجنون
==============
أبچي بجفاكم نار
ماتطفه عيني
صدگني من انساك
ماأدري ويني
==============
گالولي روح ابعيد
وانسه التحبهم
گلت البعد شيفيد
والگلب عدهم
==============
عينك سواد الليل
والگمر خدك
وشتسوة يالمحبوب
هالدنيه بعدك
==============
أخباري ضيم وآه
يوم الأعوفك
والفرح طعمة سموم
من ماأشوفك
==============
صدگني عالصحبان
دوم اسأل بشوگ
الصحبة ياطيبين
بس الكم تلوگ
==============
بيه النفس وانساك
تصبح خيانة
دم انت بالشريان
يعني انته آنه
==============
دمه نهران كلبي من يراهه
عليل اوعلتي غيرك من يراهه
روحي شلون يره من يراهه
جفاك او لا تركهه الروح بيه
*********************
بجيت عليك حد ماصار منحال
جسمي او لاشفت للعسر منحال
حالي عليك اشد ياحيف منحال
ثكله او لا خلف ترجاه هيه
**********************
يهل كاطع وصالك عني عني
رجيج ومالي حيلك عني عني
بجت ناربغيابك عيني عيني
لحدماماعن افصوصي بديه
*******************
زماني شلون روحي قاسملهه
حزن والتشتكيله قاسي ملهه
الوكت بضلوع جتفي قاس ملهه
حفل لملمهم ايدبجون بيه
**************
غميت ومن طحت شامت علي ناح
صديجي امخالف اطباعي علي ناح
طير الكطه ماكله عله يناح
اليحبني بديرتي و ينشد عليه
*******************
انه بليل طولك فرض طفيت
غفيت وجنه شخصك جاي طفيت
لزمتك بس من لزمتك صدك طفيت
ناري ولابعد تنشاب بيه
********************
جرحي ما يسمطه الملح بالرش
و يا بر اليفيد وياك برش
طعني وكتله اخ وصاح بالريش
امن اهدهه اوجمع الطعنات بية
*********************
خله شمايطل تموز طلاب
واظل للموت شوف الترف طلاب
تذكرلمن جنه كبل طلاب
فرد رحله وجنت تغفه عله اديه
********************
الوكت بعضاي جم مثله مثلهه
تهمهه ابحضره القاضي مثلهه
الك شوغات من كلبي مثلهه
ابكثر شوغات كلب امي عليه
مكتبــــــة الأبوذيــــــات
على راسي اعتني بيتك واجيلك
لأن بس انته أحترمك واجلك
حسنك منوجد بهلك وجيلك
وعبرته ليوسف بحسنك شوية
==============
إلك بس انته هل دمعي والك صاب
والك ساس بوسط روحي والك صب
سهم هجرك دخل گلبي ولك صاب
دليلي وصار طشاره بدية
==============
بغيابك تيهت صومي والامساك
وصباحك مايكفيني ولا مساك
ألف هنيالي اذا شمك ولمساك
واطفي بشمتك نار اللي بية
==============
يجزعك لاتظن گلبي ويملاك
وجمالك منوجد مثله ويملاك
لون مال انجمع عندي ويملاك
وبدونك فلس مايسون إلية
==============
أحلفنك تگلي الصدگ بالله
منو مثلي بچه والثوب بالله
فراگك زيدالي الطين بله
وفوگ اهموم حط اهموم بية
==============
ابلهيب الشوگ كل اعظاي وجن
وتيهت السنين المضن والجن
مثلك ماشفت بالإنس والجن
جلت قدرته السواك الية
==============
شلون اتخون وانته احلفت بايات
مزلاگه اطلعت مو درج بايات
تريد اتروح مو بس باي بايات
واليرجع ألف نعله اعله ابية
==============
تدري اشگد الك گلبي ولع ظام
زغار اجروحي يهونك والعظام
أموتن واندفن واعتگ والعظام
يزحفلك زحف لو صحت الية
==============
أگوم اجلالا لحسنك وقف لك
واسجل گلبي ياخلي وقف لك
وحطك بي وقفلنه وقفلك
وطب بصدري واقفلكم علية
==============
فال الخير مامره فوالي
وحبك شحن دلالي فوالي
إذا ماعاجبك فاشطح فولي
بس بشرط خنولي سوية
==============
الدنيه ألف صورة لاقطلها
وابد ماصرت ثعلب لاقط الها
أنه اقلامي اتركتها لاقط الها
شكتب بعد مايقرون بية
==============
شعجب دفتر عشگنه ماتگلبه
وليش انته اليگلبك ماتگلبه
أنه گلبي بغيابك مات گلبه
گلب گلبي توفه وعم عليه
==============
بسهم حبك دليلي اليوم ينصاب
والك تمثال نص الگلب ينصب
واذا گلبك عليه ايريد ينصب
أحب نصبك ولك أنصب عليه
==============
بچيت وسال دمع العين وشل
وبعدك من يتچي الحمل وشل
إنته اللي تخيط الفتگ وشل
الدهر خوان ماخلاك اليه
==============
عيني لو بچت ياگلب خلها
بسبب چي رحل من الدار خلها
افراگه كل جميع اعضاي خلها
على خوي الرحل وابعد عليه
==============
حميتك دافعت عنك ورحماك
الطعن أهون ولا لوذن وره احماك
گلت أوليك ماعوفك ورحماك
وليت وطيبتي عمت عليه
==============
طبعك مو شجي وگتلك شجاني
شجنيت اوياك شو گلي شجاني
أمس چنت انحظن وانشم شجاني
گنفذ والحظن حسرة عليه
==============
تعال احسب اهمومي عده انته
وگلبي اشعنده غيرك عنده انته
أزعل الناس كلها عده إنته
لأن زعلك يزعلني عليه
==============
ساعة الوكت مشراگه سعافاي
وعليه اليوم ماتلحگ سعافاي
چنت نخلة ويفيلهم سعافاي
وعلى گرصة خبز چيموا بيه
==============
چنت ظهره بوكت عوزه وسده
وعليه اليوم صك بابه وسده
شجاه الچنت اله مخده وسده
عله بايه وبده ايشمر عليه
==============
يالبهمك املابس لابستني
وثوب الحزن بيدك لبستني
رحت لاصالحتني ولابستني
ولا گتلي چذب حقك عليه
==============
دكافي امن البعد ياترف بس بس
ومنو البذنك على الهجران بس بس
گبل تركض تجي لو صحت بس بس
شجاك شغيرك هسه علية
==============
العمر ماي وتبده كلف لمه
وعلي نكبات هجرك صفت لمة
گتله شوكت تفرح گال لمه
أشوف اجنازتك تمرگ علية
==============
أريد الزم خديدك واشتمنه
واريد العن ابيك واشتمنه
تدري شراد گلبي واشتمنه
على صدرك أموت وهاي هيه
==============
أطلبه وإجه وفاني سوادين
شدهني وصارن براسي سوادين
يحگلي احزن عليك البس سوادين
الوجه والثوب أصبغهن سويه
==============
ساعة الوكت مشراگة سعافي
وعلي بجفاك ماتلحگ سعافي
چنت نخلة ويفيلهم سعافي
وعلى گرصة خبز چيموا بية
==============
البشر معدن تعرفه بيوم ينحاك
يوم التوگع ومكسور ينحاك
علي خيط المصايب گام ينحاك
والتكتلك أخوي الحاكه اليه
==============
ارضعتني الدنية همها من نهدها
طحت والطيحة طيحة من نهدها
والله بصدري حسرة من اهدها
أبچي المن صخر گلبه عليه
==============
بدمع عيني اكتبتلك خاطر آنه
والك مايوم كاسر خاطر آنه
غير انته تجيني خاطر آنه
أجيلك معتني ازحوف اعله اديه
==============
أوعي بالظماير ردت يوعان
طحت ماشفت منهم گام يوعان
بدي وكلت اخوي الچان يوعان
مسح حلگه بقميصي وعض اديه
==============
أنه المايوم خله اوياك خليت
شجاك وبالظهر سچين خليت
شعندي وشبعد ياترف خليت
صفه حته البدي هم موش اليه
==============
وحگ القاب والقوسين ودنه
لغيرك مايلف ويدور ودنه
أگربلك ردت بخطاي ودنه
لاچن تبتعد عني برديه
==============
أشد حيلي ويبيد ابساع وانحل
تعب جسمي وهلك بالظيم وانحل
يسادس درس يمته اتروح وانحل
أخاف اتأخر ويزعل عليه
==============
أريد اصعد جبل حمرين وارگه
ودز ويه الهوه للولف ورگه
شوكت ماخضرت بالملح ورگه
لذاك اليوم بلكي اتعود اليه
==============
أبوذيات گمت اكتب عليهم
وگولن مثله لخضير عليهم
گلبي اليوم بي هم وعليه هم
ولاتنفع اهمومي الأبوذية
==============
رسم يوم الهجر بيده وخاطه
الحزن فصل علي ثوبه وخاطه
مزج مر الهوه بدمعي وخاطه
وسگاني وماعطف أبدا عليه
==============
فتح باب الگلب ولفي وطبله
ولجل اقدومه دگ عوده وطبله
احترمته وقدمت چايي وطبله
إله لاچن يعاوضني بأذيه
==============
تعبت من المسير وبعد مامش
ولون هلت عيوني اعليك مامش
صرت مثل اليدور عله الماش
اشما أتعب وأركض هيه هيه
==============
حبيبي امن انسجمنه روح وي روح
إلي اشگد طيبت چويات ويروح
امن اذكرك كله همي ايزول وايروح
وهلال العيد من تگبل عليه
==============
وحگ سورة بره وياسين ونسه
وعگبك مابگالي بعد ونسه
عمت عيني امن ابطل ابچاي وانسه
لما الأبيض يگدرونه عليه
==============
شحلات الترف من يامر وينها
وحسنه خبل الوادم وينها
يناظر لو تره مثلي وينها
وعلي چان انكسر گلبك عليه
==============
ربعك ناحت ونصبت عزلها
لأن عنك حكم دهرك عزلها
إنته الچنت للوادم عز الها
افگدوك وظلت اديارك خليه
==============
منو منكم عليه نشد من سال
جفيتوا وبجفاكم صرت منسال
شعندي غير دمع العين من سال
أخفف بي مصابي الصار بيه
==============
عجب للحين عندي اعيون يارن
ولابطل دمعهن دوم يارن
ايعين الله دليلي حمل يارن
الدهر واطبگ جفه احبابي عليه
==============
يغايب غيبتك طالت على اهلاك
وغدو كل اليحبونك على اهلاك
يگلبي ضل ولاتبطل على اهلاك
لمن للگبر يسرون بيه
==============
افراگ الترف للدلال علة
جفاني وخله وسط الگلب علة
على هجر الحبيب اصطبر عله
يعود وترجع ايامي الهنية
==============
حبيبي خوش اله وجنة وشامة
بموصل منوجد مثله وشامه
عونه اللي لمس خده وشمه
تحيى الروح وايشوف الهنية
==============
حبيبي بسك امن العتب واللوم
زعلت وأذه زعلك گلبي واللم
تعال وخلي نجمع حبنه واللم
تره افراگك بده ايطول عليه
==============
طبيب الروح ماتدري شبيها
سگمها البالحسن يوسف شبيها
خفي نيران هجرانه شبيها
بچبدي او لايفيد ادواك بيه
==============
بعد متفيد حسراتي وندماي
راح الچان الي ونسه وندماي
خضاب الناس بالحنه وانه ادماي
خضابي وصار من عيني لديه
==============
أحله من العسل خدك وشافاك
وهنياله والوصل دارك وشافك
طبيب اجروح تدريني وشافيك
وجرحك ماأظن يصعب عليه
==============
جمعله اچم فلس بيها تراها
أعمه الگلب بس عينه تراها
ثروه بدون طيب وحب تراها
مذله وفگر واجيب الأذيه
==============
على دهري چنت آمر واگوده
ولناره اصبحت هسه وگوده
چنت بيدي الزم الجاهل واگوده
وهسه يگودني الجاهل بديه
==============
أحس گلبك عليه اليوم لاعب
وكلامك خشن بطله اوياي لا عيب
شجاني اتورطت حبيت لاعب
تركني وفضل الطوبه عليه
==============
گلب صافي لون تهوه گلبنه
وابد مايوم عالصاحب گلبنه
إحنه اظلوع الك وانته گلبنه
ونحافظ عالگلب من كل أذيه
==============
صديقي أشگد وفي ومخلص وصادق
واحبك ماأحب غيرك واصادق
نخيت الهادي والباقر وصادق
تظل انته أعز محبوب اليه
==============
حبيبي بس الك هالگلب وايميل
وعالفرگه ايتموج دمعي وايميل
ماطالب رسالة ادزلي وايميل
فرد مسكول لاتبخل عليه
==============
مفارگ والليالي اسنين مرن
وعلي صاير لذيذ الزاد مرن
طفر گلبي على النقال من رن
لأن حسيت روحي ادگ عليه
==============
وحگ الألف واللامين والها
روحي بهوى ساهي العين ولها
لها ثغر وجبين وعين والها
خد شبه البدر لو سطع ضيه
==============
فصوص العين فص يمي وفص لك
لأن من يوسف انته اصلك وفصلك
أخيطك بيدي تدريني وفصلك
واجيبك فيت عالطول العليه
==============
خلبص والعب بكيفك وشربك
وبان الغيض بعيونك وشربيك
أجرعك لوچنت حنظل واشربك
وأحبك لو چنت چتال اليه
==============
عزيز انته والك بالروح منصب
ودمع العين من فرگاك منصب
عسى موتي جريب وگبري من صب
ولا أسمع خبر عنك أذيه
==============
أريد اخبط مزيج الرمل والحر
وادور عالصديج الوفي والحر
نخيت الله وابو الحسنين والحر
يحفظ كل خوي يذكر خويه
==============
تراچي من الذهب لابس وساعة
وقميصه امن الخصر مابي وساعه
ساعة اينام المدلل وساعة
يفز مرعوب ريته ابين اديه
==============
أحترگ گلبي بسعيرك والتهابك
وترك هالناس كلها ولتهابك
اشسبب روحي التودك والتهابك
تفارگها وتشب نيران بيه
==============
وحگ من صله بالمسجد والاكبر
اشكثر باريتك بجبي ولك بار
چبيرة سوايتك هايه والاكبر
تصيرن إنته والشامت عليه
==============
سبحانه الخلق حسنه ورقته
وكلامه العذب داواني ورقته
تمنيت بكتابه اصبح ورقته
وكل ساعة يحط عينه عليه
==============
شوصفه بياشعر يرهم وگصه
علي من فات گلبي بموس گصه
شنو التسريحة لبشعره وگصه
تهد الحيل ابد مو طبيعية
==============
أنه المديون والتمو طلابه
اوكته استاد ويحاسب طلابه
شجاه الموت طالبنه طلابه
ترسها اگبور أرض البابلية
==============
بمحبتك ماأميز الشمس من في
وبنظرات عينك صرت منفي
دمد ايدك بگلبي وشوف من فيه
واذا غيرك لگيت اعتب عليه
==============
مرتاحين واحسن عيشه چنه
وهسه بقهر لمن جنته چنه
مو چنه الإجتني أتگول چنه
إبليس الإجاني وعم عليه
==============
الدهر للحزن من ايدي يراني
ولا واحد وگفلي من يراني
كلمن صد الي بنظرة يراني
خاوي الجسم بس الجلد بيه
==============
أنه الصياد صادتني شبكتك
ودخيل الله اشكثر حلوه شبگتك
أدگ اعليك مشغولة شبكتك
واظن مغلق جهازك بس عليه
==============
حياتي انتي ومهجتي وإنتي گلبي
وحزني بشوفتچ ينقص وگل بي
إلزمي وفتشي ادليلي وگلبيه
وغير اسمچ فلا تلگين بيه
==============
صرت من بعده منفي بوسط وادي
وجريح اصبحت أنزف بحر وادي
شودك لو تگلي اتمنه ودي
طلب واحد أشوفه وهاي هيه
==============
يچكليته بطعم خدك يبسكوت
عليك ابليلي صدگ أون بسكوت
جبت كيه وگمت أشتغل بس كوت
إلك بس انته والكروه عليه
==============
وحگ مكة وشبل حيدر وموسى
الهوه تذبح سچاچينه وموسى
لون ولفي مسك جرحي ومسه
إيده البنسلين اتصير اليه
==============
سبع اظلوع يوم اهجرت حنيت
بهجرك لاتظن لچفوف حنيت
تصد عني ولعد الغير حنيت
وبعد تعبي تجازيني برديه
==============
بلانه الله بلوه بسمراني
وغرامه بوسط گلبي بسمراني
حلو ماضگت منه بس مر آني
واحسه امن العسل أطيب شويه
==============
يالمسيطر عليه دومن انته
اشما نلعب الفايز دومن انته
شش بيدي وتگلي دومن انته
شدومن وانته قافلها عليه
==============
تعالولي يربعي فكروني
الأحبنهم نسوني فكروني
إذا ام كلثوم غنت فكروني
شحطلها وترد ترهم عليه
==============
حبيبي اسمك بعيني انحفر وانخاط
وگلبك ويه گلبي انطبگ وانخاط
أحس دمك بدمي أختلط وانخاط
واحس مو روحي روحك تسري بيه
==============
حبيبي لاتظل محتار أوشاك
الوشالك بيه عندي اليوم أوشاك
تعال اهواك اهو عالموت أوشك
تعال ومن تجي ترد روحي ليه
==============
الجرح خزن يحلو الطول وده
يبيك الگلب زاد اوكثر وده
رسمك ياشريچ العگل وده
إلي تذكار من تبعد عليه
==============
احترگ جوفي بلهيب الحب ويغله
وغرام الترف چتفني ويغله
الذهب طبع الذهب يرخص ويغله
وحبيبي بكل وكت غالي عليه
==============
هنا يالچنت مني وچنت مناك
وعلي منيت وآنه اقبلت مناك
عزيز وليش دربك صار مناك
قروا بذنك تريد اتخون بيه
==============
يعلمني زماني ادورس وانسه
وعلى حالي بچت رضعان وانسه
آنه الچنت للخلان ونسه
صرت مكروه محد يمر بيه
==============
الليالي لاتظن ياصاح طابن
بصميم احشاي الك نبلات طبن
احملت منك چثير اجروح طابن
لچن جرح الكلام اثر عليه
==============
ظهري مال چالحاجب وحن ليك
ومسحت المدمع بچفي وحن ليك
مثل يعگوب اون وانحب واحن ليك
ومثل يوسف وصالك شح عليه
==============
أبد ماشفت من الدنية ود لي
نشفت گهوتي امن العوز ودلي
إذا عندك شوية صبر ودلي
أكمل عيشتي الكلها رديه
==============
العمر ضاع بهواك ونقص مازاد
وحچيك بس وعد عن هذا مازاد
أنه البيه زماني صاح مازاد
والف شراي يتعامل عليه
==============
اشبده مني وشخصك على ماطل
وحبل امواصلك وياي ماطل
دليلي اويه الصبر بجفاك ماطل
مثل روحي التماطل بالمنيه
==============
حبيبي العمر بعدك كلفاني
طحت والموت اشوفه كلفاني
ثمن هجرك حياتي كلفاني
دفعته وإنته تتحمل خطيه
==============
حبك مرض بيه منعاني
طرحني وعن وصالك منعاني
ماهزك الناعي من نعاني
ولانعشي كسر گلبك عليه
==============
حبيبي بدربه صدلي ولاحظاني
لكن ماگربلي ولاحظني
بخت ماعندي بالحب لاحظ آني
جبتها اصفارة ماحصلت ميه
==============
عليله الروح ماريدن طب الها
وحسافه الشامت لدارك طب الها
شجاك الدنية دگتلك طبلها
وصفت نسوان لتوزك عليه
==============
وحگ بيت التطوف الناس حوله
الفرح بگليبي ابد مادار حوله
طحت بمره وچنها ابليس حوله
وعدها السان شاعل والديه
==============
سدرة امي وفيي من سدرها
ورضعت الطيب والحب من سدرها
أبد منسه حظنها ومنسه درها
ولا أنسه اشكثر تعبت عليه
==============
100
عگب جرحك يدهري وشتلمني
مثل ماي وتطشر وشتلمني
يوكتي اللوم كافي وشتلمني
تلوم ازغار عيشتها رديه
==============
الحاقد حرض الوادم علي داس
اوكتي اشلون حطمني وعلي داس
لعب داس وگلت أوگف علي داس
غلبته وضحك الوادم عليه
==============
گلبي بنارة مايلهب ولاشاب
وشعري المايصير ابيض ولاشاب
لاعمري چبير آنه ولاشاب
عمري سبعطعش عشت بأذيه
==============
على افراگ المحب أعتب ولاميت
واداوي اجروحي لبگلبي ولاميت
لاني حي على افراگه ولاميت
بگيت ابحال سكرات المنيه
==============
چفك لايمسني مستحيله
وانه المايستحيلي مستحيله
عشرتي اوياك صارت مستحيله
وانه الممنون اذا تگطع الجيه
==============
يوم الدهر ياصاحب وعانه
وعرفنه اللا فلس ينفع وعانه
أخوي المانگل حملي وعانه
إلي شيفيد لو تدنه المنيه
==============
گلبي اگبال طولك حيل رباك
والرباك مدري اشلون رباك
من ياطين خدك سوه رباك
گبل يوسف إلك أنطه اولويه
==============
طيب ازرعت لحبابي ولازال
وعزهم من يلاگوني ولازل
حبهم ساكن بگلبي ولازال
وشنو الأسباب مامروا عليه
==============
ايتهجه احروف علمته وقربيه
ونكرني ومارضه بوصلي وقربي
أدور ياذنب عندي وقربيه
لگيت الطيب أكبر ذنب اليه
==============
وحگ عينك وحگ جفنك ورمشاك
أظل طول العمر أمشي وره امشاك
منك بالگلب عندي ورم شاك
واطيبن من تخلي ايدك عليه
==============
جرح أنزف وخوتي ماشلوني
الذهب لوني وگلهم ماشلوني
طحت يمهم حسافه ماشلوني
توچيت اعله روحي وگمت بيه
==============
وين الأخو العاوني على الراح
ايتفرج والگلب خلوه على الراح
خلصت العمر أصفج على الراح
من اخوتي الشمتوا عدوان اليه
==============
خفي جرحي ولامن محب حسبه
أگضي الليل حسبه بأثر حسبه
خلص عمري تعال اوياي حسبه
وحرام انچان مر الفرح بيه
==============
جروح الگلب فوگ الملح شرهن
وعلي طشن ليالي الظيم شرهن
حرت آنه شبيعن بعد شرهن
بگه ثوب الشرف ساتر عليه
==============
الليالي بهجرك اشتركن وسهمن
وگبل چان الدمع جامد وسهمن
جمرتين بوسط روحي وسهمين
عفاني شلون شايلهن سويه
==============
عليه اهموم وزنه والف وزنه
وكلامي التسمعه بتفكير وزنه
ألف واشي عليك اليوم وزنه
والف يمك يوزونك عليه
==============
نهتم بيك لنك منتمنه
واذا تنكر حبيبي منته منه
إحنه اخلاف شخصك منتمنه
وبعد منريد من رب البريه
==============
حسافه الچان الي مصبح ولي ماس
لن بلسانه يطعني ولي ماس
وردة وبيد عدواني ولي ماس
يحز برگبتي ويگطع بديه
==============
إلي يومين عن الزاد مساك
يالماجيتني ولاگلت مساك
أجن وازعل لون الريح مساك
وتشل حالي لون تبعد عليه
==============
وحگ ذي قار والموصل ورطبه
بميك ياوطن گلبي ورطبه
نخلك ياوطن وينه ورطبه
يرد سعفات بس ضلن عليه
==============
هاسل الگلب بجفاك هامات
ويامه اگبال سيفي انحنت هامات
أخبرك روحي نص الليل هامت
عليك وسحل جابتني من اديه
==============
حلاوة وطيب للياگل تمرنه
ويضل نافذ كلامك من تمرنه
تميل البصرة كلها من تمرنه
والك شط العرب ياخذ تحيه
==============
ترف ومن الورد اترف ترافاك
والذ من العسل واطيب ترافاك
تعال اگليبي الك بابه ترافاك
أسده ويفتحك غصبن عليه
==============
إلآهك من خلق حسنك نصف بيك
وحرنه بياوصف گلي نصف بيك
طلع هذا الگمر ماخذ نصف بيك
واسمعه ايگول خل يصعد عليه
==============
لون يدري الزمان اتموت چادار
ومن صدره علينه اهموم چادار
عگب ذاك المضيف النصب چادار
ومصابك بالگلب أثر عليه
==============
شفت بس الذهب يرهم وصف لك
ولحط كهرب على ارگبتك وصف لك
حبيبي ابروحي مدرستك وصف لك
وعلى گلبي رحلتك ذيچ هيه
==============
يصاحب لو تشوف اشلون كتماي
على اعيوني يصب الدمع كتماي
اشمگل الروح سر الهوه كتماي
تحن وتهيج الساكن عليه
==============
اجروحي اتحرشن بيه وعالن
وانه الماكاشف اهمومي وعالن
بحلات النوم فز گلبي وعه لن
أخوتي وربعي اجو چتال اليه
==============
أدين الروح والصاحب مدينه
وحبال الوصل لليگطع مدينه
حسبت ابيوت صدگاني مدينه
وبتت بالچول خاف اتمن عليه
==============
لغيرك لاجره دمعي ولاهل
غاب الگمر من شافك ولاهل
لالي احباب بالدنيه ولاهل
بس انته وگطعت الوصل بيه
==============
حبيبي بوسه منك طالباني
وعليمن گلبك اشبيه طالباني
وين الله واصيرن طالباني
شحلات الحله اذا نمشي سويه
==============
حبيبي امن العتب أرجوك بس بس
ومنو البذنك يبعد الروح بس بس
إذا عندك العشرة اتريد بس بس
تعال وتنتهي كل القضيه
==============
أفن من زماني وآه منه
على من چان الي وياه منه
أگله الدرب هذا ايگول منه
أگله فوت بي يرجع عليه
==============
أبد مو عالبشر يجري جرالي
وعلى خدي نهر شوگي جرالي
ولك گلبي شرد مني جرالي
من الياخه دجره وجيبه ليه
==============
أصافح إيد شماتك واعاديك
لأنك ماصنت مرة وعاديك
تضل تغلط واصححلك واعاديك
تعاند ماصفه گلبك عليه
==============
حبيبي ايلوگ شعرك من تحله
غزال وكون ولفي منتحله
اشجابك عالسماوة منته حله
الحلاوة البيك أصلا بابليه
==============
اهجرتني بلا ذنب ومشيت عناي
وظل الگلب بس اينوح عناي
لون ارتاح چنت اوصلك عناي
واخبرك بالفراگ اشعمل بيه
==============
حبيبي الگلب لودادك تره حن
بشبابي وظهري من هجرك تره حن
رحيل اليوم لو باچر تره حن
حرام بشوفتك تبخل عليه
==============
رضاة الله أمي مرضاها
ولاحب مثل حبها مرضاها
الوكت وارباي والهم مرضاها
مريضة ومن اون اتون عليه
==============
شتلت وطلع وسط النار شتلي
وزماني اشكثر يامه اخوان شتلي
عليهم شقره من آيات شتلي
دخلي الفاتحة اقراها عليه
==============
زرعنه انته وثمرنه وانته حبنه
فگدناك وبچينه ونتحبنه
دگوم اگعد نحبك وانته حبنه
نشوفك فرد مرة وهاي هيه
==============
نصبت ومانفع نصبي وشبچي
ودمع العين وشلته وشبچي
يدنيه لملمي اهمومچ وشبچي
وخلي اشما يصير ايصير بيه
==============
اشمگل الروح اصبري اتگول لامات
وعلي اهلي وجميع الناس لامات
الرجل يخلف وراه اثنين لومات
ثوب وخلق عالي لهالبرية
==============
يروحي اللي تحبينه ولچ مات
نزل جوه الأرض جسمه ولچ مات
إحملي الظيم من بعده ولچمات
وشوفي اشضامتلچ هالدنيه
==============
شكيت الحال للطيبين مرات
وگمت امضغ احروف الصبر مرات
يمن ريت الزمان ايعود مرات
وارجع للجره والصار بيه
==============
حبيبي الگمر وجهك من تطلبه
والك يرخص گليبي من تطلبه
غيابك سل يسلني من تطلبه
وكل ساعة المرض يشتد عليه
==============
تره گلبي انترس لجلك من الهم
وغيري ابكثر ماودك من الهم
ردت خلوه ولك أشكي من الهم
لأن يرتاح گلبي من الأذيه
==============
كل الناس صفحة وانته صفحة
وحياتي اكتاب بيدك وانته صفحة
اليصافح مدله چفك وانته صفحة
وتكبر عاليدورلك رديه
==============
ليش اعله التكبر دوم تسعه
نسيت ابساع كلنه ولد تسعه
عندك جنح واحد موش تسعه
تريد ابتك جنح تعله عليه
==============
الليالي للأحبهم صدگ شتان
وعليه الصيف لا يالولد شتان
تعال انته بغربتك بعد شتان
طحت آنه الوكت دگ حيل بيه
==============
ظعن حبي نوه بهجره وعلي سار
أصب الدمع والواشي علي سار
بقيت آنه اطبگ اليمنه علي سار
على ولفي الهجرني وخان بيه
==============
لغيرك مايسل دمعي ولك سال
وعليك الگلب ماتدري ولك سال
يخايب يابعد روحي ولك سال
اتركتني ومادريت الصار بيه
==============
أزرع ورد واحصد شوك واجني
وغرامك بالف لهبة نار وجني
يقاسي الگلب دمعي جرح وجني
ولانوبه عطف گلبك عليه
==============
روحي معلگه بحبك بعدها
لكن هالزمن عنك بعدها
يخوي اسأل علي مره بعدها
ميهمني الحصل والصار بيه
==============
شوصفك والوصف محتار وصفه
وجمالك أنقه من الذهب وصفه
عليمن يكتب الدكتور وصفه
دواي انته وشفافك صيدليه
==============
يگلبي ابيش اخيطنك ولحماك
ولاواحد وگف دونك ولحماك
إجاك الظيم من دمك ولحماك
وبدال الطيب جازوك برديه
==============
اذكرنه ياحنين الگلب مره
وسويلك على الخلان مره
ليالي اجفاك آه اشكثر مره
طفه بيها الگمر واختنگ ضيه
==============
السكن بالگلب دگ اوياي دگه
چنت عنبر أحسبه وطلع دگه
يشامت عاد طبلك حيل دگه
إجت من صالحك ماصار بيه
==============
أضل حزنان عالراحت وماجت
ودموعي اعله طرف العين ماجت
أحس الگاع تحت الجدم ماجت
لمن راحت وغابت عليه
==============
على وجنة حبيبي اثنين شامات
ويريت اشبع گبل ماموت شمات
لون صاروا جميع الناس شمات
أگابل منزله صبح ومسيه
==============
هلن ياجفون العين من دم
على من چان الي وياه مندم
بودادك لو تلفت الروح مندم
أندم لو گطعت الوصل بيه
==============
البدر بخدود حلو الطول وسم
سجني الترف بين الأرض والسم
ومن هجره جرعت الصبر وسم
عفه گلبه الجلد ماحن عليه
==============
خذلني الگال انه عونك وگدها
وعليه اعداي حشمها وگدها
ابچبدي النار وبجوفه وگدها
الأخو الطفيت نيرانه بديه
==============
عگب عينك نشف شطنه ويمنه
وعلامك ماتمر بينه ويمنه
تولاني الدهر يسره ويمنه
وخلاني الصبح ماشوف ضيه
==============
عشت عمري عمر منذور للحب
زارع حبتي وناطور للحب
صفيت آنه مثل ناطور للحب
أود من النگيط امليلي ميه
==============
معجب حيل انه بطبعه وفنه
صادق دوم بوعوده وفي النه
اليمسه بالأذه شحده وفنه
عليه أعلگ الحرب العالمية
==============
دليلي اتفطر بشيلة وظعنه
راح الشوگ وتخربط وظعنه
بينه افترت الدنيه وظعنه
وصفينه نعد بيام المنيه
==============
وحگ من بالحشر ربك حياها
ألف ليله انگضت جفني حياها
آنه استحي ويمنعني حياها
السكوت مخيم اعليها وعليه
==============
على گلبي الفرح مايوم عده
ونهاري بشهر مو ساعات عده
زماني اشگد دگايگ سود عده
أفك وحده ويجن عشرة سويه
==============
ابهيمه ياضعن صاحوا وناخوك
وعرفوا گد للمزامط وناخوك
صحت للمنتخي عونك وناخوك
وعد عيناك يالزامطت بيه
==============
فرگتك ياترف گلبك عملها
وعيني لو هوت غيرك عملها
يتيمه الروح واوصالك عمه الها
يخف عني المصاب الصار بيه
==============
علامة الدهر شتتنه وطرنه
عگب ذاك الطرب بالهم وطرنه
ألف ياحيف مگضينه وطرنه
الليالي اللي مضت متعود اليه
==============
هجم حبك على اسنيني غزلها
وروحي بمغزل الحسرة غزلها
القصايد بس الك لايگ غزلها
يبو اشفاف العسل عينك عليه
==============
تغيب الروح بغيابك واردها
وكتاب اجفاك من عندك وردها
روحي بفرگتك ذابل وردها
ماي انته وترد الروح اليه
==============
يصاحب لو لگيت الزين وده
وصير اوياه گلب بگلب وده
اشكثر جاب الزمان اشكثر وده
ولامثلك يمر طيب عليه
==============
شوفني الفراگ انجوم ظهري
وگمت للشيبه اگلها ابساع ظهري
ردتك يبني إنته احزام ظهري
ترد العيله لو صارت عليه
==============
أحب كل يوم اشوفك واشتمنك
واذا تبعد أسبك واشتمنك
شوف اشراد گلبي واشتمنك
بوسط عيني فلا تبعد عليه
==============
ليش استعجلت بالسفر ومضيت
وبيدك وقعت عالهجر ومضيت
جمرتك أثرت بالگلب ومضت
ماتطفه لمن ترجع إليه
==============
شحلو طولك من تمشي وناراك
عفه گلبي الحمل ناري وناراك
إذا إنته تعب حيلك أنا رك
عليل اشفه إذا مريت بيه
==============
حبيبي ليش عني ولك هملان
دمع العين عالوجنات هملان
الحديد الماتلينه النار هم لان
واشو گلبك صخر ماحن عليه
==============
لعبرلك حبيبي ابحور وانهار
ولنتظرك يروحي بليل وانهار
واذا ماشوفك آنه احترگ وانهار
واوصل گبل موتي للمنيه
==============
الدنيه سيوف بضلوعي سنتها
وقوانين التعب لجلي سنتها
الوادم تحتفل باخر نستها
وانه ابچي اعله العمر راح امن اديه
==============
الوادم تنظر لجسمي يروحاي
وانه اموتاتني سكتة يروحاي
شمالچ بالعجل طحتي يروحي
خلص صبرچ يروحي وخنتي بيه
==============
حگه الدمع فوگ الوجن يندار
من حيث الوفي بهالوكت يندر
الموت اعله المسچ والورد يندر
ويعوف النذل والذاته رديه
==============
أحبك ماأحب بالكون سواك
سبحانه الذي من طين سواك
بشر لكنه ويه الگمر ساوال
وصرت إنته الگمر وايديك ضيه
==============
زرعت الصبر فوگ اجبال ورد
سگيته ومن دموع العين ورد
حبيبي انشد عليك الراح والرد
شعجب للحين متسير عليه
==============
اشكثر عني دليلي يامعانه
وتحمل گلبي يامه ويامعانه
يعمي انته معاهم يامعانه
تهد وتفازع وتاهت عليه
==============
خادم صرت في حبك يسلطان
وگلبي لو سمع صوتك يسلطن
حمل بغيبتك يسمر يصل طن
ويصل طنين من تگرب عليه
==============
يما خذني ويجايبني مع الماي
ردتك ياحلو تصبح معلماي
تعال وخلي آلآمك مع الماي
وانه وانته نضمدهن سويه
==============
سريت وتعبن اجدامي منعداي
مريض ولادوة ايشافي منعداي
ألف عين اكرمت لجلك منعداي
أباريهم وهم عدوان اليه
==============
ورثنه الكرم عن أبنه وجدنه
بأعز أرواح ضحينه وجدنه
درب للخير والغيرة وجدنه
وعليه سرنه بنهج رب البريه
==============
أنه اشبيدي على امر وامركم
سجين ولاجنح عندي وامركم
وهم يوم السجن يخلص وامركم
واعاتب كل شخص مامر عليه
==============
يگلبي بعدك بحبهم ولك حيل
الجرالك كله من عدهم ولك حل
دون من القهر وابچي ولك حيل
نصحتك ماسمعت ابيوم اليه
==============
تره اسهام الهوه كثرن ولاراد
أصيح وماإلي مجاوب ولاراد
نخيت الگلب ينساهم ولارد
لگيت الگلب وياهم عليه
==============
روحي اهواي ذبت من دماها
واسأل من كتلها من دماها
نديم الليل راحت من دماها
وصارت كالحجر حدر الوطية
==============
هدملي البعد شوگي وحبي
ويبست گاعي كلها ومات حبي
تمنيت الحلو يمي وحب بي
واگله البعد نار اتوج عليه
==============
إحنه اجيال ربينه وعلمنه
ويظل مرفوع ويرفرف علمنه
ويظل يزهي ويظل خالد علمنه
وتظل بغداد أم العلم هيه
==============
يمحلاته الحلو يمي ونيمه
على صدري ولوليله ونيمه
گمر مو بشر بالخلقه ونيمه
وابد ماشفت مثله اعله الوطية
==============
أيا دمعي انگضه وماشفت راحات
أعظ بشفاي حيل افركت راحات
الليالي الماردتها اتروح راحت
واجتني الماردتها اتمر عليه
==============
المايوفي بصحبته مرضه عنه
والبشر يطلع على اللي مرضعنه
حبيبي اگبال عينه مر ضعنه
نكر عشرتي وسد بابه عليه
==============
لأن طگات شماتي بهاماي
وشل لاتظن عيني بهاماي
إذا عالذل رضه يبصم بهاماي
أگطعه انچان يرضالي برديه
==============
زماني حد علي سيفه اولاني
واخذ مني أعز ناسي ولاني
صرت لا آني متفارگ ولاني
عشت وي ولفي براحة وهنيه
==============
الدهر لابويه خلالي ولمي
جريدة اصبحت لليقره ولمي
يدنيه حشدي اجيوشچ ولمي
على هذا المصاب الصار بيه
==============
سگيتك من دموع العين قدحان
ولا گلبك علي فد يوم قدحان
تعال اگرب حسابي اوياك قدحان
أخذ الإلك وانطيني الإليه
==============
يطير اخذ الكتاب اوياك وصله
للأعرف عمامه منين وصله
الگلب بجفاه صار اثنعش وصله
كل وصله تطالب جيبه ليه
==============
شفت حلوات خزرني وفاتن
وحسنهن يجلب الناظر وفاتن
حضي الماحوه بمروة وفاتن
أخذني ايگود بيه لجاسمية
==============
إلك هيبه والك جاه وسعراي
والك نار اوجرت بيه وسعراي
أريدك تسمع اشعاري بوسع راي
واريدك تنطي رايك هسه بيه
==============
حبيب الروح كونك هسه ياماي
مثل يامه وافراگك كسر ياماي
وعطش فرگاك يمته اشربك ياماي
يمي زمزم وأعذب منه ميه
==============
يمته من الحزن نفرغ ونخله
ينخلني الزمان بيده ونخله
خط آنه وفسفورة ونخله
عراقي ومامزور بالهويه
==============
عفاني اشلون الي مهجة ولي روح
أداوي بالعلل كثرن واليروح
لاني بحال اليبقه واليروح
بحالك يالگطعت الوصل بيه
==============
مشيت وشوگكم عدني وردني
ومسحت الدمع بچفوفي وردني
إذا مكتوب من عدكم وردني
مثل ميت ترد الروح اليه
==============
شفتچ وانگطع بالگلب بتي
ويريت بحظني ذاك الليل بتي
إذا بالعمر إنتي بعمر بتي
وانه امن ازغر بناتي ازغر شويه
==============
يامه ادروب لجلك ماشي بيها
يالبالكون كله ماشبيها
لگذلتك كون اصيرن ماشه بيها
وكل ساعة تمشي ايدك عليه
==============
همت وانسلب عگلي وزاد مرضاي
على المامر عليه شخص مر ضي
لون تسكن بلب احشاي مرضاي
أگول اگرب يهل مبعد عليه
==============
أبد ميهمني لاحسنك وشكلك
وليهمني شنو شربك وشكلك
أريد بگلبي اشدنك واشكلك
واعيش اوياك عمري للمنيه
==============
أنه المظلوم من ساعة ولاداي
حته احبابي تركوني ولاداي
مريض بدون لاعله ولاداي
سبب مرضي زماني اغبر عليه
==============
أبيك آنه وابد ماگول مابيك
يالكلك حنان وشين مابيك
غبت عني واگول اشبيك مابيك
امن اغيبن هم يظل بالك عليه
==============
يفز گلبي بتوالي الليل ويروح
يمك يالمليته اهموم ويروح
عشرتي اوياك عشرة جسد ويروح
إذا تتركني أموت شلون بيه
==============
أشرفنك على العالم وافضلك
ودمعي ماجره لغيرك وفضلك
أنه امن أذكر بعض طيبك وفضلك
أشكرك كل صباح وكل مسيه
==============
خلص عمري أدور اعليك وانشد
وبحروفك أغني صرت وانشد
بعدك بس نداوي اجروح وانشد
نخيط جرح بس ينفتح ميه
==============
اغيم وامطر وانخبط واصفه
على اللي راح مني وتاه وصفه
حبيبي وچان للبلواي وصفة
أشگ الچفن لو مر طيفه بيه
==============
بس احنه المصيايب صاحبنه
لأن كل ساعة نفگد صاحب النه
إبنه المات محد صاح ابنه
أخاف انصيح ويعدمون اخيه
==============
إدي لليوم تنزف من رصيدك
لأن مرة انته صايد مرة اصيدك
عليه اصرف دقيقة من رصيدك
وانه اعوضك إذا تصرف عليه
==============
حفرت الجدم چيفن يوم طبله
ولا مرة الهوه والوكت طبله
الوكت خلاني بيد اعداي طبله
أصرخ والچفوف ادگ عليه
==============
صلاتي وقبلتي إنته واذاني
وبعدك قلق سببلي واذاني
اليزعلك أگلب الدنيه واذاني
واليحبك أخلي بين اديه
==============
دمع العين لجريلك وهملاك
وانه الما همن بروحي وهملاك
الملائك حنت لحالي وهي املاك
چا گلبك صخر ماحن عليه
==============
شفتك وآنه دايخ يوم شفتك
ومافكني هواك شلون شفتك
أخدر لو تبلل هاي شفتك
واذوبن وانعمي من اتكض اديه
==============
إلك صار الگلب سلوه ويظل لك
ويويله اليبعدك عني ويظلك
أغار اعليك من تمشي ويه ظلك
واغار اعليك من روحي عليه
==============
الدنيه شما احبنها وابرها
تزرفني بمخايطها وابرها
جاعت ناگتي وأكلت وبرها
الدرب طول واخاف ترد عليه
==============
سلالتكم نسب يوسف نسبها
الدنيه بغير نظراتك نسبها
الوادم مية بالمية نسبها
بس نسبة جمالك سبعميه
==============
طعم آلو شبگتك منگه رصتك
مكسبه اشفاك وطني من گرصتك
بتليت آنه اعله عمري من گرصتك
سعف ترجف لهسه اطراف اديه
==============
علي دوم الليالي تلف وتدور
ولجلك رخصيت الذهب والدر
أحبك من زمان الدار والدور
شعجب لمن كبرنة تخون بيه
==============
صرت نار بدليلي ومنك ابره
شتظن أنسه آني ومنك ابره
تعال الخيط مني ومنك ابره
نخيط اگلوبنه ونلتم سويه
==============
سهامك بالگلب صابن ولاحن
وكلبك مابچه لحالي ولاحن
بهلال العيد ماأفرح ولاحن
أفرح بيك من تسأل عليه
==============
أنه الشديت جرحك ليش حليت
عليه وحلة الطلاب حليت
ذكرتك بمتحاني وغلط حليت
شجاوب وانته شاغل حتى اديه
==============
بين ضلوعي شلتك ماهملتك
وبقيت بجفن عيني ماهملتك
حسبالي الخيانة ماهي ملتك
لچن هسه اتضح كلكم سويه
==============
ربي لاتموتني مع المات
حتى الدنيه لتگلي معلمات
أنصحك زوج اولادك معلمات
يشيلون الحمل يوم البليه
==============
وزارات العدل فشلت والاوقاف
وبعدك لاأسير آنه والاوقاف
(مر) طعم الشهد عندي ولو (قاف)
تحطلها وتشيل المر عليه
==============
عشگتك من صغر سنك ويهلك
اليحبك ليش يتعذب ويهلك
أغار عليك من تمشي ويهلك
لچن ويه الغريب شلون بيه
==============
شدگ شلطم شنوحن شبچي آنه
على الغرب ضعنهم شبچي آنه
شباچ الناس صادت شبچي آنه
شما اذبه يرد فارغ عليه
==============
جيتك يالأحس إنك وناسي
ولجلك عفت كل ربعي وناسي
لگيتك شو تحب غيري وناسي
الگلب يهواك ماحطلك أذيه
==============
دحوك بثوب حسنك ونسج النه
بجهنم حبك ارضه وانسه جنه
انحبسنه بقفص عينك ونسجنه
وتحط رمشك كلبچات بإديه
==============
تعالوا لعلتي وشوفوا دواها
نار التسعر بگلبي دواها
طبيب الناس چنت أوصف دواها
وهسه آنه المريض شلون بيه
==============
نخيت المصطفى الهادي واهل بيت
گلت هلبت گعد حظي وهلبت
فرد بت البقه بروحي وهلبت
دخيل الله بگطعته شلون بيه
==============
بس مني التريده يصير بالفور
طفيلي وأدري بيك تموت بالفور
يهودي ومن تواعد وعد بالفور
توصل للصدگ تگلب عليه
==============
بعسر غير النوايب فاتحتمن
وسهم غدرك بگلبي فاتحتمن
اكتلتني وجاي تنشد فاتحتمن
ولاچنك رحت جناز بيه
==============
چثير الهم على گلبي تراكم
وگصيتو اوياي ياحبابي تراكم
تود العين كل لحظة تراكم
ولو بالطيف مرتكم عليه
==============
تتلني الروح مره و مره اتلها
وچثيرة ايام سوده مرت الها
روحي همر تاهت من رتلها
تعال وصير عبوة وطگ عليه
==============
ألف وسفة الدهر عنك بعدني
أموتن وارتجي لوصلك بعدني
تراني اوياك عالعشرة بعدني
وتراك انته النفس والروح بيه
==============
لحد الموت احبنك واريدك
وعسه دمي دخل يسمر وريدك
حياتي وموتي يمدلل وره ايدك
أرد أحيى وترد الموت اليه
==============
بعد حداد ماصيرن ولاسن
وحقي من ارفعن صوتي ولاسن
انطو جوز للمامش ولاسن
وثريد انطو لابو اسنون القويه
==============
بعدكم تارك بگلبي ورم شاك
علاجي بنظرة عيونك ورمشك
أحبنك وحب أمشي ورمشاك
وصلتك بعد خل نمشي سويه
==============
يدنيه شبيچ بس اوياي صحتي
عليه الضيم فوگ الحزن صحتي
ينشدني صديجي شلون صحتي
شجاوب وآنه كل الضيم بيه
==============
لاراهب عرف علتي ولاقس
ولا ليلى ابتلت مثلي ولاقيس
بعد ما أحسب لهجرك ولاقيس
رضيت شما يجي منك عليه
==============
الفرح لمن گربلي ياب اذية
ومحبتك يابه بلوه يابه اذية
شوصفك ياقصيدة يابذية
إذا حتى القفل عاصي عليه
==============
اعله دربك بعد لاروحن ولارد
واظل ساكت لون تحچي ولارد
أريد الحزن والدمعة ولاريد
الأخو البذات طبعة وخان بيه
==============
على گلبي محامي وكليته
اعله كيفك ويه چبدي وك كليته
صديجي بهاي اديه وكليته
رفس ماعون زادي وخان بيه
==============
الدهر ما شلي كل الگلب شل تك
وگلتلك ماتفيدك هاي شلتك
تذكر من طحت مو بدي شلتك
اشمالك من طحت ماجيت اليه
==============
گضيت العمر بس اقبلك ورضاك
وصرت بين السمه يفلان ورضاك
ضعت بين الزعل والعتب ورضاك
وادور گمت هسه آنه عليه
==============
غصب أنزل دمع عيني وسيله
لأن مالي على اوصالك وسيله
دهاك أخذ الگلب بيدك وسيله
يخبرك بالجره منك عليه
==============
حبيبي وچالنجم ويلوح بسماي
أذوبن من اسمعه ايصيح بسماي
عجب ياعين شو تبچين بس ماي
إبچي ادموم عالراح امن اديه
==============
فرق بين اليذوب بساع والصاك
وتذكر بيش اخوك اليوم وصاك
أسميك العلم مرات والصاك
وواجب للعلم ناخذ تحيه
==============
كاروك آنه يمك وانته هزني
مثل فرصة واجيتك ونتهزني
أنه شجرة بحياتك وانتهزني
أمطرلك عشگ بثنين اديه
==============
جمالك زاد عن يوسف وقبله
وحبك صار الي معبد وقبله
أحبك من زمن عيسى وقبله
وحبك صار دين ومرجعيه
==============
وگع گلبي بغرامك ماتشيله
وتره گلبي التعذب مات شيله
أخابر وإنته تسمع ماتشيله
وينك ياحلو بس رد عليه
==============
الگلب عاف البشر كلهم ولك راد
مشه مسافر تذكركم ولك راد
عرب ما طيبوا علتي والاكراد
دواي انته يهل مبعد عليه
==============
وحق رموشك الحلوة وعينك
أنه البالشدة أوگفلك واعينك
لو بيدي أنصبنك واعينك
ملك تحكم على كل البريه
==============
قدر مكتوب حبك وانته قسمه
الواحد ماله ناتج من تقسمه
لون بسيوف گلبي من تقسمه
تشوف معزتك شمسويه بيه
==============
أظل طول العمر صابر ولامل
وابد ماجوز عن دربك ولامل
بكنوز الأرض مابدلك ولامال
وغيرك ماأريد اخ إليه
==============
أصيل انته ومضيفك دوم ينضاف
وگلبي من الألم ياريت ينضاف
كون العمر فوگ العمر ينضاف
إلك مني العمر كله هديه
==============
الأحبه روحي بروحه مذابة
زعل وياي لو أدري ماذا به
ذبني بلا سبب وآنه مذابه
هجرني وصاح حبك بس اذيه
==============
أريد انصب عزه لروحي واقيمه
لأن مابقت حيثية وقيمة
الناس اتچلب بعنبر وقيمة
وانه مرگة هوى تصعب عليه
==============
حيرة بياسجية امتدح واصفه
أنقه امن الذهب والماس واصفه
واعله امن الوصف والمدح واصفه
بكل خصلة حرت وبكل سجيه
==============
حبيبي ومهجتي ودنياي وانته
تره المالوم صعب اهواي ونته
يصاحب تاه مني الگلب وانته
بس لو صادفك تلگاه اليه
==============
كسر ابراحتك بالگلب وفطر
ضلوعك ماأرضهن يوم وافطر
أصوم آنه اعله وجه الله وافطر
إذا ظلك خطفني ومر عليه
==============
على فراگك بچيت بدمع من دم
وعلى تعبي التعبته اوياك مندم
جرحك داخل الدلال مندم
لحد هسه تجي منه الأذيه
==============
بره المسگوم من علته وناداي
وحرگت اليابس بهجرك وناداي
براس اربع طرق لگعد وناداي
أنه المظلوم وانته ابعدت بيه
==============
يحادي الظعن بالله اعليك أني
لما يسمع شريچ الروح أني
لريد اصبر واعلم الصبر أني
أمر امن الصبر فرگاك اليه
==============
الهجر يكتل يصاحب وانته داري
عليك يخاف گلبي وانته داري
إنته اهلي وعمامي وانته داري
إنته امي وابويه وأخ اليه
==============
يهالروحك على الطيبات تربه
وعلى دربك تظل العين تربه
يريت اگعد على مصلاك تربه
وابوسك من تحط گصتك عليه
==============
حبك شامة بخدودي ودگة
واحط بالگلب بسمارك وادگه
اشچم دگة شفت منك ودگة
ورغم كل هذا احبك مو بديه
==============
نشدت الناس عنك وانته هينه
وعلى فراگك تلفنه وانتهينه
گلبي انته التعذبه وانته هينه
ويظل اسمك حلو وغالي عليه
==============
صحيح بعيد بس گلبي شعر بيك
حزين وباقي بس يكتب شعر بيك
عجب لي هسه باقي اسود شعر بيك
وانه بفرگاك ماظل شعر بيه
==============
يجن بيه المصايب مايجن بيك
وعسه الجنبك عني مايجنبيك
شلون تريد طالب مايجن بيك
إذا الأستاذ ياخذلك تحيه
==============
سكر كاس الخمر من ضاگ نفسك
واكو غيرك حلو بس ماكو نفسك
أريدك ياحبيبي تبوس نفسك
بس بداخلك تنويها اليه
==============
صرت دم المشه بداخل وريدك
ومثل متريد مشيني وريدك
فراگك حيل مرمرني واريدك
على جروحي تدوس بلا خطيه
==============
گلبي ايموت بس اوياك يحيى
ويظل سهران طول الليل يحيى
صرتيلي لميس وصرت يحيى
طلعلي منين تيم وعم عليه
==============
جرح البيه كافيني وزايد
واظل للموت احبنكم وازايد
بمزاد الحب أريد اگعد وازايد
واگولن هذا حبك بس اليه
==============
اكتبلي شما ردت تكتب واردلك
بساتين بوسط گلبي ورد لك
أروحن وابتعد وازعل واردلك
لأن الگلب بيدك مو بديه
==============
سابيني بجماله وطول شعره
واموتن لو سمعت ابيات شعره
أنه بيني وبين الموت شعرة
دشوفو وينه خل يلحگ عليه
==============
دمعتي اربع مناشف منشفتها
شفتها وخذت روحي من شفتها
لزمتها وخذت مصة من شفتها
بتت صبحت واشفافي نديه
==============
بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ومنك ماشفت بس ابوذيه
==============
ربك لليريده باب هدله
وانه دشداشتي امن الزيج هدله
الچلب لو شاف اخوه انوله هدله
وانه اخواني اصبحوا عدوان اليه
==============
علي گالوا شمالك بستغني
من الموال بسك بسته غني
كافي بعد إسكت بس تغني
أنه انجنيت مايدرون بيه
==============
يصاحب لاتظن مسرور بعداك
وعسه سم الزهر يندار بعداك
شيطفي الگلب من نار بعدك
يطفيها الوكت من ترد ليه
==============
صرت سمچة عليمن جاى شراد
أرد بالگلب لكن حيف شراد
تدرى انته بعشرتي اوياك شراد
صبر أيوب ما يلحگ عليه
==============
تره المكتوب يسمر مو بدينه
وعليكم دمع صافي مو بدينه
تگول احنه انتهينه مو بدينه
ونهايتنه غفل صارت سويه
==============
ذهب گالوا عليك شلون فضة
وگلبك يالحلو وياي فضه
حچي العذال لا تطريه فضه
وعوف الگال والگالوا عليه
==============
انحكمت بهوه حبك صرت مسجون
نمسج دوم إلكم ماتمسجون
ودوني الطبيب وگال مس جن
ويروح الجني من اترد عليه
==============
أفرمت گلبي منك والغي رامه
واشيل العشگ منه والغرامة
وعليك افرض ضريبة والغرامة
چي ناسيني ماتسأل عليه
==============
بهجرك راح عگلي مالفاني
وچثير اشعار لجلك مالفاني
رحت أركض بهيمة مالفاني
أدور اعليك يالرحت امن اديه
==============
مرضه بحبك وحبك شفانه
تسامرنه ولا واحد شفانه
تذكر يوم من طبگن شفانه
أحس ارض وسمه انطبگن سويه
==============
رمح جارح وكتنه خله بينه
ثبتنه وعيب بانت خله بينه
طبع إحنه من ابونا خله بينه
نبيع ارواحنه ونحمي الخويه
==============
على سنيني الدهر بدموع خطك
واگصن رجلي لمن تجزي خطك
شو آنه أتصل مشغول خطك
أثاري اثنينه نخابر سويه
==============
تهزهز ياگبر وانفض ترابيك
عزيز الروح هالنايم ترابيك
إجاني العيد وعيوني ترابيك
إنهض لاتشمت اعداي بيه
==============
اهمومي ماتعداها ارقام ونمر
متى نگدر نفوت اعليك ونمر
دليلي اعله المصايب صلف ونمر
يضحك والدهر محرب عليه
==============
يباري المرض هد حيلي وهدني
ولا يوم ابتعد عني وهدني
ارشدني لرحمتك يارب وهدني
طريح افراش والعلة خفيه
==============
شوف اشسال من جرحي وشده
وعلي تصعب مداواته وشده
نخيت اشچم خوي بهمة وشدة
يصير اصعب من اعدائي عليه
==============
رضيت بزينك وشينك وعابيك
وگلبي ما وعه بغيرك وعابيك
أشور بيك تدريني وعابيك
لون چانك تريد تخون بيه
==============
وحگ اهل الوفه والملح والزاد
الكرم أفضل معاني الشيم والزاد
حلالي مايهمني النقص والزاد
تهمني الناس شتسولف عليه
==============
نص احترگ من هجرك ونص طاف
وغرگ نصي ابحر حبك ونص طاف
يريت المدرسة ترجع ونصطف
وابدلك بالعلم وآخذ تحية
==============
شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه
==============
أخذ گلبي إذا ذابت دلالك
من نار العشگ يسلم دلالك
أحب إسمك لحن همسك دلالك
واحبك حته من تقسي عليه
==============
أبيع احزان تالي الليل من راد
وسؤالي اللي طرحته اليوم من رد
ليش الطيب ويه الناس منراد
لأن مايمتلك ذرة أذيه
==============
تناديني واگلك هسه اجاني
وگبل للحزن راغب هسه جاني
چنت محتاجه مامر هسه اجاني
من طاح بعسر مد ايده ليه
==============
أبشرك مابعد بالعين ضل ماي
واحس حته الصبح بجفاك ضلماي
زماني مرادف اعله الروح ضلماي
سلب عگلي وشدهني وشد اديه
==============
أگطع من خدودك ورد واشتم
ولا أدري شبقه امن العمر وشتم
أرخصك ولك سبني حيل وشتم
شتايمكم ثواب لوالديه
==============
يطارش هاك مكتوبي وسر بيه
حنين الگلب بسطوره وسر بيه
إخبره شوكت نتلاگه وسر بيه
وعلى كل بيت اطشن واهليه
==============
يبو اليمه وحگ مسلم وهاني
أحبك لاتظن حبك وهاني
بالمحشر سعيد آنه وهاني
شفيعي انته يبن سيد البريه
==============
بحب حسين شرد اوصف وشملي
إسمه موسم بگلبي وشم لي
بالمحشر لون شمله وشملي
انجمع واشكيله حبه اشعمل بيه
==============
اعتنيتك يوم ضكني الدهر عناي
گاصد گبتك يحسين عناي
حاشه تگصر انته بيوم عناي
وانه برجواك دنيه وآخريه
==============
حبك بالضلع بسمار مندگ
واحس گلبي يسولف بيك من دگ
گمت أركض على النقال من دگ
لأن أدري العزيز اتصل بيه
==============
ذبت وبشوگ شخصك مايع آني
ويعاني الگلب منك مايعاني
لون تعطش سگيتك ماي عيني
والك روحي لقدمها هديه
==============
بنار الهجر صدگ مايع آني
ونشف من كثر دمعي ماي عيني
تريد اتشوف گلبي ومايعاني
مد ايدك جهنم تلگه بيه
==============
صرت مرهون حبك وانته راهن
وعليه ايام هجرك ون تراهن
تجي مرة انتواجه وانتراهن
منو الأكثر يحب ويود اخيه
==============
أبد مايرحم الطايح وكتنه
جمعنه ورجع طشرنه وكتنه
أصيح اعله الفرح اوگف وكتنه
تركني وماسمعني ورد عليه
==============
وگف وكت الهوه بينه ولادار
ونشف فرع العشگ يسمر ولادر
يتامه ولا وطن لمنه ولادار
عگبكم والدمع هم شح عليه
==============
من هجرك بقه الدلال بس تك
لاتلعب على الحبلين بس تك
أمس بالحلم مدري منين بستك
لأن كلك حلو وتاهت عليه
==============
وحگ رصعة خدودك وحگ شفتك
انسبيت بيوم وسط الخلگ شفتك
اشيخلصني بعد شرتاح شفتك
تبعد تقترب نفس الأذيه
==============
ذبل هرش الگلب لجلك وخاوة
وطمع ما اريد من عندك وخاوة
الفضل مو للذي عاشر وخاوة
الفضل والطيب لليذكر خويه
==============
وحگ اللي خلق بالكون آلاء
مثل عين الغزالة عيون آلاء
أمد ايدي عليها اتگول اوه لاء
تأدب لاتمد ايدك عليه
==============
عليك الليل كله آنه وآنه
ومعاك العتب هسه آن اوانه
اتهدد بالنفاهة آنه وآنه
وينك مو طبگ دهري عليه
==============
روحي اوياك ما أگطع وصلها
وتفرح لو خبر منك وصلها
نسبها دورت عنه وأصلها
لگيته ايعود الك ميعود اليه
==============
إلك دمعي الحبسته والجريته
والك كل العملته والجريته
والك عمري شعلته وجريته
حته اشويلك اسنيني بديه
==============
أحس من يون گلبك ونته عدي
أريد العمر يخلص وانته عدي
جسمي بساط افرشه وانته عدي
هلبت تعثر وتوگع عليه
==============
ترف ياللي بطريج الهجر ماشيت
عجب بجفاك عني العگل ماشيت
عاندني وتدلل واخذ ماشيت
بس لاتبخل بوصلك عليه
==============
راء وعين الك مني ودالي
وامس مكتوب محبوبي ودالي
گمت أسمع حسام آنه ودالي
لأن عاشگ بنات الناصرية
==============
حديقة بعلم رب الكون ضليت
وعن درب العلم ياناس ضليت
شجرة وبس عله العاوين ضليت
وصرت سايق مخدة وجودليه
==============
إله اسنين الفرح وياي مايه
ومو واحد جروح الگلب مايه
اليغص ابلگمه اذا ينطوه مايه
وانه بالماي اغص وشلون بيه
==============
وحگ من كون الأكوان وابسط
أنه اسهل من نسيم الريح وابسط
چنت املك مخدة صوب وابسط
الإجوني فرهدوا ذني من اديه
==============
سنة دمعي مله جفوني سناسل
وسنة مجنون خلاني وسناسل
وسنة بحبال چتفني وسناسل
وسنة هدني وگعد يضحك عليه
==============
شفت بالطيف شخصك سالماني
همت ودموع عيني سالماني
علي تسأل يصاحب سالم آني
عزيز وشوفتك شحت عليه
==============
يكاس العمر ماظلت وشل بيك
ويجرحي لشوكت تنزف وشل بيك
تگلي ليش متمرمر وشل بيك
تهت منهو اليدليني عليه
==============
عيونك صيف مامرهن شتلهن
ومصايب شوگك بگلبي شتلهن
تگلي إسحب اهمومك شتلهن
حيل ثگال راوني المنيه
==============
گبل عنگود خدك يمي داني
صطيت وجفن عينك يمي داني
أغم گصتي واصيحن يمداني
يمي وماخذت ثاري بديه
==============
تسعر نار گلبي منكبره
ولافد يوم افكر منك ابره
آنه الخيط مني ومنك ابره
واخيط شفتي وشفتك سويه
==============
هلي اوياهم چنت عايش بلا هم
ونهاري شما ضوه مظلم بلاهم
هلي مدري الوكت شنهو بلاهم
ولا همه اعرفوا بالصار بيه
==============
هواكم أثر بعگلي وداره
ومنو مثلي الچ وفه وداره
سمعت بقيس عاف اهله وداره
عليكم ماحمل مثلي أذيه
==============
وحگ حيدر شديد العزم والياس
زرعت ادروبكم بالورد والياس
منكم ماگطعت الرجه والياس
اعزاز وتصعب الفرگة عليه
==============
محد حل لغز حبك حلالي
وغيرك بالبشر لتظن حلالي
نذر لو صار لبالي حلالي
أجيب اعيوني اطشهن واهليه
==============
نبيع الروح للينشد علينه
وصبح ثوب الحزن لايگ علينه
وحگ عباس والحمزة وعلينه
نظل ننشد عليكم للمنيه
==============
دمع عيني بغيابك بره سايل
وعليك الگلب يطلع بره سايل
ماينفع غزلنه بالرسايل
أريد الغزل وانته ابين اديه
==============
صديقي الماخذ بشوره ورايه
أثاري يطعن بضهري ورايه
علگ لافته بضيجي ورايه
واشوفه بلا خجل يضحك عليه
==============
الزعل بينك وبيني ابعيد خله
واحنه من الصبه ياصاح خله
تسدلي انته واسدلك دوم خله
وحچيهم عم عليك وعم عليه
==============
عليك الروح تنشد ماتمرها
وامرها مو بديها مات امرها
عليك اليوم نعقد مؤتمرها
ونحدد جدوله بموعد الجيه
==============
صرت انته سوالفنه وحچينه
وعليك بخير صدگني حچينه
حبيبي ارجوك جاوبنه حچينه
من تزعل تضيج الروح بيه
==============
أريد الياس منك ياسه ياسه
وهذا الگلب صدگ ياسه ياسه
ردت تحچي بسياسة ياسياسة
سايستك گبل دگيت بيه
==============
عليك القيت حجة والقي يامه
يامه براسك احچي والقي يامه
تدري الحشر يمته والقيامة
القيامة الحشر من تزعل عليه
==============
عذاب الروح إنتي وانتي صحتي
ولامره نصحتچ وانتصحتي
بعدني مالزمتچ وانتي صحتي
وگلبتي الدنيه والوادم عليه
==============
يدهري اشحصلت منك بس الداي
عليه محورب وتهدم بسداي
آنه التدخل الوادم بسداي
صرت وحدي وادور سد اليه
==============
أنه المجروح من ناسي وخلي
واجيب الملح لجروحي واخلي
راح افتح قفل گلبي واخلي
كلمن مابچه يبچي عليه
==============
ترص ايدك واعاني من رص يدك
وانه الصياد واحلم مرة اصيدك
إذا سنتات ظلن من رصيدك
دخيلك بالچذب رمش عليه
==============
ماشاء وأظن اليوم شالك
وعلى راسه أحس الگلب شالك
على شعرك لون ذبيت شالك
تذب عالروح طرگاعة وبليه
==============
گلبي صار بسمك يعني مالك
وشنهو اللي بقالي عندي مالك
عشت بقصر حبك وانته مالك
ورضيت بجورك وظلمك عليه
==============
عرفتك واعرفت لغزك وحلاك
وحگ من جملك يسمر وحلاك
چذب من ايدي اهدنك واحلاك
لأنك روح وفراگك منيه
==============
التفت ليه بسهم عينه رماني
متت چن من جبل عالي رماني
حلو وفوگ القهر لابس رماني
شفته وطحنه انه وروحي سويه
==============
ترف نعجز ولانگدر نصف بيك
وربك بالحسن كلش نصف بيك
نص بيه صفه گلبي ونصف بيك
وضل يون عليك الباقي بيه
==============
يروحي بطلي المعاشر وعودي
سباني ونحل اعظامي وعودي
آنه الماخنت مرة وعودي
عجب ليش الحبيب ايخون بيه
==============
عجيبة تريد تنساني وانه اسلاك
أظنك لاگي من غيري ونس لك
أريد اعرف شنو أصلك ونسلك
وشنو إنته يبو اطباع الرديه
==============
شمالك ياضعن بهواي شتيت
أنه شمالي واهمن بيك شتيت
ان چان انته بقميص الصيف شتيت
أنه مصلخ شتاك المر عليه
==============
وحگ رمضان واشرافه وكتبه
عليك ايهل دمع عيني وكتبه
أنه شماريد أهم خطك واكتبه
شدهني جفاك من غصبن عليه
==============
يامن بالگلب والروح حليت
اجرعت مر الصبر وهواي حليت
الك چم مشكلة ياحلو حليت
وهواك المشكلة الصعبت عليه
==============
قرص نعناع خدك وانته هيله
الحسن بس لجنابك وانته هيله
تراب اللحد بيدك وانته هيله
ويظل اسمك حلو وغالي عليه
==============
حاير واطلب لدربي دلاله
وكتي بنار خلاني دلاله
يربي اشلون مرمرني دلاله
تهت وآنه الدليل اشلون بيه
==============
سواطير النوايب ثارمني
ويريد الوكت ياخذ ثاره مني
حبيبي الصوچ كله ثاري مني
بريء انته واذب الصوچ بيه
==============
أجيلك عمر يسمر ماتجيلي
وثياب الحزن ضاگت ماتجيلي
گضت كل الرفاگة ومات جيلي
وبقيت انته وتشح وصلك عليه
==============
أطب جنة عدن ياترف فرضاك
ولو تزعل ترض كل عضم فرضاك
إذا ربك يحلل علي فرضاك
أصليلك قدر واكثر شويه
==============
حبيبي شلون ما احبك ولابيك
وامك ماتحن مثلي ولابيك
عساهن بيه لوعاتك ولابيك
ويحول كل مرض منك اليه
==============
غيابك خلخل اعضامي وهدهن
واجر حسرات ببعادك وهدهن
إلي دمعات لو أبچي وهدهن
تفيض اليابسة ونغرگ سويه
==============
شجاك شغيرك عني ولاهاك
وحگ رب البشر كلها ولاهاك
بعد شبيك ما اگلك ولاهاك
ولا اريدك تجي وتسأل عليه
==============
گلبي انته ملكته وانته حربي
عليل وطبي عندك وانته حربي
كاس السم أشربه وانتحر بي
إذا غيرك يمس اطراف اديه
==============
ردت طيفك بيوم يلوح مالح
وطعم فرگاك صار هواي مالح
بعد ما ادز رسالة وبعد مالح
لأن كلما أدز مترد عليه
==============
دليلي بيدي اشلعنه واسلمه
لحبيبي اليحفظه ربي ويسلمه
ومثل ماحب عمر بالفلم سلمى
أحبه وبعد أكثر أنه شويه
==============
تمنيت الزمن يرجع وردكم
واظل يمكم أشم آنه بوردكم
إذا يحباب مرسالي وردكم
فرد مسكول دزو انتو اليه
==============
إلك گعدة بدليلي ودار من دار
وعلى غيرك حبيبي النظر مندار
أفرش روحي الك والگلب مندار
واذا مو گطن أصلي اعتب عليه
==============
مرتب ماشفت مثلك ولاصاك
ياهو الخربطك عني ولاصاك
بديه مذبحت أحد ولاصاك
ولجل عينك لصك روحي بديه
==============
تلمع شفة اوليفي بلابل
شفته وشفت كل ربعه بلابل
گالوا حلو گلتلهم بلا بل
رهيب وكارثة ونقمة وبليه
==============
حته اسمي نسيته بيوم شفتك
وگلت لگلبي فكني وگال شفتك
أخاف النحل يلتم فوگ شفتك
يشوف العسل حسباله خليه
==============
اضعفت ماواحد بربعي گواني
وشلت حملي على اچتافي گواني
أموتن جوع وابقه البس گواني
ولا فد يوم امدلهم إديه
==============
افلست وآلامي هاجت والصخونه
بوصخ لفلوس هلبت وصخونه
يهل رايح لخونه وصي اخونه
الخوة الصدگ خوة بلا وصيه
==============
الحزن من زغر سني لازماني
وعهد ويه المدامع لازماني
لاولفي رحمني لازماني
مصبر عالجرح والبيه بيه
==============
حرت ياهو النچزه والنظيفه
بسبب خبطت الوصخة والنظيفة
صفه حتى النزوره والنظيفه
يذب شكواه قبل الجودلية
==============
هاك اخيوط روحي هاك ابرها
ولو صاير بحرها وهاكبرها
إلك حسرة بدليلي هاكبرها
علي ثگلت مثل ثگلك عليه
==============
الگلب من ساعة الحبك هلك ليش
أحچي اوياك ماتحچي هلك ليش
اقتنعوا كل هلي بحبك هلك ليش
ماقنعوا بحبك ليش اليه
==============
بليل وصبح طيفك لازماني
طحت لنته ارحمتني لازماني
شوكت تدريني اشوفك لازماني
أصير اجنازة بلچي اتمر عليه
==============
حبيبي اخلاف عينك مالمعنه
واسألك هذا گلبك ماله معنا
الحچي كله بغيابك ماله معنى
لأنك بالكلام اتذوب بيه
==============
أعد اجروح گلبي مايه عدي
ولهسه الفرح صدّگ مايه عدي
أگل للحزن عدي مايعدي
يدوس اعله الجرح ويعم عليه
==============
ماشايف مثل شكلك ولاماس
إنته اللا ذهب مثلك ولاماس
أنه المابيه نص طگه ولامس
صرت مجنون من نظرك إليه
==============
هوينه ومن هوينه منهوينه
غشمة وماعرفنه من هوينه
اليوفي بالمحنة من هو وينه
إذا تلگا أگص اثنين اديه
==============
أنه الماعوف شخصك أبد متراك
وتعمه العين لو فد يوم متراك
شريته بروحي لو ينباع متراك
وفصلك ثوب لايگ بس اليه
==============
سفن حبي بشواطي الروح شرعن
ولجل حبك أمشي الگلب شرعن
ردت مذهب يخلي البوس شرعن
واذا ماكو أرد للجاهليه
==============
وحگ رب التعبده الناس واحد
حبيب الگلب موش اثنين واحد
إذا للصحبة ردت اختار واحد
أختارك إلك وانسه البقيه
==============
أريد اگصد لعد گلبك وظيفه
وحط حبي على حبك وظيفه
إذا صار العشگ يمك وضيفة
فلا أطلع تقاعد للمنيه
==============
صرت مو بس حبيبي قطعة مني
وگلبي بسيف رمشك قطعه مني
لأن لحظات هجرك قط عمني
يرد الشوف لو رديت اليه
==============
يگلبي شبيك عالمحبوب حنيت
نسيت اجروحه منها الظهر حنيت
دشوف آنه بفراگه الإيد حنيت
واهلهل گمت من يبعد عليه
==============
يگاطع بالهجر الارحام وصّل
ومد اجسور للصوبين وصل
لعگرب لا تأمن يوم والصل
يلدغك لو چنت له بيوم اخيه
==============
ترف يامن ضعنكم مر علينه
هجرتونه وجفاكم مر علينه
احلفت مهما الزمان ايمر علينه
منسه ايام عشناها سويه
==============
عگدت الگلب وسط الشوگ باسلاك
ونذرت العمر ويه الروح بس لك
أحبك لاتفكر يوم بسلاك
أنه بنومي ويمر طيفك عليه
==============
سواد العين بعدك سال مني
وعذولي من المكابر سالمني
هواي چفوف بعدك سالمني
ولهسه ونار چفك بين اديه
==============
بدو من حچو بالزينة بدوني
وماني بصحبة الصاحب بدوني
دروح وشوف دنياتك بدوني
يمسك ضيمها وترجع اليه
==============
هفت نور الليالي وعلي ظلمن
وبعد ما دللني سنين ظلمن
هذا الطاح حدري منين ظل من
طلع ظلي وسحگت آني عليه
==============
ألف الدنيا كلها وماتلفني
عنيد وغير شخصك ماتلفني
عمت عين المنية الماتلفني
لأن فرگاك حيل اثر عليه
==============
أريد اكتب رسالة بحبر من دم
على العمر الكضيته اوياك مندم
شما ضحيت للطيبين مندم
أندم على الأخو اليگطع أخيه
==============
عملاق وجبل والباقي دگ دگ
مايرحم خصم بالگول دگ دگ
وشم عالإيد آنه اكتبت دگ دگ
مشجع برشلوني للمنيه
==============
نذرت الروح لعيونك وعدلاك
ومامش بالخلگ مثلك وعدلاك
إنته او لا عوج منك وعدلاك
شعدل بيك يالروحك أبيه
==============
من زغري افگدت ملگاچ يمي
واحن واشتاگ واتخايلچ يمي
نساني الفرح بس الحزن يمي
وگطع بيه أعز الناس اليه
==============
العطش مرسوم بعيوني وشفتي
وشگول اعله العشگ وهله وشفتي
أضن للدار زرتيني وشفتي
لكل اهل العشگ داري زهيه
==============
حبيب الروح طبعه حار شطة
وانه غرگان كلي بماي شطه
أگلها انطيني مي تنطيني شطة
شربته و ماردت تزعل عليه
==============
صرت عطشان حبك وانته كاسه
العشگ بعدك خسارة وانتكاسة
بطولة عشگ سوو وانته كاسه
وربحتك وحدي وارفعتك بديه
==============
حياتي بدون شخصك شلي بيها
وجميع اعظاي صارت شلة بيه
توديلي رسايل شلي بيها
ردت شوفتك والگعدة سوية
==============
مو مرة ولا مرتين مرات
أحاچيك وترد زعلان مرات
ضوگني هواك سنين مرات
وهذاك انته العزيز اتظل عليه
==============
ترف حسنك فريد وماتتمه
يشح وصلك عليه وماتتمه
صرت مثل الرضيع الماتت امه
يتيم ومنو مثله بهالبليه
==============
يريت البيك بيه ايصير لاباك
ولا اشوفك أبد مهموم لاباك
لا أمك عليه تحن لا باك
عاين هالغرام شسوه بيه
==============
ترف شامة اعله خده بيره بيها
وجنته الدمع حافر بيره بيها
ضگت طعم الشفايف بيرة بيها
بستهن والسكر بين عليه
==============
احباب الروح گلبوا فرد گلبه
اوكتنه بلون نص الليل گلبه
دفعني وانگلبت شلون گلبه
سحگني ومن عثر ظل يسب بيه
==============
غزل عينك رهن روحي وجرها
وشعل نيران البگلبي وجرها
أريد اتمسك بشفتك واجرها
حته انقل ذنوب البيك اليه
==============
مثل جنح الفراشة اشفاك وارقه
وربيع العمر منك راد ورقة
إذا بوسة حبيبي انطيك ورقة
واذا حضن بحضن دفتر هدية
==============
بعد ماأصطبيلك وانتبهلك
واحذر حيل مني وانتبه لك
أنه بأهلي أزامط وانته باهلك
واذا أهلك زلم هدهم عليه
==============
يربي لو نخاك العبد عينه
سودة وماتحب الكحل عينه
رفع طرف العباية وشفت عينه
وشفت ميزان ونجوم وثريه
==============
غرف رمان بخدوده غرف تين
ويريت اغرفلي من حسنه غرفتين
دأجر مشتمل گلبي غرفتين
والإيجار بوسة بكل مسيه
==============
شفت شمس وگمر يضوي خلالك
ربك من وجه يوسف خلالك
تنحه الحسن عن عرشه خلالك
لأن شافك صبح وكت المسيه
==============
يجي يوم وتشوف انجوم ضهرك
عجب گلبك چذب مو مثل ظهرك
أنه بشدتك چنت حزام ظهرك
شعجب گدامك يطعنون بيه
==============
عيوني من الدمع جفن وغارن
واحب الخيل لو ركضن وغارن
واموتن لو تحب غيري واغارن
واغار من الهوه اليدخل الريه
==============
يلايم لاتلوم النفس خلها
وعساها تموت عگب فراگ خلها
لزم إيدي الطبيب وگلت خلها
الألم داخل مهجتي شلون بيه
==============
حزن دنياي تمطر ماصحتلي
وردت فرصة أشوفك ماصحتلي
وگفت اگبال عينك ماصحتلي
وصحتلك مادرت وجهك عليه
==============
تظل صاحب فضل وشكبر فضلاك
وخلگي مافضه لغيرك وفضلاك
أميزك عالخلگ كلها وافضلك
وبسمك أحترس صبح ومسيه
==============
خلافك بعد أسمر من ونادم
ومتحسر على شوفك ونادم
عيون الناس مي تجري وانا دم
بچت عيناي من فرگاك اليه
==============
حرام الدمع ينظم شفت اكته
إلك يالتيهتني شفتك أته
جمر حرگتلي شفتي شفتك اته
جهنم بيك وآنه ابليس بيه
==============
صحبتك ليش گصرت ما طلتها
وانه الدنية اعله مودك ما طلتها
چنتلك فرصة سهلة ما طلتها
اخسرتني بسبب بطرانك عليه
==============
صفه گلبي و گلبك ليش ماراق
وعجب گلبك صدگ لليوم مارق
گلبي من تزرفه بسيف مارق
شجاه يصيح زرف بعد بيه
==============
صديق الفاضلك بالطيب فضله
ومثل ما فضلك عالناس فضله
اشكره ومو جزاته انكار فضله
يجيلك يوم هم تحتاج فيه
==============
يامن فارگت شملي وشملاك
اسمعني والحچي يخصك وشملاك
إذا غيري وصل خدك وشملاك
حرام يبوس خد الچان اليه
==============
گلبي ما لعب غيره لعابه
واحسن شفه لأمراضي لعابه
سبحان الذي صاغه لعابة
ونفخ بيه روح حته يعم عليه
==============
عيون الگلب يوم اجفاك يدمن
عفتني وصافحت ياترف يدمن
أنه المثلي على الحسرات يدمن
عسه أنسه هواك اشعمل بيه
==============
سچاچين الوكت بالروح بردن
واحس الجسم وكت الصيف بردان
انه بردنين رحت وأرد بردان
واخاف الغربة تاخذ حتى اديه
==============
سهول الناس عندي وانته راسي
سفن غرگن ابحري وانته راسي
صديقي انته واخويه وتاج راسي
واعز منك تره ماكو عليه
==============
أفرح لو شفت وجهك وسر بيه
وحبك ثابت بگلبي وسر بيه
شما طال الدرب أمشي واسر بيه
واجيب الروح لعيونك هدية
==============
گلبي شم عطر خدچ وراساچ
وعلى مرسى العشگ حطچ ورساچ
أحلف بالغزل واهله وراسچ
معوفنچ لون تدنه المنيه
==============
أساس بعشرتي وياك صبيت
وجنني الهوى وبالشوگ صبيت
إذا إنته عليه ادموع صبيت
بچيت اعيون من فرگاك اليه
==============
رد مع اقتباس
المشاركة الأصلية كتبت بواسطة حيدر الغديري
الرؤؤؤؤؤؤؤؤؤعة في تواجدك
