. ......الرساله..........
قالت؟؟ بعد ان تركته يعيش في عالم لم يكن يرى فيه احدا الا هيه؟
...شلونك رغم كل المشاكل والظرف تبقه انسان عزيز عليه وضال بالي عليك شخبارك
.............الجواب............
عايش بس جسد من يوم الفراك
عذاب المر علي بلنار ماموجود
حشمت الفرح بس مافزع وياي
غير الحزن واحد ماشفت بي زود
كبل بخدودي جان من الظحك رصعات
بس هسه الدمع شوه شكل الخدود
صحوة موت عايش ماطبكت العين
متأمل اشوفك بلكت الله تعود
ممصدك !!! تعال واسأل انته الليل
الخلص عمره سهر عنده الليالي شهود
والله الليل سهله يمر علي ويروح
المصيبه ايامي بعدك كلها صارت سود
مو تدري الدمع يشتعل من طاريك
عليش اتجيب نار تحطها يم بارود
مثل بلبل جنت عندي الطرب مطلوب
بس هسه العكس صار الحزن مريود
لان روحي ورد من عندي اخذت الروح
خذت منها الورد وتردها شوك وعود
تدري من اذكرك اتبرغث اعلى الكاع
مثل شوغة حمام بتفكة الصايود
كصر جفي اعترف بس مشتهاتي تريد
طحت وما ظكت عنبايه ملعنكود
خطيه شكد تعبت واخذ تعبي الغير
لابو المال الربح والتعب للجادود
طريق البي مشيت وكتلي كلشي يهون
من خلصت عمري اتكلي رد مسدود
مشيت وايدي بيدك بس رجعت وياي
فشلتي ومستحاي وذلتي بيه تكود
كل شده التمرني يجوز الها حلول
لكن شدتك بيها البخت معكود
الماعنده وفه بلدنيه عاش بخير
والطبعه الوفه عاش العمر مكرود
رد مع اقتباس
المشاركة الأصلية كتبت بواسطة ذكريات الماظي
