ليش اتعوف روحي الحبتك جاليش
وهاي الجانت بكل حين تبرالك
هاي الفضلتك عنه وبكل حال
تترك حاله وتهتم لجل حالك
انه الجنت اشوفن صورتك بالناس
اذا الله صور بعيوني سوالك
انه تنازلت عن كل حصه الي وياك
وجيبنه بدي وشمره بسلالك
انه النزل دمعي من جفيت ياي
الهجر بيده خنكني بلفت حبالك
انه الجان بالي الحاطلك تمثال
وفكار ي تطوف ازور اتمثالك
انه حتى خيالي وياي ماموجود
افكدنه ودوره مرافك خيالك
انه بالك جنت واعترف والله بهاي
بس هسه اعتقد شايلنيمن بالك
اصوملك حزن وتكلي اجيك اهلال
اشو شهرين انطر ماجه هلالك
ليش ابيدك انته التجرج الدلال
وانه الجنت اداوي جروح دلالك
وتحط بعدك جبل كدامي عثره يصير
وحسبالك اطيح بهاي حسبالك
صحيح اني احبك لكن اتحداك
ماتكدرلي اعبرك انته وجبالك
وكلبي الحبك انته وماوفيت وياه
وداعا ياحبيبي اليوم غنالك
رد مع اقتباس
