شكثر مشتاك بس كون اكعد وياك
وسولفلك علية وانت تسمعني
وشكثر عندي كلام مسامر ونظرات
اراويك الغزل باوصافة العندي
تعال شبيك خل نفضفض الكلمات
لان صار الكلام وياك متبدي
عسل طرواك زاد وفاض بية الشوك
ونظراتك عليّ سهام وتعدي
انة باول غرام وتيهت ماريد
منك من تجافي شلون وبصدي
تخليني اجر حسرات من تروح
واظل بدموع عيني يحركن بخدي
يا اول غرامي شبيك اخذني وياك
اخذني ولاتردني شفافك تندي
اريد اشبع رشف بشفافك الحلوات
جنت صايم عليك وعيد ماعندي
دخليلك عليّ خط رجعة من تروح
خاف تروح مني وابقى انه لوحدي
شسويلك فديت الروح لاجل خطاك
وكل خطوة بغرامك تاكل بجبدي
ما معذور لو رايد تروح ابعيد
بس معذور اذا مريت متعدي
رد مع اقتباس
