عكب عينك بعد بطّلت ما احب عين...
أحبهه وتالي شامت ينعجب بيهه...
كمت ارسمهه بيدي حتى خاف اتضيع...
ما ادوّرهه واسأل...ضاعت... ألكيهه..؟؟؟
أنه اعاتب عيون الجذب مرسومات..
أعاتبهن ابصوتي ودمعتي ابجيهه...
ما اعاتب عيون الصدك بالبسكوت....
وابجي ابسدّ ضحكتي ودمعتي اخفيهه...
ما أنكر ...حجي عيونك قصايد ((جان))....
حافظ كل صوّرهن عالملا القيهه....
بس لا ...هسه من الكه ابوصفهن بيت...
عن كل القصيدة اتنازل ...أنطيهه...
أنه جّويت اصابع قلمي حتى انساك...
إذا ذكرتك روحي ...حالف اجويهه...!!!
ولو نص القصيدة طاري عينك صار ...
بس طلبوهه مني ومجبور ...احجيهه...
رد مع اقتباس
