شكًد احبك ياوطن
ـــــــــــــــــــــــ !!
آآخ لوتدري بمحبتك
بيش اشبهك بالبحر ؟
لو بالشمس لوبالكًمر ؟
واني بين الغيم وامواج البحر!
... مرّه غركًان بمحبتك مره خايف
جي جنح مني انكسر!
..ومرّه صاعد للنجوم بشوكي طايف
ومن يمر جرحك عليه
بحسره يكتلني القهر!
..شرد أكلك اني آسف
وطن من فدوه الحياتك
والله أحس تكتل حلاتك
وانتَ مرّك هم حلو
..ومن أضوكنّه قطايف
واحلى من طعم العسل
وآنه بس وياك يحلالي ألغزل
امنيتي اكتب ياعراق
بدمي وبشرياني اخطّه
لكن جروحي جثيره وانت شايف
حبي ثابت !
!
مايه صافي ياوطن ياهو اليخبطه
رد عليه شبيك ساكت !!
ليش سنطه ؟؟
شبيك صامت؟
..يل هدوئك يترس السكته سوالف
وانت صفناتك غروب
يل دمعتك جنهه شلال الشمال
ويلي عطرك ريحه من حنّة جنوب
ويا وجنتك .. بيها من بخت الشفايف
خل أحط شفتي اعله شفتك
..لا تفشلني أعله بختك .
. أني حالف
ويل عطائك نخله برحيه وشباب
وياسعفهه ! الصار للعفه حجاب
عدهه قانون العطاء وماتخالف
حره بنت شيوخ هيّه ** طيبه نخلتنه ألأبيه
أدّوخ بعيون العراقي من توالف
وعألأذيه شكًد تسامح
احنه علّمنه النخل هذا الشموخ
ومن يموت يموت واكًف
مايموت وهوَّ طايح
هيجي احبك ياوطن واكثر بعد
وباقي حبك للأبد
بيش اوصفه وماله حد
وآنـه كاتلني الحنان
وابقى اناطر ياوطن مالحظه أمل
بشوكً وبروحي أمل
بلكت يعوود الامان
واحلى من اليوم غد
وآنـه حالف !
وانه ناذر
الا ابوسك بالشفايف
ويصلح المعطوب بيك
للأبد مايبقى تالف
ـــــــــــــــــــــــــ ــ
رد مع اقتباس
المشاركة الأصلية كتبت بواسطة sawsanmahmoud
