(مو جـــديدة )
أعترفلج يلحنونة هذا حبج ما نسيته
حتى دربج ما نسيته
سألي ذرات الرمل فوك الطريق
هي تدري شكد بجيت
وحتى من دمعي النزل كاتب قصيده
وانتي ما مجبورة
للرجعة لكلب مات اشتياق
بس ردت منج لقاء
بيه اوظح معنى حبي المنكتب
تأريخ .. بأوراق .. وجريدة
ومو جديدة
هذا شوكي وهذا حبي
اني من دونج صرت كومة خيال
غاب صوتي وصورتي وجيتج تعيده
وصورتج عندي وطن ضايع اريده
من اريد أوصف عذابي
وحيرتي وجل اكتأبي
عيوني ما ترحمني ابد
وتنزل أدموعي نهر يلحك طريدة
ومو جديدة
حالة تكرر اذن !
يعني من فترة بعيدة
اني صحرا وبس خيالج
يروي كاع أتعلمت تشرب عطش
من جفيتي مات كلشي
وعاشت اضنوني وعذابي
واني اسف لو حرجتج
كلبي منهو يشيل ( لو رحتي خطيته)
كلبي نار وكلبج شماله حديدة
أجروحي يمي كبال عيني
وانتي مو يمي بعيدة
الشاعر : وعد الأمير
رد مع اقتباس
المشاركة الأصلية كتبت بواسطة قوت القلوب
