يــا حيدر بليل .. . لمـن تشيعـونـي
مـا اقبل اعداي ... ياعلي يشوفوني
هم والم واهات ... منهم شفت حسرات
ياعلي يشوفوني
***** ****** *******
النص1
تدريني ياحيدر اشكد بدليلي احزان
عاللي ظلم حكك كلبي اشتعل نيران
عاللي ترك شورك وراح اتبع اوثان
تدفني اريـــدك ياعلي ابلا عنــوان
****** ***** ******
لونامت العين ... ادفني وحدك
وانت يبو حسين ... نزلني بيدك
خل كبري يبقى اثبات ... منهم شفت حسرات
ياعلي يشوفوني
********* ********** *******
النص2
وصيتي يــاحيدر تــدفني كـون بــليــل
وما يحضر الدفني المنهم جرعت الويل
وغسلني بجفوفك برقة لاتـغـسل حـيل
اضلاعي مكسورة احذرني من تشيل
******* ****** ******
ظلعي يكرار .... لالا تصلهه
وولادي بالصار .. لالا تكلهه
يمهم ياحيدر بات ... منهم شفت حسرات
ياعلي يشوفوني
***** ********** *******
النص3
وداعا ياحيدر هاي النهاية وياك
ما اكدر اصبر لوما شفت عيناك
ايتامي ياحيدر بعدي تظل بحماك
لاتكسر كلبهم يالغالي اترجاك
****** ******* *******
زينب يبوحسين .... جيبله كافل
كون اسمة عباس .. للغيرة شايل
بالطف الة وكفات ... منهم شفت حسرات
ياعلي تشوفوني
بقلم الشاعر زين المواسي
13/3/2014
رد مع اقتباس
