ام فقدت ابنها باالانفجار
يوليدي احبك وانــــــــــدعيلك
ومن تطلع اظل ملازمه الباب
واتنطرك ترجع يــاضوه العين
ومن تبطي عليه الكلب ينصاب
واني ابين حســــراتي والهموم
ولن تفجير اسمع من الارهاب
شطت لله اركضت ما ادري ليوين
احس حيلي نهدم مني الكلب ذاب
ولن شبان اجـــــو ليه يركضون
يم الولد عـــــن عينج كمر غاب
راح الجــــــان يرعاج ويباريج
شما حسبتي منه ضاع الحساب
ومن وصلت شفت الجسد ممدود
تمددت عله طوله وصار العتاب
يل الغالي رباي يضــــيع وتضيع
وتركت احزان لامك واسود سلاب
جاهذا الذخـــــــــــــرته يبني للشيب
وانه الخلصت عمري وياك طلاب
اريدن هيــــــــــج منك كتلي ممنون
تالي عل الكلـــــب خليت عطاب
روح مودع الله وبلــــــكي وياك
من تغيب اغــــيب بنفس الغياب
يل التدريني ما اصــــــبر بلياك
اريدن غيبتي ووضحت الاسباب
عساهه ابخت كلمن صدرالموت
وعساهه ابخت كلمن صار الاسباب
وعساهه ابخت كلمن جابلك هاي
وعساهه ابخت كلمن باع الاركاب
شيبني الوكــــــــــت يوليدي تدريه
ويعين الله اللي تفكد هل الوكت شاب
الشاعر سيد كريم السعبري
رد مع اقتباس
