ركـعـات الشكـر اركـع ** مطيع وبس الك اسمع
شمسك يا وطن تسطع ** مـشتـاق والـك ارجـع
احبك يا وطن بجنون .. يانور وسكـن بالعيـن
يالماكو الجمال البيك .. وين الاحله منك ويـن
بحساسي تضل مرسوم .. راسمك ربي الحنين
يا صورة فرح بالكون .. اسسك علي بالديـن
صوت السكن كلـبـي ** عراق وبس الك حبي
ماأمل ياوطن واجزع ** مشتــاق والـك ارجـع
بسمة حياتي يا عراق .. يا وطن اصلك عـلـــي
مـشـتـاق الـك مجبور .. يـاوطــن انه اعــتــنـي
احبك واليحب مجنون .. وبنورك يـاوطـن اصلي
وبسمك يحله وجداني .. وانـه بـغـيـرتـــك انــي
يـاصـورة مــن اللـهَ ** بـكـلبـي مـــن خــــلاه
بـشـوفــتــك اطــمـع ** مـشـتـاق والك ارجـع
يا اجمل حسن شايل .. وحسه بوجهي مـرســوم
وطن انته يا غالي .. واليـحـبـك امـره مـحـتــوم
شلون اوصفك يا وصف.. وخالقك ربي القــيـوم
وجهك ونور الشمس .. وبسمك تنادي الـنـجـوم
شلون بجماله شلون ** اشــتــاق الـه بـجـنـون
وأحـبـك حـيـل وقنع ** مــشـتـاق والـك ارجــع
هذا نهجي الما أمله .. وهو ركن ومقام
مقام والربي سجوده.. بكل صلاة وكل سلام
احنه احبابك ننادي**بالفعل مو بس كلام
غرامه من كلبي يدر .. ومن يدر مو بس غرام
نسمات العشك اشتم وبزود الحبيب انعم
اسمك بحروفي انطبع مشتاق والـــك ارجع
رد مع اقتباس
