كيف التخلص من خدمة على شبكة -مو- زين للاتصالات
السلام عليكم ورحمة الله وبركاته ..
أُقحمت في خدمة على شبكة (مو) زين العراق للاتصالات.. والطامة الكبرى هذه الخدمة خاصة بنصائح تقدم للنساء(( ياشماتة ابلة ظاظا فيا)) ومن هذه النصائح قدمت لي كيف احافظ على قوامي ممشوقا تصوروا (( اكرع وكرشة نص متر كدامه وشلون يكون قوامه ممشوق )) جديات مو شقة لا وشلون استقبل رجلي وما اغثة من يجي من الشغل وخصوصا على الغدا.. طبعا هي هاي صدك ماكو طلابة طايح حظهه الا من ترجع للبيت وروحك طافرة ويصبولك النعمة وتشتغل رحمة الله عليك تكول مقبلات.. طبعا افضل طريقة للترشيق .. المهم ارجع لطلابتي..
دزيتلهم صفر للخدمة جاوبوني انت غير مشترك باي خدمة وشفطوا الفين دينار ثاني يوم دزولي رسالتين بمكان الرسالة .. هم دزيت صفر وهم شفطوا ما ادري شكد.. المهم ماكو فائدة كل ما ادز صفر كلما يكولولي انت ما مشترك وثاني يوم يدزون الرسايل ..
هسه اني اخاف المرة تطلع على هاي الرسايل وتخرب ضحك عليه .. مو كتلكم يا شماتة ابلة زازا فيا؟!
المهم بعد كل هاي الرطينة ودوخة الراس ..
على من يجد في نفسه الكفاءة الفنية والعلمية والادبية والقانونية وكل الكفاءات ان لايبخل على عمكم ويخلصني من هاي الطلابة ..
مشكور سلفا ومقدما وكبل كل شي..
رد مع اقتباس
