هنا

[عادل الابراهيمي]

حديث لعجوزتنا المرحومة من چنه زغارخصوصا من نلتم داير مداير الصوبة بالشته :
يمّة لاتخلي فتحة الكتلي گدامك تنفتح حلوگ الناس عليك وبعد متخلص يومية يتهموك بشي وانت غافل..
تفسير ذلك ..حتى لا تصاب بحروق نتيجة اندفاع الماء او البخار بسبب غليانه وخصوصا اذا كان ملآن..
شفتو شلون تخوفنه البيبي او العجوز بالبيت وتقولبنه الموضوع بقالب اجتماعي وهو فتح حلوگ الناس علينه ..

[محامي الحب]

الاخ الطيب بريق الماس
منورنا بالحضور هنا

[محامي الحب]

صدك اريد أعرف ليش الشباب مياكلون حلال المشاكل
جنت كلما اريد امد ايدي الحجيه اتكلي هذا حلال المشاكل بس للبنات
أدري بس البنات عدهن مشاكل واحنا مو خطيه ,, ههههه

[الدمعة الحرة]

ههههههههههههههه

محامي من صدك هاي مال حلال المشاكل منو قالها..<< عجايزنا يشيلون للشباب وللذكور عامة قبل لا ينطونا..

من فقه العجاجيز ان ميصير الوحدة اول ما يعقدون عليها ..> يكتبون عقد زواجها يعني <تدخل مقبرة.. الا بعد 40 يوم والا سوف .. تصاب بضر.. او تنعاق.. يعني ما بتجيب اولاد..

[qas!m]

من فقه العجائز
1- سمك الجري حرام ... نعم ....والسبب لانه خبط الماي عندما اراد الحسين (ع) ان يشرب منه
2- النبكة(( شجر السدر)) لا يجوز قطعها الا من قبل سيد...لانها علوية
3- اكل السمك يوم الاربعاء يزيد في الرزق
4- البنية اللي سنونها متفاركة هاي عينها تحسد .....وطبعا كلما اسمع هاي الحجاية اتذكر المذيعة العراقية السابقة عهود مكي
5- لا تحرق المكناسة.....لانه ما يصلح

[محامي الحب]

متالقنا نيو
نورتنا بالاطلاله باكثر من مشاركه جميله
لاتبخل بجديدك هنا
خالص الود والتحيه

[محامي الحب]

من الفتاوي المتوارثه لعجايزنا
أذا اكلت التبسي لاتبدي من النص او التمن حتى لفه الفلافل لتعظها من النص واذا اكلت رمان لتبقى من عدها شئ ؟؟؟؟؟
ليش مندري

[محامي الحب]

من سرد وروايات الفقه الشعبي لعجايزنا الطيبات
يمه لتروح بوحدك للشط لو لتنزل من السطح ابكيفك تر اكو طنطل يطلعلك
ولتروح لشط ابوحدك ترى تطلعلك السعلوة هية خطيه بتها ضايعه وادور عليها

[محامي الحب]

لازم سوالف العجايز خلصاً .......

[مواطن عراقي]

من سوالف الخاله ملكيه
خالة ام عبد الله

راحت ببيت كرايبهم واتغدت يمهم فشافت بالاكل خالين ماعون بيه معكرونية ملونه الوان الوان
(طبعا موجودة بالاسواق اكياس بيها معكرونيه ملونه جديدة طالعه)

فالخاله ملكية تعجبت بس ما كالت شي
ومن رجعت للبيت هدت على جناينها : شوفن النسوان شلون معدلات صابغات المعكرونيه وحده وحده

وفي اليوم التالي ذهبت الخاله ملكيه الى سوق السراي
واشترت من العطارين ملونات غذائية احمر واصفر واخضر وازرك
ورجعت للبيت وكالت لجنتها : يلا تعالي جيبي المعكرونيه خلي نصبغها
وكضت النهار كله تغلي شويه شويه بالجدر وكل مره لون شكل

وهكذا الى المغرب
وعندما رجع الاولاد من الشغل مساء قدمت لهم مع العشاء المعكرونيه الملونه
قائلة : النهار كله اني اطبخ بيها والله تعبتني
فقال لها ابنها : يمه لويش ؟
قالت : ابني مو صبغتهن وحده وحده

ضحك ابنها وفي اليوم التالي احضر لها كيسا من المعكرونية الملونة من الاسواق
مما اثار عجبها وقالت : يعني هي هاي جاهزة مو تنصبغ وحده وحده ؟
قال ولدها : طبعا يمه هي تجي هلشكل

فصرخت بزوجته : ولج فلانه انت تعرفين وما كتيلي
وعلكت

بعدين الخاله ملكية ظلت تضحك على نفسها ووين ما تروح تسولف هاي السالفه