هنا

[محامي الحب]

هاي شنو أستاذ عادل
عجايزك مو مضبوطات المستعين بيهن ,,هههههه
هاي امنين طلعتلك العمرها 110 عبالك ماكو معمرات ,,هههه

[محامي الحب]

شكرا الست دالين على الحضور القيم والطيب والاضافه الرائعه
وبنتظار درر عجايزنا ..

[محامي الحب]

الست الطيبه الحالمه
نورتم الموضوع بالاطلاله الجميله
لاتبخلو عليا بمشاركات الجديدة لعجايزنا
كل الشكر

[محامي الحب]

أبو عبد الله مواطنا الغالي
هذا من كرمك وذوقك الرفيع
نعم انها بالفعل جزء من واقعني التراثي العريق
وانها لم تنطق لو لا وجود الغايه والحكمه والفائدة

[جكليتة]

زين اني اريد اعرف هواية شغلات من عجايزنا

مثلا

لا تكنسين او لا تغسلين وقت المغرب ...... ليش ؟؟

حلال المشاكل (الجكليت ) ما يصير ياكلون منه الشباب ... سالت ليش قالو اذا اكلو منه الولد راح ينسجنون !!!!

بعد هواية شغلات بس نسيتهن من اتذكر ارجعلكم

[qas!m]

في الجزء الرابع من المجلد الاول صفحة 752 وتحت الحديث رقم 1826 في الموسوعة الموسومة (( موسوعة العجائز الكبرى )) وهذه الموسوعة مؤلفة من عدد غير منتهٍ من المجلدات ومتجدد كون الحياة مستمرة والحوادث لا تنقضي وتتجدد..
تگول عجيزتنا :
(( يمّة .. لاتخيط الدگمة وانت لابس القميص { او اي شي بي دگمة} مايصلح )) من حيث لييييش ؟؟
آني اگلكم ليش : حته الابرة ما تنغرز بالصدر او بالبطن او باي مكان اخر وتؤدي الى اصابة في الجسم..
هذا حديث توجيهي صحي يحافظ على السلامة من قبل الحجية المسنة في البيت وطبعا وجودها - على الرغم من نحاسيتها وما الهه خلگ عياط الزعاطيط - بي كل الخير والبركة وتكون خيمة على اهل بيتها.
محامينا الحبيّب احلى تقيم من ادنى صديق ..
برعاية الله وحفظه..
لا تنسوني بالدعاء

عزيزي استاذ عادل ما سمعته انا عن هذه الحالة من عجائزنا رحم الله الماضيات وادام ظل الباقيات
هو ان من يخيط دكمة الثوب وهو لابسه ......راح ينعكد....ليلة زفافه.....

[fairy touch]

من فقه العجايز اللي اسعفتني بيه الذاكرة ....انه البنية لازم ما تاكل من جعب الجدر ....يابة ليش؟...حتى لاتتزوج بيوم مطر ....واللي تصير وتتزوج بيوم مطر اكيد اكيد كانت تحب تاكل من جعب الجدر .(مثل بت جيراننا المسكينة ...شلون زخة محترمة بزفتها )

[بريق الماس]

السلام عليكم
من فقه العجايز اللي اتذكرته ان العروس لازم ما تكنس بيت العريس لمده شهر لان مو خوش فال على عيالها
موضوع قيم جدا

[qas!m]

طبعا ساروي لكم ما سمعته من عجائزنا بموضوع قصص الانبياء
وهذه القصة سمعتها قبل ما يزيد على 30 سنة وهذا هو نقلي الاول لها لاني لم اكن اجرأ على التحدث بها
تقول القصة ما يلي

ان حواء شاجرة التنور وكاعد تخبز وادم كاعد يمها
وقامت حواء باخراج 99 كرصة خبز ووضعتهن امام ادم
وعندما اخرجت حواء الكرصة المائة هبت هوية قوية وطيرت الخبزة
فما كان من ادم الا ان ترك ال99 وهب راكضا خلف تلك الكرصة
وكلما اراد ان يمسكها يبعدها الهواء عنه
وجيفن هيج وليدي
شوف من ذاك اليوم لهل اليوم وابن ادم يركض ورة خبزته

[عادل الابراهيمي]

عزيزي استاذ عادل ما سمعته انا عن هذه الحالة من عجائزنا رحم الله الماضيات وادام ظل الباقيات
هو ان من يخيط دكمة الثوب وهو لابسه ......راح ينعكد....ليلة زفافه.....

اني استاذي الفاضل انطيت التفسير الحقيقي مو تفسير العجايز وگلت هذا الحديث توجيهي ..
تضعه العجوز بقالب ديني او اجتماعي او غيبي الى آخر التوجيهات الاخرى خوفا من الاصابة البدنية للاولاد..
دمت لنا اخا كريما..
برعاية الله وحفظه.