اخذ الكلب ومرخص حلالك
ولغز بيك المحبه انت وحلا لك
منهو الشفته بالعين وحلالك
تره روحك بس مخصوصه اليه
وكع ميزاني من حملك و الك دك
و كلبي المايدك لأحد الك دك
جهازي رسل من وحدة و الك دك
لأن ثنينة نحبك سوية
صرت نار بدليلي ومنك ابره
شتضن انساك انا ومنك ابره
تعال الخيط مني ومنك ابره
نخيط كلوبناا ونلتم سويه
جمــالك عذب المخلــوق صفـــين
ومن هجرك دمــوع العــين صفـــين
علينه من تمر نصير صفـــــين
صـــف ينحني وصـــف ياخذ تحيـــة
تك تك مايصيح ألكلب بس تك
وأنة عندي جنح مكسور بس تك
بس آنة طرت من يوم بستك
وطحت وإلتمت ألوادم علية
رعيتك ليش كلبك ما رعاني
ويهمك فت دليلي ومار اعاني
مره احبس بدمعي ومره اعاني
ومره تطيح عيني ابين اديه
كلبي ما رغب بعدك ولا حب
ولا فكر بعدك ولا حب
مريض انة ومااريد ابره ولا حب
بس شوفتك ترد الروح اليه
ابن عكاب انه وزودي جنابي
وشيعه وسنه فداوه الكم جنابي
ابو الغيره وعليه اسل جنابي
وافديك بروحي يالكلكم حميه
كون الي احبه اليوم جنبي
واغازل عينه وارجع اجن بي
تره مو حب الي بكلبي جن بي
خبلني يا غالي شعمل بيه
اريد اغفى اعله ذرعانك وانامن
كضينه الحب تمن انت وانا من
وحك عيناك نسيت اسمي انا من ؟
تهت ارجوك دليني عليه
عليل الجسم بغيابك واناحل
وحبال الشوك تخنكني واناحل
انت لغز بالدنيا وانا حل
ماينفهم إلا احنا سويـه
فصوص العين فص يمي وفص لك
يامن يوسف انت اصلك وفصلك
اخيطك بيدي تدريني وافصلك
واجيبك فيت يلترهم عليه
طحتلي بناس عكبك فطراني
ونهر يابس محبتك فطراني
صوتك وآنه صايم فطراني
ومن اشوفن صورتك شيصير بيه
المصايب غير شخصي فاتحت من؟؟
وسهم حبك بقلبي فات حتماً
كتلتني وأجيت تسأل فاتحة من؟؟
ولا جنك جنت جتال أليه
شفتك كمت ما اشوفن ولاحد
وخريطه عليك متكظني ولاحد
بموتك انه ما ابجي ولاحد
اريد وياك تاخذني المنيه
رد مع اقتباس
المشاركة الأصلية كتبت بواسطة Mr. Iraq
