كتب شقاوة الى حبيبته قائلا :
أتعارك ياحلو لأجلك واطگ ... طگ
وللحساد اذب حرمل وأطگ ... طگ
افرح من تراسلني وأطگ ... طگ
وأطك أصبع بس تسأل عليه
***
كتب عاشق طائفي الى حبيبته قائلا :
عمري التيهيته وضاع ... سني
كبرت وطاح من گدام ... سني
شيعي وچيف احبه صرت ... سني
وتيهت الخمس والمرجعيه
***
كتب أبو فلافل الى حبيبته قائلا:
حلو يالشعرچ مفلفل ... فلافل
وحگ عيناج عن حبچ ... فلا فل
عشرتي وياچ صمون و... فلافل
دجاج تصير ومطبگ سويه
***
كتب مصلاوي الى حبيبته قائلا:
عليهم الدمع يا عين ... كبي
وعلى غاسي الماي يا حلوي ... كبي
صوجي أنا بالليل أتعشيتو ... كبي
ما نمتو ليلي وهاج قولوني عليي
وهذه مجموعه ابوذيات كتبها اصاحب المهن
يطيبني لأن الطيبه ... جذره
وعدل هو من قالبه ... وجذره
أنا بلياك سن متأذي ... جذره
بعد متفيده حشوه دائميه
(دكتور أسنان)
گلبي عطش لأعرابه ... وضمأ
وسط كراس أحطنه ... وضمه
خبر كان صرت بحبه ... وضمه
گمت بادغام أون ونه ... خفيه
(مدرس عربي)
گلبي حيرني بهندسته ... وجبره
وعلى فراكك ولك مكدر ... أجبره
علاج العظم من ينكسر ... جبره
وكسري بالكلب شيجبره ليه
(مدرس رياضيات)
بتضاريسك زاد عشقي ... واستوائي
واختل طولي وعرضي ... واستوائي
بمضيق أصبحت على خط ... أستوائي
يل مناخك معتدل أمطر عليه
(مدرس جغرافيه)
على اليسأل عليكم ولك ... سل
وصاب الگلب بجفاكم ولك ... سل
أنگطم روط الگلب منك و ...الاكسل
وصرت شاصي من فرگاك اليه
(أبوذية فيتر)
أخذت الدوه وما اثر ولا ... فات
وبلعت كبسول بالميه ... والآفات
شديت الراس أباندج ... ولفات
بلعت (أرتين) ومأثر عليه
(أبوذية صيدلاني)
گمت أفتر يم بيته ... وحوله
وطلب رصيد من عندي ... وأحوله
تاليها اطلعت سوده ... وحوله
وفوكاها تتعنفج عليه
(واحد ههههههه)
وسلامتكم
__________________
رد مع اقتباس
