خلى عنك
توأم فؤادى
سيبه يغرق فى دلاله
يبدو ريدنا كتر عليه
والريد ده يوم يكتر مصيبه
النفوس لو زاد عليها
ديمه تتوجس بريبه
كم قلنا بتدلل علينا
يومين يغيب
و يهل يزورنا
اللهفة فى عينيه بادية
شايل اشواقه ويجينا
يبدو اننا بس غلطنا
ما فيهُ متل الباقى فينا
ليهُ حق لو فات نسانا
وما بيسال يوم علينا
احنا زودناها حبه
ب شوقنا ليهو
بحنا وحكينا
منو نتعلم ونفهم
الخُوة عند الناس وهم
والبخاوى الناس يريدهم
يبقى فى شرعهم ظلم
الخوة ريده عميقه
الا ما جبرية
شقيان البريد الناس
عشم فى خوة بالزندية
طارى الحبايب ديمه
وذكراه مو مطرية
انسى يا تومى الحنين
فى الدروس عبره وحكم
الدنيا مدرسه يالحنين
وفيها الوان العبر
لكل زول فى الناس فهم
من كل شىء يتأتى شىء
الا لاشىء يتأتى من جوف العدم
لكل شىء فى الجوف طعم
الا السراب ما ليهُ فوق الجوف طعم
بقلمى/ ودجبريل
رد مع اقتباس
المشاركة الأصلية كتبت بواسطة حيدر الطائي
