بـــارع بالغزل و احساسي مــــرهف حیل
بس الخــــــاطرک عیــن الغــــــزل تسهر
یل شعــــرک بحـــر غـــرّگ لیال السود
واســـو طل الشعـــر یتــــامل المعبــــــر
وصل حد ضي جبینــک والفجر شع نور
وجـــهک چـــن شمس مــــن اگبلت نوّر
مشـه ابساحة اعیونــــــک لیل یتبع لیل
مـا بیــن الجــفن وارمـــوشک اتعثّــــر
یـل عینــک قصائــد طشت اعلا الروح
وآنـــه الخـــاطر اعیونک للبشر اشعر
یل شفتــــک معــادن لامـــــه الیاقوت
والـــرگبـــه سوالـــف لــو گلت تکثر
یل همسک شـــعر واســـوالفک انغام
ویل ریحــــــة انفاســـک تشبه العنبر
ویل کلک ملــــح بس مو ملح مذموم
مملــــوح الــــــوصف والشافک اتحیّر
ویل صدرک جبل بس طره نهر الشوگ
والشــــاف النــهر مـــن کیفــه یتمرمر
یل خصرک صدگ یشبه خصر کارون
اخاف اوصل اجروفک والشعر یسکر
ما اگـدر اوصفک وصفي یمک داخ
ولا عیــــن الشعـــــر یمک بعد تگدر
الک انثــر ازهیري و دارمي وموال
و ابوذیـــة غرامي و هاتي و المیمر
و اختــــار الیعجبک بین هل اوزان
بس کون ابوصالک احضه یل اسمر
رد مع اقتباس
المشاركة الأصلية كتبت بواسطة ياسر الحنين
