رسالة يتيم ((( بقلمي)))
رسالة يتيم
ـــــــــــــــــــــــــ ـــــــ
زغير انة بعدني متاني العيد
لكن شرد اسولف عيدي ماشفتة
اسأل باالزمن ما رد الية اجواب
شو كضة حياتة وياي بس سكتة
فاركت انة ابوي وبيه ماحسيت
بس اذكر حنانة الجان في وكتة
ربيت ابحضن امي والحزن وياي
رد الضيم لامي العود عايفتة
عاتبت الزمان الما وكف بالخير
على الهم الولاني عود عاتبتة
زاد الحزن لية بية كام ايزيد
القدر امي الاخذهة الفرح ماشفتة
بعد ياعيد ارحل ما اريدك دوم
اتخيل انتة واحد عاف راحلتة
كبل فاركت ابوي وانتة عالابواب
في مصباح يومك انة ودعتة
هسة امي مشت جا كلي اعييد بيش
وانتة احزام ناسف بية فجرتة
صفيت ابلا وطن والغرفةباالايجار
حتى الباب بيهة ايخوف ابدكتة
اذا راس الشهر يوصل اضل مرعوب
اجار الغرفة ماكو جيبي فلستة
اعاتب ليش اعاتب والعتب شيفيد
ثق حبل العتب وياك كطعتة
خليني اوية حزني حتى صرنة اصحاب
من زغري تراني الحزن صاحبتة
بس هوة الوفالي وعاش ضل وياي
حتى انة ابوفائي وياه خيرتة
#بقلمي اخوكم الشاعر علي البدري 9/3/2014
رد مع اقتباس
