ابدمي اكتبت لجلك قصيدة شوك
يشوك الشوك انتة ونور وجداني
وبروحي القلم سيرتة عل ابيات
وضل ساعات قلمي ايخطلي عنواني
عنواني ابوصف موسهل صعب اهواي
وكل حرف الاكتبة ايغير الواني
وبكيت ابحيرتي وحيرت قلمي وياي
كتلة شبيك قلمي كلي شمتاني
ماتكتب يقلمي وحتى روح الروح
من ونهة تهيد اوصرخ ناداني
شكتب ياوصف موفكر ماضل راح
من راسي الفكر وبحجية بجاني
بجاني القلم لتسيرة ايدي شلون
ما ادري يروحي اشلون بية اني
احملت همي وعذابي واهي من سنين
بوسط كلبي وعذاب الشوك سلاني
سلاني نعم وياريت بس سليت
حبك مكتفة ابسلي جناني
يعني ابلاعقل هسة انة بين الناس
وعل حالي يون القاصي والداني
ترضاهة اعيش ابدنية وك مجنون
ومخاوي الحزن ماتضحك اسناني
وترضاهة اعيش ابذلة كل اغراب
وانة ابنص هلي وبين خواني
حاجيني ابلطف يامنبع الاحساس
يمالك روحي انتة وعلم اوطاني
احبك ياترف والكلب بيدك هاك
افتحة وشوف تلكة اسم نوراني
اسمك ياحبيبي اتوسط الدلال
تلكاه وابد ماتلكة اسم ثاني
عشكتك موعشك حد كطع الانفاس
وشتلتك وردة والله ابوسط بستاني
تعال اكرب حبيبي ولاتضل ابعيد
تعال اكرب تلفلف بين ذرعاني
تعال اكرب حبيبي الهجر ماكفاك
كلي من الهجر وك انتة اشجاني
جنيت انتة الهموم ودوخة الراس
وجنيت انة الذبح الهجر ذبحاني
احبك ياحبيبي ارحمني وك شبيك
مو هجرك سموم ابكاسه ازكاني
احبك واليحب صعبة يخلص الليل
وك ابدون حبة ايخلصة وحداني
مايطبك جفن منعندة يغفة اينام
ولا يرتاح بالة ابلليله اثواني
ردلي ياحبيبي ولاتشمت اعداي
مو كومت مرار الهجر عباني
ردلي ياحبيبي هذا انة امتانيك
اضمك حيل احبسك جوة بحضاني
انة بير الوفة انة قطار الشوك
انة سجة محبة الباري سجاني
انة شجرة عشك والبلبل الفتان
يغني ابشوك لجلك من علة اغصاني
انة بحر الغزل اليروي العشاك
يروي الشوك شوكي وعيب رواني
وضل ضامي الدهر ماطولك ابعيد
بس شفتك التروي ابعضت الساني
رد مع اقتباس
المشاركة الأصلية كتبت بواسطة ايام الوداع
