مدري بيا زمان الوادم تعيش ؟
عدها الحب مثابة اربعه ارهاب
خيانات وخناجر وختلافات
(وبواري)ومدري شنهو وطاب ماطاب
أذاصور عشكهم عاليريدوه
لازم بالقصيدة نخلي(سكراب)
معقوله العراق العشك بي مات
ماكو .احليو.صادق.ترف.حباب
العشك موجود لكن صوج الكلوب
التكفر(بالكناري)وتهوه الغراب
خناجر كلهه چانت گبلك الناس
واخرهم شهگ يم گلبي رمحه
واريدك خلگ سيف تجيبلي وياك
وخلگ الذكريات البيه أذبحه...
حته انسه النسوني وسدوا الباب
شكتبوا وشخذوا من بالي امسحه....
وارسمك يم صفنتي عيونك تصير
لوحه الماطرت من عدهه لوحه
وندوخ اثنينه ومانصحه للموت
نصحه المن! عمر مايسوى نصحه
مسودن و اخبل لو عاقل شلون
فديت نفسي هع هع
ههههههههه شلون ماكان انت تخبلالمشاركة الأصلية كتبت بواسطة علي الميساني
انا القررت احبك وارتبط بيك
وعلى اعنادك اضل اذكر بطاريك
حر اني بقراريبكيفي اهواك
احبك ما احبك انت شعليك
ليش تبچي...؟ الناس إجو سألوني
جاوبتهم.... هذا حظ عيوني
كالو اضحك... عوف دمعك
حيل اضحك... خل نسمعك
توني جيت اضحك... وإجو بچوني !!!!
الــــف حســـره بـدليــلي لجــــلك تــنوح
والـف دمـعه بعــيونــي اليــوم مـذبــوحــه
شســـولفلك يغـــالـي وكــلبي مـجــروح
وشـــيفـيد النـــدم لـو ناحـــت النـوحــــه
انـــت كبــال عــــينـي ويــــن ما اروح
مـــثل صــــــوره جمـيله ومـرتـــبه بلوحـه
عــزيــز انــــت ومــعزتــك هـــزت الروح
ومــن اجـلك تــراهــا دمـوعــي مفضـوحــه
شـنو البعـــد يــرهــم شــــنو المســموح
بقـت بـس الدمـوع اليــوم مسموعة
تتگبر عليه معقوله هــــــــــــذا يصير
وتحاجيني بقساوه وجنت اعز ناسك
لك اني منو ؟؟
تعرفني كلش زيــــن
انـــــــــــه اول بشر قارنته بانفاسك
ناسيني حضرتك وصرت أزعجك حيل
وصرت هسه من اخابر دوخت راسك
يلا انـــــــــــــي اسف واعتذر غلطان
لان وي النبض هـــــذا الگلب قاسك
راح اصبر بدونك وارهـــــــــم بلياك
واذبح رمش عيني الچان يبجيلك
واتحمل عذابك والبعد والشــــوگ
وماحط صورتك گدامي واشـكيلك
ما اگلك نسيتك بس جرح بالروح
يكسر واهسي ومايقبل امشيلك
عيني الشالتك گلتلها اشيلك راح
گالت شيلني وماقبـــــلت تشيلك
جرحي الفاك صدره وما يريد خياط
واگف چنــــــــه واحد جاي يدعيلك
بس مجبور ادفنك ياعشگ ياشوگ
واقره الفاتــــحه وبالوحشه اصليلك
