[FLASH="http://www.dorar-aliraq.net/ext/uploader/fileup/1314523396.swf"]width=300 height=300[/FLASH]°•.♥.•°الهمسة التاسعة والثلاثين°•.♥.•°
كفايه صار لك أيام كأنها سنين غايب عني يالغالي
كفايه يا اعز الناس ترى والله ما أقدر
دخيلك لا تخيب فيك هقواتي وآمالي
و اذا انها عالصبر و الله و غلاتك عندي راح أصبر
أبتحمل عنى فرقاك و حالي يرثي لحالي
مع اني و الله لين اليوم مدري ليش بس تهجر
أبعرف شالسبب أرجوك وش اللي بس يجرالي
أنا شسويت ياربي عشان ماتوفي وتهجر
أنا و الله ماستاهل أبد كل اللي يجرالي
أقل مافيها بس قل لي سبب خلاك تتغير
عطيتك قلبي و روحي وهبتك حالي ومالي
حملت احساس هالدنيا و عطيته لك و انا أفخر
عشقتك عشق لا قبله و لا بعده انعشق تالي
هويتك موت و تخيل إلين الموت و تصور
و ارد أقول لا أدري يبيني و حاسس بحالي
و أرد أقول لا ماظن على باله أنا اخطر
إلين إني انا تأكدت قلبه بالفعل خالي
و لا غيري أنا بقلبه يحبني موت و يقدر
بعدها عشت أحلى ايام في قربه هنيالي
و صلنا لمرحله مانفترق عن بعضنا وأكثر
بعدها فجأه خلاني ولا يسأل عن احوالي
و انا في خاطري أدري محال في يوم يتغير
أدق له مايجاوبني بديت أشك في حالي
أخاف إنه حصل له شي أخافه بس متكدر
لعب في قلبي الوسواس خياله ما تهيالي
حوالي ألف مسج طرشت حبيبي يا عسى ماشر
و لا جاوب و انا قاعد على اعصابي و غربالي
حبيبي صار له اسبوع فيني حتى ما فكر
إلين إني عرفت شلون أخلي خلي الغالي
يكلمني و جت فكره بعد ما مت وانا أفكر
و فعلاً اتصل فيني و بدت أحزاني و أهوالي
و كانت صدمتي كبيره علي الغالي يتغير
سألته قلت له اشفيك ما من شر يالغالي
وش اللي صار بالدنيا علامك ليش متبعثر
أو إنك يعني ماتدري بدونك صرت أنا لحالي
و لا لي خلق أي انسان كثر مافيك أنا أفكر
و جاوبني وقال أرجوك أبي هالدنيا تصفالي
أنا مليت من وضعي واشوف الكل متغير
أنا ضاقت بي الدنيا وأبي أبقى انا لحالي
خلاص اتركني لاتسأل وأنا برجع عقب أشهر
و قلت له مو علي تكذب أعرفك تضعف قبالي
تكلم قول شالموضوع بدى قلبي يدق أكثر
سكت لحظه وقال أرجوك ابعد عني يالغالي
و خلني أذكرك بالخير وانت مثلي اتذكر
و لا تطرش مسج واحد ولا تدق لي أبد تالي
و إذا لي خاطر عندك لاتتكلم أبد سكر
وقلت له والله ماسكر إلين تقول وتصفالي
وقال لي والله ماتكلم ولو تبكي دمع أحمرو
و سكر و الدمع فيني على الخدين همالي
قسم بالله ما أدري علامه قلبه تحجر
فؤادي انهار وانا حملي جبال وجبالي
في لحظه صارت الدنيا في عيني هالكبر واصغر
حسافه ماهقيته يوم يصد عني ويتغير
بعدها صار لي ماصار وربي يعلم بحالي
فؤادي باقي بس شوي واحسه من الجسم يظهر
بديت أعرق مدري ليش وخابت كل امالي
انا توقعت كل الناس ولا توقعت هو ينكر
ولكن طوّل غيابه وزادت فيني علالي
مرض قلبي تعب فكري واحسه جسمي متخدر
قسم بالله لين اليوم وحالي يرثي لحالي
قسم بالله إلين اليوم ولا أدري ليش هو تغير
قسم بالله ماغمضت عيوني ولا هدى بالي
قسم بالله مامر يوم إلا وفيه أنا أفكر
قسم بالله قلت بنساه بس طيفه يتهيالي
قسم بالله لو حاولت أنا أنساه أتذكر
إلين اليوم أنا عندي أمل يرجع و يصفى لي
أقول الشوق بيرده على فرقاي مايقدر
إلين اليوم و ضحكاته و بسماته على بالي
إلين اليوم ما أرقد كثر مافيه أنا أفكر
أبعرف شالسبب أرجوك وش اللي بس يجرالي
أنا شسويت ياربي عشان تثور و تتفجر
أنا والله ماستاهل أبد كل اللي يجرالي
أقل مافيها بس قل لي سبب خلاك تتغير
لكن حكم احساسك و جاوب يا أغلى كل غالي
بذمة و الديك يهون تنساني و لا تذكر
يهون إنك تخليني ولا تسأل ولا تبالي
يهون إنك تنام الليل وتتركني انا أسهر
كفايه كفايه صار لك شهر غايب عني يالغالي
كفايه يا أعز الناس ترى و الله ما أقدر
دخيلك لا تخيب فيك هقواتي و آمالي
و إذا انها عالصبر والله و غلاتك عندي راح أصبر
رد مع اقتباس
