قصيدة الشاعر المبدع والرائع
حسين المحمداوي
بعنوان
( اخر جرح )
بعد ان اوشكنا على اخر جرح
لم يتبقى سوى الــذكريــات
بعد مابينة ملكَة ونرجع اثنين
رجع واحدنه لابس ثوب حزنة
شربحنة من العشك بس لذة فراك
غير نموت حتى نكول عشنة
ليش الفقر حاجز لليحبون
وعلى اوتار المواجع يعزف النه
العش شكد بسيط وحقق احلام
العصافير اعلة نيتهن بننه
القصر ماله علاقة براحة البال
بحضن امي من انامن عدي جنة
ترة الجنحة نكسر ثق واهسة يطير
جنح وبغير واهس ماله معنى
الامس جف حبيبة بنية فراك
باجر يجوز ايده تعوف ردنه
لان تربات ملكة نكره لوداع
ميت ما نــــودع طبع عدنــه
خاف نودعه ويحسبنه عفناها
نكول بجوز باجر يرجع النه
اليوم فراك عدنه نقيسة بسنين
مو بينة الذنب تربات اهلنة
وصلت بينه وصينة اليصلون
بلكت ننجمــع تدعـون النــه
للشايل بروحة احساس سجان
من نحجي بترف ما يفتهمنه
والشايل بروحه احساس فلاح
من نكلة وردة يصفك النه
هيبتنة كَبل تحتاجة شيوخ
هسة الذلة مرسومة بوجهنه
كبل من ننسأل ونجاوب بخير
هسة مدنكــين ونكول جــنه
رد مع اقتباس
