درر العراق

راما · 6/March/2014

انه الزعلان منك وانت غلطان
وعليش تلومني وصاير تعاتب
اذا حاسبني خِلك ترهم تخون؟؟
واذا صاحب يصير تخون صاحب !!

مو شرط الجديد الصاحبك زين
وتغضله عله الحمل لاجلك متاعب
اذا عليت غيري وصار الك عين
تذكر اعله من عنده الحواجب

عجيبه تقرب المايملك احساس
وانه احساسك جنت وتعدني غايب
موجب عمري كله مخلص وياك
وحسافه تبيعني عله انسان سالب

سد باب العتب يافاقد الذوق
لتساوي القصور ويه الخرايب
مااذوب عله شوكك وابقه اتانيك
وتذكر انت بيه الجان ذايب

عجايب كالهه العيساوي فد يوم
وبعد مااشوف بالدنيه عجايب
خلاص اغراب صرنه وانسه فد يوم
ترف كلوبنه ونرجع حبايب