غريبة محشية
المقادير:::::
ﻃﺤﻳﻦ بدون عيار ( تقريبا اربع كب ) ، ٢ كوب سمنة مدوبة ، ﺭﺷﺔ ﻣﻠﺢ ، ملعقة ڤاﻧﻴﻼ ، ﻛﻮﺏ ﺳﻜﺮ ﺑﻮﺩﺭﺓ
طريقة العمل ؛؛؛
ضعي السمنة والسكر في جاط واخفقيهن في المضرب اللي للكيك حتى يصيرو متل الكريمة وبتحطي الفانيلا واخلطي وبعدها بتصيري تحطي بالطحين شوي شوي حتى تتماسك معك وتقدري تشكليها وما تلزق بالايد ابدا يعني مش لازم تكون جامدة كتير ولا كمان رخوة
الحشوة ؛؛؛
جوز ولوز وفستق حلبي طحنتهم خشن وضفت عليهم سكر وقرفة
بتوخدي قطعة من العجينة بتعمليها متل الكرة بتحفريها باصبعك وضعي حشوة وسكريها واضغطي عليها منيح حتى ما تطلع الحشوة منها وشكليها وحطيها على صينية الفرن بدرجة حرارة متوسطة واخبزيها حتى يتغير لونها من تحت شوي بتطالعيها بتكون جاهزة اتركيها حتى تبرد تماماً وقدميها هون جزء منهم عملتو سادة وجزء حشيتو وجزء خلطت الحشوة بالعجينة...
رد مع اقتباس
