هنا

[الملاذ الاخير]

أيهاب المالكي

آنه من الجرح يا صاحبي اتعافيت
عبرتني المنية ويومها اتبدل
لـكّطت السنين ولحكت ع الضال
وأحييت المصوفر كبل لا يذبل
تانيت امنياتي الما منعسه تنام
حتى اكدر بسكته من القيود افتل
عفت بيت ابوذيه على العش مكتوب
كلبي بفركة الخلان وجناح
وبديت انحاز للشمات وجناح
صدكـ خليتني بس ريشات وجناح
لكن صفك جنحي لمن ردت ارحل
صفك جنحي لعد غيمة
عفت ذاك الغصن هيمة
عمر ويّاك ادور حل
جبيرة السما وين اسأل
اخاف اشرد وما أندل
إلى أن قررت حسيت عمري الضاع
شفت الطير ثاري من يطير اسهل
أثاري العش عذر للما يعرف يطير
أكول اشبي الشامت مايريد ارحل
حركني الظن مثل لعبة الغميضان
وره حايط الشوك بلوعتي اتختل
جنت الخاطرك تحلف ابخلكي الناس
انازع واليمر ايشوفني امدلل
حكت لاغلاطك بنصين كلبي اعذار
ترفه اتغار منها حياكة المغزل


88888888888888888888888888888888888888888888

ايهاب المالكي

انطيني ايدك بعدني لهسه مشتاك
بلكت من الزمك روحي ترتاح
انه من تعوفني انذل مثل طير
يريد يطير لكن فاكد جناح
تجي والساعه تاكل موعدي وياك
واحس ميل الثواني جنه تمساح
انه سنيني العشتهن ذني الوياك البدونك عليه يمرن اشباح
ضكت عمري الوياك وركزت بي
وبجيت وكمت احس بقيمه الراح
انه احبك بكد ماخايف تروح
اذا لاسامح الله تبعد شراح اسوي؟
وانه وحدي من يمر يوم الدمع بخدودي احسه ينبت رماح
جفي لا تهده انه اوصيك
كلش لا تهده الا اذا طاح

عبدالحسين الحلفي

سألت اللي يعرفك عنك هواي …..وحتى المايعرفك هم سألته

وحتى المايعرفك كال اعرفه ….يكلي البحلاته انخلق فلته

يكلي البحلاته مدوخ الناس …..ولو ما شايفه بس جني شفته

سألت الدرب عنك والمسافات …..كالت فات ونتاني رجعته

……الدرب قلبه صخر ويتاني ملهوف …..اذآ حقي من اصرخ وينك انته

انت التختلف عن كل حلو شلون….. اليشوفك تنكلب ضحكات ونته

وانت التختلف عن كل حلو شلون …..انت الساكت ونسمع سكتته

واظن ربك بخلقك طول هواي …..وحط كل فنه بيك وكل قدرته

اليصفن على وجهك يسكر يدوخ …..واذا صافن يظل تسكر صفنته

احب خيط المروره البيك جي بيك …..وكل شي اللي حلو بغيرك كرهته


ادوخ عليك حقي شلون ما ادوخ …..اذا حتى انته هم دخت على انته

88888888888888888888888888888888

[julia]

روووووووووووعة