اربع شباب ملعبين صاعدين بتكسي , يريدون يغلسون على الأجرة و يضربون السايق بوري اتفقو انو ينزلون بسرعة بس توكف السيارة وفعلا وكفت السيارة فتحوا البوب بسرعة واشتغل الركض من الطفرة شافو عمارة دخلو بيها وصعدو اول طابق....ثاني طابق....ثالت.....هيج حتى وصلو لاخر طابق وطبعا كلهم ختلوا ولا حِس ولا نفس, بعدين واحد منهم...... دغ الي بصفة كله: هسة اشصار بالسايق؟...؟؟ كاله: لك اني السايق بس كلي شنو القصة؟
ليش البنات يحبون حرف الميم لأن بي كل شي يحبونه ؟؟؟؟
مكياج @ مولات @ مناسبات @ مطاعم @ مرايات @ ملابس @ مكالمات @ مسجات @ مصروف @ مهند @ ماتريد اطلعنا @ ماتكوم اتوديني عند اهلي @ مامشتهيه شي @ مزاعلتك ...
محشش لحيته طويلة أول...مرة يدخل جامع .. اجاه واحد وسأله : يا شيخنا .. فاتتني ركعتين شسوي ؟ كاله :اكو أحد شافك؟ كال : لا .كاله : غلس
كو واحد كاعد بالكهوة وضايج كله لصاحبه ليش ضايج كله مرتي زعلت عليه وكلتلي مراح احجي وياك شهر صاحبه كله على هاي ضايج ؟ كال لا لأن الشهر راح يخلص
محشش يسولف لصاحبه : جنت بالصحراء دا امشي واشوفلك الاسد جاي عليه كبل , وراسا ختلت وره الباب , صاحبه كله ولك علينه منين اجه هذا الباب , المحشش : لا صعدت على الشجرة , هم كله وين اكو شجر بالصحراء ,المحشش : لعد اكلني , ارتاحيت !!!
اكو واحد تزوج وحدة بليلة الدخلة طلعت عرجة فكعد وياها كالهة انتي خدعتيني ليش ماكلتيلي انتي عرجة من البداية كالتله هسة انت شتريد تتزوج لو تتسابق
واحد انسرقت سيارته..ركض وراهه ورجع گال:هم زين أخذت رقمهه .هاي قديمة
أحول إتزوج عله مرته...طلعت هيه نفسهه.
واحد طگّت أموره بالتجاره جاب خدامه.. ثاني يوم تعاركت مرته ويه الخدامه..
گام عزل كل وحده ببيت.
مره سالو محشش الثعلب يجيب لو يبيض؟ ..... جان يكللهم : والله هازا كلاوجي كلشي يسوي
مرة مدرس كال للطلاب اريد اثنين يرسمون على السبورة حيوانات برية فكام الاول رسم غزال والثاني رسم نقطة وكعد كلة شنو هاي النقطة كلة استاذ هذا فيل جاي من بعيد .
واحد دعمته سياره ومات ..صديقه راح يبلغ زوجته فخاف لا- - تنصدم ومهد الطريق للخبر..
كاللها: زوجج ضيع فلوسه بلقمار.. كالت: الله يضيع عمره .. كاللها: وباع البيت.. كالت: الله يضيع روحه.. كالها:وتزوج عليج هم ..كالتله: يارب يدخلوه عليه ميت.. كال: يله شباب جيبوه
وهاي اخر وحدة
ولد سأل امه كلها ابويه ليش اكرع؟؟احتارت الام و كلتله هاي علامات الذكاء!كللها من هاي انتي شعرج طويل
رد مع اقتباس
