هنا

[مواطن عراقي]

السلام عليكم ورحمة الله وبركاته
هنا يتم تقديم طلبات الانتماء الى حركة المتزوجين السعداء

الشروط

متزوج او متزوجة
الجنسية العراقية / هوية الاحوال المدنية / البطاقة التموينية / بطاقة السكن
اربع صور
تأييد السكن
للرجال - موافقة اصولية من نسوانهم تؤكد عدم الممانعه بالانتماء للرابطة
وسيتم انتخاب رئيسا او رئيسة للحركة

الاهداف
نشر ثقافة الزواج بين العزابية الضائعين
اضهار محاسن الحياة الزوجية واخفاء مساوئها - ان وجدت -



يغلق باب القبول في الساعة 12 ليلا
من اخر ايام عيد الفطر المبارك ولا تقبل بعدها الطلبات

والله الموفق

[الدمعة الحرة]

الله يوفقكم
هاي من اولها طردتوني..

[محامي الحب]

للرجال - موافقة اصولية من نسوانهم تؤكد عدم الممانعه بالانتماء للرابطة

لازم هاي الموافقه مصدقه من كاتب العدل ومن المجلس البلدي ومختار المحله ..ههههههههههه

[مواطن عراقي]

محامي الحب .... احنا ناس منظبطين ونخاف من .... الله

[مواطن عراقي]

عيني ست ندوش ..... ليش حتى نطرد احد احنا ما النا بركة الا بيج

[عادل الابراهيمي]

لازم هاي الموافقه مصدقه من كاتب العدل ومن المجلس البلدي ومختار المحله ..ههههههههههه

العزاب بالله ليتدخلون كافي مشاكلهم وطلايبهم ثم شلون طبيت هنا مو اكو حرب اعلنتوهه ضدنا ؟؟
ماشي احنه ما عدنه شي مخفي وكلله بالعلن وموضوع الموافقات هذا شي اكبر من ادراككم وحكمة ما تگدرون تسبرون اغوارها الا من تتزوجون وتجون توسلون بالانضمام الرابطتنه رابطة المتزوجين السعداء كلللللللش هواي.

[الدمعة الحرة]

ابو عبودي

الجنسية العراقية

هاي اول شرط مينطبق عليه..

بس ما عليه.. انتو الخير والبركة..<< بنصب نفسي الزعيم تالي خخخ

[عادل الابراهيمي]

محامي الحب .... احنا ناس منظبطين ونخاف من .... الله

عيني السيد الريس مال رابطة مال احنه الزواج ..
لتعب نفسك وياهم اني گتله مراح تگدرون تفهمون الحكمة من الموافقة..
وارجوك اكو حرب بيناتنا اعلنوهه علينه واحنه ياغافلين الكم الله.. وهو جاي يتجسس ويتحسس لقواتهم الغازية اللي صديناها وصلخناهم بصاروخ ارض ارض من قائد كتبة الصواريخ وخلينه طشارهم ماله والي ..
الله اكبر .. وخل يطخون راسهم بالف حايط.

[Suzana]

ههههههههههههههههههه
احلى شي هذي الفقر

ةللرجال - موافقة اصولية من نسوانهم تؤكد عدم الممانعه بالانتماء للرابطة

عود موفقين انتو وو...................

[مواطن عراقي]

الاخوة الاعداء العزابية
ليش تلحون ... بابا لا تدخلون هنا شعدكم غرض ؟
لو تريدون تتزوجون وما تعرفون شلون ؟