عدنه شلون دوله وبيها حريه ؟!
عدنة شلون دولة وبيها حرية
حسنة ام اللبن صارت سياسية
****
حسنة اشلون لعبت بالخلكًَ طوبة
راحت للسياسة وعــافت الروبة
الفضائيات كلها عليها مكلوبة
وامريكا واوربا بـــــيها مسبية
حسنة ام اللبن صارت سياسية
******
حسنة لفلفت كلشي بعبايتها
وسبع تالاف من تمشي حمايتها
بسوكً اللبن متشكلةوزارتها
وحكومتها حكومة محو امية
(حسنة ام اللبن صارت سياسية
********
طلابتنة جبيرة وحسنة حبــــابة
وبــــوش يكول هيه اتحل الطلابة
حسنة للحكم صعدت ابدبابة
وكًـــامت ترسملنه خطط امنية
حسنة ام اللبن صارت سياسية
*******
يا نـــاس على حســـنة بعد ما نعتب
لأن مـــكًرودة لا تقرة ولا تكــتب
ملتهية تفـــرهد بينة وتسلب
وحصتها بنفطنـــــه الف بالمية
حسنة ام اللبن صارت سياسية
*********
ما ندري وي حسنة شلون تاليها
يا ناس وتعــــبنة من بــلاويـــها
لأن دولــــتها حـــاميها حــراميها
حظنة الوكًـــعــانة بحلكً واوية
حسنة ام اللبن صارت سياسية
********
كًــــالوا حســنة راح تعــالج الاحباط
وتذب شـــيلة فكًرها وترد تلبس قاط
وتأسس حكومة كلهه تكنوقـــراط
وتعالج بناء البنى التـــــحتيــة
حسنة ام اللبن صارت سياسية
**********
لبســـت قاطها وتسودنت حسنة
وردت تزمخ علينة وتفارســــنة
درجعي للبن مو خرب واهسنة
عســـاها ابخت من سواج حزبية
حسنة ام اللبن صارت سياسية
رد مع اقتباس
المشاركة الأصلية كتبت بواسطة حيدر الغديري
