اجاني الليل
اجاني الليل ...أكلك :ماتجي وياي؟؟؟
مو تدري حبيبي الليل كافر!!!!
وبدونك ليلي أظلم مااله نجوم
عليه هموم تهجم جن عساكر
تنام عيون غيري .. وعيني متنام
تظل عالباب تنطر...كلب شاعر!!!
يغايب عني...أبقه مناطرك دوم
رغم بعدك تظل بالروح حاضر!!!!
أخبرك يلتنام الليل مرتاح
عليه الليل والله هواي جاير
أعد ساعات ليلي وأنتظر نور
ونهاري أدري حلف وي ليلي صاير
يمن ماتقره تدري شكد مكاتيب
الك وديت.... تشهد هالدفاتر؟؟؟
وهم تدري شكثر دمعات وديت ؟؟؟
الك وديت وي دمعي المحاجر!!!
ترد شلون يلساكن بالتراب؟؟؟؟
شيرده اللي سكن وسط المكابر؟؟؟؟؟
رد مع اقتباس
المشاركة الأصلية كتبت بواسطة منال الروح
