طفل انـــه طفل بس صوتـــي مسموع
تعال وشوف دمـــــي اسمعهــا كلماتي
تصرخ يــــــــــا علي فدوه الكم انروح
وقربـــــــــان العراقي اتصيح شهكاتي
وتعال وشــــوف شنهي شكتبت الناس
تسولف بس علي وتوجلي شمعـــــاتي
رضيت انـــه بقسمتي بعبوة مـــــــوات
ورضيت من الوكت يمسحلي ضحكاتي
ورضيت بعيدي اعيّد يــــــــــم الحسين
ويــــــــــم زينب رضيت اتطيح دمعاتي
ويـــــــــــــم حيدر رضينه انصير ايتام
وحتى بكـــــــل صبح يمسحلي هاماتي
بس انت السياسي شعندك وينطـــــوك
اذا كاظيهــــــــــه فرجه الصوت وناتي
ليش اخرس صرت من تسمـع الصوت
دكوم انفض عباتك زيح جــــــــــوياتي
مو آنــــــــــــــه طفل ناطر حلات العيد
ومثل صحباني انطر تحلــــــه ساعاتي
بس دومـك خرس بايك ضحكتي شبيك
درجع فرح ابـــــــــوي التعب با رباتي
وبطل للعذر تستنكر اهــــــــــــل الجور
ذيب اتصير حــــــــوك وبالصدك شاتي
هذا آنـــــه اعرفت طبع السياسي اليوم
سبب مــــــــوت العراق وسبب نزعاتي
بقلمي البسيط
واثق الكرناوي
رد مع اقتباس
المشاركة الأصلية كتبت بواسطة اجمل انسانة
